ROMA 15:26 - Tanou Moonsoi Timugon

²⁶ Sabap ra ulun Kristian giu' ra libung ru Makidonia am Akaya mangasaga' mangani' ra ruit paindanganon ra ulun ri Aki Kapuuno' ondo' musikin giu' ra Jirusalim.

ROMA 15:26 ပူးပေါင်းရင်းမြစ်များ

2 KORINTUS 9:12

Pangindangan minti sala' ka pangingiru' ayuk ra kapaganan ru ulun ri Aki Kapuuno' giu' ra Jirusalim, kaa' niayuk mangkinibit ra ulun masuang maringkuanang ri Aki Kapuuno'.

2 KORINTUS 9:2

Nakapandai aku ra akau masaga' mangindangan. Koson ragitio ompor kuno ramuyun ra ulun ru Makidonia ra aku minindagu risilo, “Pabukat min ra Kristian ra pagun ru Akaya nakatampos noyo kalalair ra taak nilai intor ra sambilaran i.” Kinataau min ti noyo nampakapirot ra guang ru kasuangan nilai.

PILIMON 1:5

Sabap ra mokoondo' noyo naining kuno intor ra pangintapatan muno ra Tuhan Jisus Kristus am poyo togom muno ra ngaangai' ulun ri Aki Kapuuno'.

1 KORINTUS 16:15

Rondo' poyo bilin ku ramuyun: nakaulig kano ri Stipanus sambaloi. Ilo noyo ulun kasaa' ondo' nasauk ra Kristian giu' ra pagun Akaya, am mapirot ilo toojo mangindangan ra ulun ri Aki Kapuuno'.

RINALATAN 18:12

Paat ri Galio nasauk ra gabenor libung Akaya, nampapakat ulun ru Jaudi am namparakop ilo ri Paulus am ibito' io ra bisaraan.

RINALATAN 16:9

Rondom ragili, nakakito i Paulus ra pagilangan; mokoondo' sangulun Makidonia minigor ra saang nali am mangkimait, kono, “Sandaup kano ra giti am indangano' akai!”

LUKAS 14:13

Kaa' amon ru mampiau kou ra ulun mongoi akan ra baloi, piawo' niayuk ulun musikin, ulun kalo makalulu', ulun kimpo' am ulun bolou.

LUKAS 6:20

Tantangi' ri Jisus ngaangai' maamaya' Nano am indagu, “Pakaansuk kano, ondo' musikin, sabap ra akau noyo ulun ri Aki Kapuuno'.

MATIUS 26:11

Ulun musikin masalok mabaya' ramuyun, kaa' Aku kalo mantilayun mabaya' ramuyun.

MATIUS 25:40

Tumaam boo raja' no, ‘Balain takamin: Paat ra akau nambaal koson raginio ra sangulun rangan Kuno ondo' kalo maatang, koson binaal min niayuk ginio Raki'!’

JAKARIA 11:11

Koson raginio noyo nabantuan no inukat paat ra orou raginio. Ulun-ulun mantalan ra domba nagilong raki', am nakapandai ilo ra Tuhan tatanga' mindagu ralalom ru binaal kuno.

JAKARIA 11:7

Ulun mantalan ra domba nampagaji' raki', am aku pana nasauk ra magagalung ru domba sampanon ondo' simbaluyon. Alapon ku ruo jujuga': ondo' rondo' inggalanin ku “Kataawan” am ondo' rondo poyo “Pasimpungan”. Tumalimpuun aku boo magalung ra domba-domba no.

AMSAL 17:5

Osoi-osoi magasab ra ulun musikin, magasab ri Aki Kapuuno' ondo' namangun risilo. Osoi-osoi maansukan ra ulun ondo' najamaran io ukumin.

AMSAL 14:31

Osoi mangimpai ra ulun musikin, magasab ra Namangun risilo; osoi moonsoi ra ulun musikin, mangurumat ri Aki Kapuuno'.

AMSAL 14:21

Ulun ondo' monogom ra ulun musikin makakaansukan; ulun magasab ra bokon io mambaal ra tula.

RINALATAN 9:13

Kaa' taam i Ananias, “Tuhan, nokorongog aku no intor ra ulun masuang ra kalaatan ondo' binaal ru ulun ti ra ulun Muno giu' ra Jirusalim.

RINALATAN 16:12

Intor ra giu' i, injul akai boo ra bandar Pilipi, bandar maayo giu' ra libung kasaa' ru pagun Makidonia. Pilipi poyo pinarinta ru Empayar Roma. Minayan akai ra giu' i ra kukula' ngoorou.

RINALATAN 19:21

Kasauk ayuk ngaangai' raginio, makaguang i Paulus mongoi ra Jirusalim mansail ra Makidonia am Akaya, kono, “Mopongo aku mongoi ra giu', musiti' aku mongoi niayuk ra Roma.”

1 KORINTUS 16:5

Mongoi aku niayuk pagilong ramuyun paat ra aku mansail ra pagun Makidonia, sabap ra makaguang aku mongoi ra giu'.

2 KORINTUS 1:16

Nampaguang aku no tumuum ramuyun ralalom pangkiralanan kuno mongoi ra Makidonia, am mapit aku po saguli' ramuyun paat ra aku sumaguli', maa' raginio maindangan min aku manunggul ra pangkiralanan kuno mongoi ra Judia.

2 KORINTUS 2:13

Kaa' guang ku nagalabo toojo, sabap ra kalio natuum ku i Titus, pabukat takau ra Kristian. Ginio ra tatango' ku ulun-ulun Troas koson manunggul ra pangkiralanan ku ra pagun Makidonia.

2 KORINTUS 7:5

Paat ra akai nakasaboi ra pagun Makidonia kolondo' tangus mai, sabap ra ati-ati ayuk makakapaganan: mokoondo' mantataam ramon am guang mai galama' pana malaa'.

2 KORINTUS 9:4

Ati boo kulaan amon ru mokoondo' ulun ru Makidonia ti mabaya' raki' mongoi ramuyun, am ilai' nilo ra kalo niayuk nakatampos kau. Mumpara' boo uyu' mai, kaa' mulu' piboo uyu' min, sabap ra nakalansan akai ramuyun.

2 KORINTUS 11:9

Kalo igondo' aku pantipagon ramuyun, kabalu' pana ragili kolondo' ruit kutu; pabukat Kristian ondo' minatong intor ra pagun ru Makidonia noyo nangindangan pangani' ra atan ondo' kalo maukop raki'. Intor poyo ragili am suku' ra orou matong pana kalo noyo mantipagon aku ramuyun!

PILIPI 4:15

Pabukat kau ra Kristian ra Pilipi, akau galama' noyo makapandai ra paat aku timinalimpuun nampasaboi ra Tanou Moonsoi, ioginio ra aku nanatang ra Makidonia ragili, akau no rorondo' ayuk pasimpungan ra Kristian ondo' nangani' raki' ra ruit pangindangan.

1 TISALONIKA 1:7

Ginio nai ra nasauk kau boo ra tiluan ru ngaangai' ulun Kristian giu' ra pagun Makidonia am Akaya.

1 TISALONIKA 1:8

Sabap ra tumalimpuun intor ramuyun, bala' ru Tuhan nakasaboi noyo ra Makidonia am Akaya. Am sala' ka ginio ayuk, kaa' tanou intor ra pangintapatan min ri Aki Kapuuno' nakasuku' noyo ra ati-ati ayuk intok, saboi akai kalo pana boo mindagu intor raginio.

1 TISALONIKA 4:10

Am ginio pinakito min noyo ra ulun-ulun Kristian ra tikop-tikop ru pagun Makidonia. Kaa' pabukat ku ngai', kitaakon takamin mirot poyo toojo mapabansuk ra guang ri Aki Kapuuno'.

1 TIMOTIUS 1:3

Masaga' aku ra sumoroi kou ayuk giu' ra Ipisus koson ra naminsanan kuno rirun noyo paat ra aku minongoi ra Makidonia. Sabap ra giu' ra Ipisus mokoondo' kukula' ngaulun mangila' ondo' kalo motopot, am musiti' palanggain mu gitio risilo.