ROMA 15:25 - Tanou Moonsoi Timugon

²⁵ Kaa' raino mongoi aku ra Jirusalim pangator ra ruit pangindangan ra ulun ri Aki Kapuuno' ra giu' no.

ROMA 15:25 ပူးပေါင်းရင်းမြစ်များ

RINALATAN 24:17

Kukula' ngambilor kalio aku ra Jirusalim am bagu siminaguli' aku. Inangayan ku ra giu' i koson magibit ra ruit paindanganon ra bansa' kuno galama' am poyo mangani' ra taak ri Aki Kapuuno'.

RINALATAN 19:21

Kasauk ayuk ngaangai' raginio, makaguang i Paulus mongoi ra Jirusalim mansail ra Makidonia am Akaya, kono, “Mopongo aku mongoi ra giu', musiti' aku mongoi niayuk ra Roma.”

RINALATAN 20:22

Am raino, maya' ra susuban ru Ambiluo ri Aki Kapuuno', mongoi aku ra Jirusalim. Kalo nakapandai aku ra atan kia masauk raki' ra giu' no.

RINALATAN 20:16

Kalo masaga' i Paulus mapit ra Ipisus, maa' raginio kalo mamatir ra masa giu' ra pagun Asia. Masaga' io makasuku' ra Jirusalim ra mataki', ra io kalo poyo orou Pentekosta.

RINALATAN 18:21

Indagu io, “Amon ru iowon aku ri Aki Kapuuno', sumaguli' aku po ra giti.” Io pana nasundoi boo intor ra Ipisus ti.

GALATIA 2:10

Rondo' ayuk kinitaak nilai, ra akai musiti' mangindangan ra ulun musikin ra Jirusalim. Gitio noyo ondo' piroton kuno toojo baalo' ra buoi ti.

RINALATAN 9:13

Kaa' taam i Ananias, “Tuhan, nokorongog aku no intor ra ulun masuang ra kalaatan ondo' binaal ru ulun ti ra ulun Muno giu' ra Jirusalim.

ROMA 12:13

Pangani' kano ra rapu' mino ra ulun Kristian ondo' musikin, am pai' kano karara' tambuluyon ru pabukat ra Kristian ondo' kalo nauligan min.

2 KORINTUS 8:4

nangitaak ilo toojo ramon, koson iowon ilo boo mangindangan ra ulun ri Aki Kapuuno' ra Jirusalim.

2 KORINTUS 8:6

Ginio sabap ra akai nanusub ri Titus ondo' nanalimpuun ra pangindanganan ti, koson manunggul am mangindangan io ramuyun momongo ra kandoi moonsoi ti.

IBRANI 6:10

Io mabanis guang am kalo malilianan No ati koson nangandoi kau Riso, monogom kau Riso am nangindangan kau ra ulun Kristian ragili suku' raino.

1 KORINTUS 16:4

Am amon ru karaan min ra aku ti maatang paayaan, maya' aku niayuk risilo.