ROMA 15:14 - Tanou Moonsoi Timugon

¹⁴ Pabukat kau ngaangai', mangintopot aku ra moonsoi kau toojo am makapandai kano ra ngaangai' saboi makapangila' ra rondo' am bokon.

ROMA 15:14 ပူးပေါင်းရင်းမြစ်များ

1 KORINTUS 1:5

Sabap ra masuang boo katutunan min ralalom ngaangai' baal, niayuk ondo' raguon am kapandayan min.

1 KORINTUS 12:8

Ambiluo no mangani' ra sangulun ra taak mindagu ra mapintar toojo. Ulun ra bokon inanian poyo ru Ambiluo raginio ra taak mambala' ra kapandayan intor ri Aki Kapuuno'.

1 KORINTUS 13:2

Kabalu' pana mapandai aku mampasaboi ra tanou intor ri Aki Kapuuno', kapoam makarati' ra katapatan ri Aki Kapuuno' ondo' kalo igondo' pinabala', am makapandai ra ngaangai' am poyo pangintapatan ku ri Aki Kapuuno' maikang kaga', saboi gunung no pana maalap ku pakabanding, kaa' amon kalo motogom aku ra ulun bokon, kolondo' noyo onong kuti.

1 KORINTUS 8:1

Raino manaam aku ra pangkuatan min poyo ra bokon intor ra akanon ondo' pinampakan ra sinungkalalaing. Motopot ragu ru ulun ra, “Itakau ngaangai' makakapandayan.” Kaa' kapandayan no mangkinibit ra ulun masauk masumbung; kaa' togom mompokoonsoi ra paliso ru ulun.

1 KORINTUS 8:10

Amon ru sangulun malawo pangintapatan no makakito ramuyun ondo' maikang pangintapatan mangakan giu' ra kuil sinungkalalaing, sala' kia ka baal raginio mangkinibit ra ulun no pana mangakan ra akanon ondo' pinampakan no?

1 KORINTUS 8:7

Kaa' sala' ka ngaangai' ulun nakatutun raginio. Mokoondo' niayuk ragili naindalom noyo sumamba ra sinungkalalaing, am saboi raino lakat ayuk poyo mangkara' ra makatula ilo amon ru mangakan ra akanon ondo' pinampakan ra sinungkalalaing. Pangkaraan nilo makatula ilo sabap ra pangintapatan nilo malawo.

2 KORINTUS 8:7

Mokoondo' noyo ngaangai' ramuyun: maikang pangintapatan, matanda' mindagu, makakapandayan, mataau am motogom kau ramon. Ginio nai boo ra piroto' min poyo pangindanganan moonsoi ti.

IPISUS 5:9

Sabap ra maayag ralalom ru sinda no magibit ra ampos, ioginio nansalinut baal ra moonsoi, matanda' am motopot.

PILIPI 1:11

Intor raginio, kaayagan mino mauli' ra baal topot-topot moonsoi ondo' kondoyon ri Jisus Kristus, am bagu raginio katulayon am omporon boo i Aki Kapuuno'.

PILIPI 1:7

Moonsoi noyo ra aku maansukan ramuyun, sabap ra kabalu' pana maalur ayuk ra mato, mamaar kau ayuk ra guang kuno. Am itakau ngaangai' nakapagagapu poyo ra kataawan ri Aki Kapuuno', iou pana raino, ra aku inaput ra lamin pangaputan, kapoam paat ra aku nakapampainono' am nampapiot poyo ra Tanou Moonsoi no ra ulun masuang no.

KOLOSI 3:16

Kaayag kano sumugut ra bala' ri Kristus ondo' kolondo' paganda'. Pangila' am paminson noyo ra rondo' am bokon mabaya' ra kapintaran. Parimbai kano ra Mazmur, rimbai mongompor ri Aki Kapuuno' am rimbai Kristian. Pongompor kano ri Aki Kapuuno' mabaya' ra guang paringkuanangan.

1 TISALONIKA 5:11

Ginio ra kaikango' am pangindangan kano ra rondo' am bokon mogondo' ra baalon min raino ti.

1 TISALONIKA 5:14

Pabukat ku ngai', makitaak akai poyo ramuyun ra sawayo' min noyo ulun ondo' mangatiar, kaikango' min noyo guang ru ulun ondo' malaa', indangano' min noyo ulun ondo' malawo am kataan kano ra ngaangai' ulun.

2 TISALONIKA 1:11

Ginio sabap ra masalok makiasi' akai ri Aki Kapuuno' koson mampasauk ramuyun ra ulun ondo' maaya' ra pampiawan Nano. Gama' ru mabaya' ra kuasa' Nano, i Aki Kapuuno' makasauk ra kasagaan min mambaal ra moonsoi am mampaukop ra ngaangai' kinapirot ru pangintapatan min.

2 TIMOTIUS 1:5

Makakara' aku poyo ra pangintapatan muno ondo' mabanis, mogondo' ra pangintapatan ru aru' muno i Lois am niayuk ina' mu i Unis. Nakatainu aku ra okou pana mangintopot mogondo' risilo.

PILIMON 1:21

Tinulisan tokou ra surat ti sabap ra mangintopot aku ra suguton mu niayuk kitaakon kutu. Am napandayan ku ra mulu' poyo baalon muno.

IBRANI 5:12

Sotopot no raino mangila' kano raan ra ulun bokon, kaa' kalo poyo makapandai kau. Lakat kau ayuk poyo musiti' ilaan ra puun ru pangilaan intor ri Aki Kapuuno'. Lakat kau ayuk poyo manginum ra susu' sabap ra kalo poyo maangkan.

IBRANI 6:9

Pabukat kau ngai' ondo' tagamin ku, kalo magalabo akai ra lumugut kau koson risilo ondo' kon mai ra raitii' ni. Makapandai akai ra ondo' baalon min mampakito ra akau binayag noyo ri Aki Kapuuno'.

2 PITRUS 1:12

Ginio puun ra aku masalok mampakara' ramuyun ra baal raginio, iou pana makapandai kano am niayuk mangintopot toojo ra katapatan ondo' inila' noyo ramuyun.

1 JUANIS 2:21

Tulisin ku gitio ramuyun sala' ka kalo nakaulig kau ra pangilaan motopot ri Aki Kapuuno', kaa' nauligan min noyo am kolondo' abau ra pangilaan ri Aki Kapuuno' ondo' motopot no.