ROMA 15:19 - Tanou Moonsoi Timugon

¹⁹ ralalom ru tatandu' am kaimuagan am ralalom niayuk ru kuasa' ru Ambiluo ri Aki Kapuuno'. Pinabala' ku noyo Tanou Moonsoi intor ri Kristus ra ati-ati ayuk, inintaran ku ra bandar Jirusalim suku' ra libung ru Ilirikum.

ROMA 15:19 ပူးပေါင်းရင်းမြစ်များ

MATIUS 12:28

Ambiluo ri Aki Kapuuno' nangani' Raki' ra kuasa' mampagiru' ra riwato, am gitio mampainono' ra i Aki Kapuuno' nakatalimpuun noyo mamarinta ra gino ngai' min.

JUANIS 4:48

Kaa' indagu i Jisus riso, “Kalo mangintopot kau amon ru kalo makakito kau ra tatandu' am kaimuagan.”

RINALATAN 1:8

Kaa' akau makaalap ra kuasa' paat ra Ambiluo ri Aki Kapuuno' no matong ramuyun. Masauk kau boo ra sasi' Kuno giu' ra Jirusalim, ngaangai' ra Judia, am Samaria, am saboi ra ati ayuk intok ra tana' ti.”

RINALATAN 13:14

Intor ra Pirga, tungguli' nilo poyo pangkiralanan nilai mongoi ra Antiokia ra libung ru Pisidia. Paat ra orou Sabat, minumpos ilo ra baloi sambayangan am nanturung ra giu'.

RINALATAN 13:51

Ginio ra kabuli' nilo jamol ru kalayam nilai ra saang ru ulun-ulun no koson rondo' pangkaraan intor ra paliso malaat nilai. Kakabuli' nilo ayuk am ugar ilo boo ongoi ra Ikonium.

RINALATAN 14:10

am indagu ra bolos mapuor, “Ingkakat am bigor no!” Bigor pulali' ulun ti am tumalimpuun mugar-ugar.

RINALATAN 14:20

Kaa' paat ra ulun-ulun nangintopot ri Jisus minongoi limpu riso, sukal io am subol saguli' ra bandar i. Io suabon, ugar io mabaya' ri Barnabas am minongoi ra Darbi.

RINALATAN 14:25

Pakapampasaboi ilo ra Tanou Moonsoi ra Pirga, ongoi ilo poyo ra Atalia.

RINALATAN 14:6

Kaa' napandayan ru rasul-rasul no ra naguguuman nilai ti, pagiru' ilo boo ra pagun Likaonia, iono bandar Listra am Darbi am ra libung ondo' nakainggaar no.

RINALATAN 15:12

Nongkoror ayuk ngaangai' ulun ondo' timinimung ra giu' i liliwa' i Barnabas am i Paulus nantunung ra tatandu' am kaimuagan ondo' sinauk ri Aki Kapuuno' ra ulun sala' ka Jaudi mansail risilo.

RINALATAN 16:18

Ginio binaal no ra kukula' ngoorou buoi, saboi kalo boo tumaan i Paulus. Ginio ra, pangkaili io am indagu ra riwato no, “Ralalom inggalan ri Jisus Kristus, susubon tokou: Ingkual kou intor ra ruandu' no!” Paat ragili niayuk riwato no miningkual.

RINALATAN 17:10

Rondom ra gili niayuk, ulun Kristian ra giu' i nanusub ri Paulus am i Silas mongoi ra Biria. Pakasuku' ra giu' i, ongoi ilo ra baloi sambayangan.

RINALATAN 17:15

Kaatari' nilo i Paulus saboi ra bandar Atina, saguli' boo ulun-ulun no ra Biria am nagibit ra bilin intor ri Paulus ra pasunuon no i Silas am i Timotius ra mataki'.

RINALATAN 18:1

Iruani' boo ri Paulus Atina am ongoi ra Korintus.

RINALATAN 18:19

Pakasaboi ayuk ra bandar Ipisus, tatango' boo ri Paulus i Prisila am i Akwila. Ongoi io ra baloi sambayangan am pakimansunur io ra ulun ru Jaudi ra giu' i.

RINALATAN 19:1

Paat ri Apolos soroi ra Korintus, i Paulus nangkiralan mongoi ra intok nakaujok ra pagun ti am pupus i nakasuku' io ra Ipisus. Giu' i nakatuum io ra kukula' ngaulun ondo' nangintopot ri Jisus.

RINALATAN 20:20

Nakapandai kano ra pinasalula' ku noyo ngaangai' ondo' mokoonong no ramuyun. Nangila' aku ramuyun ra saang ru ulun masuang am niayuk ra rorondo' baloi.

RINALATAN 20:6

Kopongo Pangiantakan ra Ruti' Kalo Linatakan ra Ragi, iruani' mai Pilipi ti maya' ra kapal. Nalimaan buoi raiti, nakapantuum akai boo saguli' risilo giu' ra Troas. Saminggu' buoi mai ra giu' i.

ROMA 15:13

Gama' ru i Aki Kapuuno', puun ru kalansanan takau, mangani' ramuyun ra kaansukan am katasuan ru guang ralalom ru pangintapatan min Riso. Maa' raginio, ralalom ru kuasa' ru Ambiluo ri Aki Kapuuno', mikang poyo kalansanan mino Riso.

ROMA 15:16

Pinili' No aku masauk ra ulipon ri Kristus Jisus koson mangindangan ra ulun sala' ka Jaudi. Mampaugar aku ra kandoi koson sangulun imam ondo' mampabala' ra Tanou Moonsoi intor ri Aki Kapuuno'. Maa' raginio, ulun sala' ka Jaudi patimpokon ri Aki Kapuuno' ru Ambiluo Nano koson rondo' taak ondo' mapabansuk Riso.

ROMA 15:24

Paat ra aku mangkiralan mongoi ra pagun Sipanyol, masaga' aku niayuk mapit tumuum ramuyun. Makapanambalui aku ramuyun ra kukula' buoi, malansan aku mangani' kau raki' ra lutuon mongoi ra giu' no.

1 KORINTUS 2:4

Tanou am pangilaan ondo' pinasaboi kuli ramuyun, kalo minaya' ra kapintaran ru ulun ondo' makabunduk ra guang, kaa' pinainono' ku ati kulaan kuasa' ru Ambiluo ri Aki Kapuuno'.

2 KORINTUS 12:12

Mansail raki' masuang noyo tatandu' am baal kaimuagan pinakito ri Aki Kapuuno' ramuyun, liliwa' aku, mabaya' ra guang mataan, nangandoi koson mampainono' ra aku ti sangulun rasul.

GALATIA 3:5

Ginio poyo, nangani' i Aki Kapuuno' ra Ambiluo Nano ramuyun am nambaal ra kaimuagan ra tatanga' min i, sabap ra nokorongog am nangintopot kau ra Tanou Moonsoi no. Am sala' ka ra akau nampagagaya' ra Ukum ri Musa no.

KOLOSI 1:25

Sumugut ra kasagaan ri Aki Kapuuno' aku nasauk sangulun ulipon ru pasimpungan ulun Kristian, ioginio mampasaboi ra Tanou Moonsoi.

1 TISALONIKA 1:5

Ginio nai ra pampatanawan mai ra Tanou Moonsoi ti ramuyun i, sala' ka raragu ayuk, kaa' mabaya' ra kuasa' ru Ambiluo ri Aki Kapuuno' am mabaya' poyo ra kapandayan ra Tanou Moonsoi no motopot. Nakapandai kano ati kulaan kiralan ru kaayagan maili paat ra akai soroi ramuyun, koson nampakaatang akai ayuk ramuyun.

2 TIMOTIUS 4:17

Kaa' Tuhan noyo ondo' nangampin raki' am nampaikang raki' saboi naalap ku mampabala' ra ngaangai' ru Tanou Moonsoi no, suku' maining boo ru ulun sala' ka Jaudi. Ginio ra pinalabus aku niayuk intor ra potoyon raan.

IBRANI 2:4

Am i Aki Kapuuno' nampaikang poyo ra kaintutunan ru ulun-ulun pinaaya' ra nansalinut tatandu', kaimuagan am baal makakuasa' am mansail poyo pantayaran ra taak ru Ambiluo ri Aki Kapuuno' maya' ra kasagaan Nano galama'.

1 PITRUS 1:12

Pinaintalang noyo ra nabi-nabi ra atan ondo' kinandoi nilai i, sala' ka kaatangan nilo galama' ayuk, kaa' sotopot no akau. Am ondo' pinabala' nilo ragili, mogondo' niayuk ra atan ondo' pinabala' toojo ramuyun ra raino ti ru ilo ondo' mampasaboi ra Tanou Moonsoi intor ri Jisus Kristus. Kandoi nilo ragitio mansail ra kuasa' ru Ambiluo ri Aki Kapuuno' ondo' inataran intor ra suruga'. Am malaikat-malaikat pana mompogogot niayuk toojo mintutun ra baal-baal ragitio.