ROMA 15:5 - Tanou Moonsoi Timugon

⁵ Gama' ru i Aki Kapuuno' ondo' mampaikang ra guang min am mangani' ramuyun ra guang mataan, mangindangan ramuyun maayag ra rondo' guang sumugut ra tiluan i Kristus Jisus.

ROMA 15:5 ပူးပေါင်းရင်းမြစ်များ

2 TUNUNG RU BANSA' ISRAIL 30:12

Giu' ra Jiuda, i Aki Kapuuno' pana miningkuor am noporondo' ra guang ru mamagun maa' raginio totopot gumagaya' ra kasagaan Nano, saboi ilo masaga' gumagaya' ra susuban ru raja' am pagawai-pagawai nano.

MAZMUR 86:5

Iou Tuhan, Okou no moonsoi am masaga' mangampun ra ulun, tagamin Mu ilo ondo' makiasi' Rirun.

KAINGKUALAN 34:6

Pansail boo Tuhan ra saang ri Musa am indagu, “Aku Tuhan i Aki Kapuuno' ondo' napanu' ra asi' am kimasi'; kalo mataki' Aku sumangit, mapakito Aku ra togom am gagaya' ondo' maayo.

JIRIMIA 32:39

Aniin Ku ilo ra rondo' kuayan ru kaayagan: koson mangurumat Raki' ra sabubuoi no koson ra kaatangan nilo galama' am papag nilo.

YEHEZKIEL 11:19

Aniin Ku ilo ra guang am pangkaraan ondo' bagu. Aligin Ku guang nilo ondo' mokotog koson ra batu, ra guang ondo' gumagaya'.

RINALATAN 4:32

Ngaangai' maamaya' ri Jisus toojo rondo' guang. Kolondo' sangulun pana intor risilo nangkara' am nangangku ra kuliamos nano galama', kaa' nagagapu ilo ra kuliamos.

ROMA 12:16

Kaayag kano ra rondo' guang ra rondo' am bokon. Pai' pampaguang ra akau ti maatang, kaa' latok kano ra ulun musikin. Pai' pangkara' ra akau ti poyo mapintar.

ROMA 15:13

Gama' ru i Aki Kapuuno', puun ru kalansanan takau, mangani' ramuyun ra kaansukan am katasuan ru guang ralalom ru pangintapatan min Riso. Maa' raginio, ralalom ru kuasa' ru Ambiluo ri Aki Kapuuno', mikang poyo kalansanan mino Riso.

ROMA 15:3

Sabap ra sala' ka nangkara' i Kristus ra kaatangan Nano galama', kaa' koson tinulisan ra Buuk Kitab, “Ngaangai' pagasaban ru ulun no Rirun, O Aki Kapuuno', nakatiu' niayuk raki'.”

1 KORINTUS 1:10

Pabukat kau ngaangai'. Ralalom inggalan ru Tuhan takau, i Jisus Kristus, kitaakon ku toojo ra pakarati' kano ra rondo' am bokon, maa' raginio kalo mantutuliar kau. Pogogondoo' min noyo guang am niayuk kasagaan min.

2 KORINTUS 13:11

Pupusin ku pabukat kau ngaangai', tumoojo kau! Pirot kano toojo tumanda' am rongogo' noyo bilin kutu. Pogogondoo' noyo guang min am koonsoi kano ra rondo' am bokon. Gama' ru i Aki Kapuuno' ondo' monogom am manaak ritakau ra pabansayan mabaya' ramuyun.

2 KORINTUS 7:6

Kaa' paringkuanangan ri Aki Kapuuno', ondo' mampaikang ra ulun nasindualan, sabap ra guang mai niayuk pinaikang No ra rinatangan ri Titus i.

IPISUS 5:2

Kaayag kano sumugut ra togom, mogondo' ri Kristus nonogom noyo ritakau ra Io nampataak ra painawo Nano sabap ra itakau. Nasauk Io koson ra taak simbalui ra maamis owou ondo' mampakatasu' ra guang ri Aki Kapuuno'.

PILIPI 1:27

Raino ondo' maatang toojo, kaayag kano sumugut ra Tanou Moonsoi ri Kristus. Maa' raginio, maampon ru moongoi takamin kailai' kapoam kalo, morongog takamin niayuk ra mingkotog kau poyo koson rondo' ayuk pangintapatan am niayuk rondo' guang min. Maa' raginio, makakau' kau mampabala' ra pangintapatan ondo' inimpuun ra Tanou Moonsoi no.

PILIPI 2:2

Ginio nai ra kinam kano papakaansuk toojo ra guang kuno koson ragitio: Korondoo' guang am pangkaraan min, togom am kasagaan min.

PILIPI 3:16

Baalo' takano maya' ra katapatan ondo' inila' noyo ritakau.

PILIPI 4:2

Gitio bilin ku ri Iuodia am Sintiki ra pogondoo' noyo guang mino maa' raginio mambukat kau ralalom pasimpungan min ra Tuhan.

1 PITRUS 3:20

ioginio ambiluo ru ulun ondo' kalo giminagaya' ri Aki Kapuuno' ra galing i, nakaintuma' ri nabi Nuu. Paat ragili naginaa i Aki Kapuuno' risilo ra guang mataan, buoi ri Nuu nomongo ra kapal maayo nali. Balu' ngaulun ayuk ringai' siminakoi am gitilo ayuk ondo' binayag ru rosob i.

1 PITRUS 3:8

Pamupusan raginio: Korondoo' noyo guang min am pakaasi' kano ra rondo' am bokon. Ponogom kano ra rondo' am bokon mogondo' ra akau tumogom ra pabukat min galama'. Am poyo musiti' kau mataau am minggana' guang.

2 PITRUS 3:15

Karaa' min noyo guang pantataan ru Tuhan no rondo' kaluagan ondo' tinaakan ramuyun ra makaalap kau ra pamayagan. Gitio niayuk suang ru surat ri Paulus, pabukat ondo' tagamin takali, ra io nanulis ramuyun maya' ra kapintaran ondo' tinaakan ri Aki Kapuuno' no riso.

2 PITRUS 3:9

Tuhan kalo igondo' kabuoi manugut ra atan ondo' binantu' Nano. Kabalu' pana mokoondo' niayuk ulun mangkara' ra koson raginio. Kaa' sotopot no maginaa Io ra guang pantataan, sabap ra kalo masaga' Io ra sangulun pana pusoon. Masaga' Io ra ngaangai' ulun tumalikur intor ra tula.