ROMA 14:21 - Tanou Moonsoi Timugon

²¹ Ginio ra moonsoi poyo kalo mangakan ra kual, manginum ra wain kapoam mambaal ra atan ayuk, amon ru ginio poyo mangkinibit ra pabukat Kristian muno makatula.

ROMA 14:21 ပူးပေါင်းရင်းမြစ်များ

1 KORINTUS 8:13

Ginio poyo, amon ru akanon koson raginio mangkinibit ra pabukat Kristian kuno makatula, kalo boo mangakan aku ra kual, maa' raginio kalo boo makinibitan ku ilo ti makatula.

ROMA 14:13

Intor raginio, pai' takano pononsol ra rondo' am bokon. Kaa' aruo' noyo kalo mambaal ra atan-atan ondo' mampakalayau kapoam mangkinibit ra pabukat Kristian makatula.

MATIUS 16:23

Pangkaili i Jisus am indagu Io boo ri Pitrus, “Pagiru' intor Raki', okou Tingganai ru riwato! Okou mongompong ra ralan Kuno. Pamaguangan muno pamaguangan ru ulun, sala' ka pamaguangan ri Aki Kapuuno'!”

MALIAKI 2:8

Kaa' raino, akau imam-imam, siminiang intor ra ralan ondo' motopot. Pangilaan min nangkinibit noyo ra masuang ulun nambaal ra kasalaan. Inanggal min nabantuan ondo' binaal Kuno ramuyun.

PINAINTALANG 2:14

Kaa' mokoondo' kalo kaansayan Kuno ramuyun; mokoondo' kukula' ramuyun minaya' ra pangilaan ri Biliam. Sabap ra nangila' i Biliam ri Balak ra mangkinibit ra ulun ru Israil mambaal ra tula, koson mangkinibit risilo mangakan ra akanon ondo' pinataak ra sinungkalalaing am inila' ra mansasawa'.

IBRANI 12:13

Parayus kano baya' ra ralan mabanis am pangindangan ra bokon, koson ra ulun pakira' no kalo masilik, kaa' mapali' boo.

PILIPI 1:10

Maa' raginio mapandai kau magilong ra ati kia moonsoi toojo. Am makainggalur kau boo intor ra kalaatan kapoam nansalinut panguwan ondo' mampakasala ramuyun, ioginio paat ri Kristus matong saguli'.

ROMA 14:17

Sabap ra amon ru mamarinta i Aki Kapuuno' ra kaayagan ru sasangulun, akanon am inumon sala' ka boo maatang. Kaa' gitio noyo ondo' maatang; gumagaya' ra kasagaan Nano, katasuan ru guang am kaansukan, ondo' ringai' no pataakin ru Ambiluo ri Aki Kapuuno'.

MATIUS 13:21

Kaa' tanou raginio kalo mantilayun ra guang nilono am kalo tumaan ra mabuoi. Paat ra ilo makakapaganan kapoam maimbolo' sabap ra tanou no, marayus kalawo guang nilono.

1 KORINTUS 8:9

Kaa' ilalai'! Pai' polosoo' kaluagan mino mambaal ra atan-atan mangkinibit ra ulun malawo pangintapatan mambaal poyo ra tula.