ROMA 14:19 - Tanou Moonsoi Timugon

¹⁹ Intor raginio, kasalok takano mirot maayag ra rondo' guang am magigikang ra pangintapatan.

ROMA 14:19 ပူးပေါင်းရင်းမြစ်များ

MAZMUR 133:1

Rimbai ru ratangan ri Daut. Mapara' piboo bonsoi am kinatasu' no, amon ru ulun ri Aki Kapuuno' mogogondo' guang!

MAZMUR 34:14

Pai' min pasalulaa' ragu-ragu ra malaat, am pai' kasaga' magabau.

MATIUS 5:9

Pakaansuk noyo ulun ondo' magibit ra kaansayan ra tatanga' ru ulun, sabap ra piawon ilo ra anak ri Aki Kapuuno'.

MARKUS 9:50

Usi' moonsoi, kaa' amon ru mapalo usi' no, ati koson kaasinon saguli'? Tilu kano ra usi', ioginio mobobonsoi kau ra rondo' am bokon.”

ROMA 12:18

Amon ru maalap min, pobobonsoi kano ra ngaangai' ulun.

ROMA 15:2

Ginio ra pirot takano pangindangan ra pabukat Kristian koson kaatangan nilo maa' raginio mikang boo pangintapatan nilo.

1 KORINTUS 10:23

Mokoondo' ulun mindagu ra, “Atan ayuk kasagaan takau, ginio baalon takau.” Motopot, kaa' sala' ka ngaangai' kasagaan takau mokoonong. “Atan ayuk kasagaan takau, ginio baalon takau.” Motopot, kaa' sala' ka ngaangai' kasagaan takau mapasingkot ra kaayagan takau.

1 KORINTUS 10:33

Tilu kano raki'. Koson ra atan ayuk pana baalon kuno, mangkinam aku mapabansuk ra guang ru ngaangai' ulun. Kalo niayuk maguyum aku ra kaatangan kuno, kaa' makara' ku ulun ra bokon, maa' raginio bayagon ilo.

1 KORINTUS 14:26

Pabukat kau ngaangai', kon kutu am paat ra akau tumimung sumambayang, mokoondo' marimbai, mokoondo' mangila' am niayuk mampasaboi ra bala' intor ri Aki Kapuuno'. Mokoondo' poyo mindagu ra ragu imuagan am mokoondo' mambala' ra arati' ru ragu raginio. Kaa' ngaangai' ti musiti' mangindangan ra pasimpungan ulun Kristian.

1 KORINTUS 14:3

Kaa' ulun ondo' mampasaboi ra bala' intor ri Aki Kapuuno', potonowon no ginio ra ulun koson mampasingkot, mampaikang am mampabansuk risilo.

1 KORINTUS 14:4

Ulun ondo' inanian ra kapandayan mindagu ra ragu imuagan, migikang io galama' ayuk, kaa' ulun ondo' mampasaboi ra bala' intor ri Aki Kapuuno', mampaikang ra pasimpungan ulun Kristian.

1 KORINTUS 14:5

Mapara' bonsoi no ru akau ngaangai' makakapandayan mindagu ra ragu imuagan no. Kaa' mulu' poyo bonsoi no amon ru makapampasaboi kau ra bala' intor ri Aki Kapuuno'. Sabap ra ulun ondo' mampasaboi raginio, makaampos toojo ka ulun ondo' inanian ra kapandayan mindagu ra ragu imuagan. Kaa' ondo' ayuk am amon ru ulun no makapambala' ra arati' ru rinagu nano, maa' raginio pasimpungan ulun Kristian maindangan no.

1 KORINTUS 7:15

Kaa' amon ru sangulun ondo' kalo mangintopot ri Aki Kapuuno' no moogot mangiruan ra andu' kapoam ralaki nano ra Kristian, pai' ilo no ingai'. Amon ru nasauk koson raginio, ralaki kapoam andu' ra Kristian no, pai' ilo jajali' masimpung, sabap ri Aki Kapuuno' galama' masaga' ramuyun maayag ra kaansayan.

1 KORINTUS 8:1

Raino manaam aku ra pangkuatan min poyo ra bokon intor ra akanon ondo' pinampakan ra sinungkalalaing. Motopot ragu ru ulun ra, “Itakau ngaangai' makakapandayan.” Kaa' kapandayan no mangkinibit ra ulun masauk masumbung; kaa' togom mompokoonsoi ra paliso ru ulun.

2 KORINTUS 12:19

Pabukat ondo' tagamin ku, indoson min lair ra buoi ti nagisaung akai ramuyun. Makapandai i Aki Kapuuno' ra ngaangai' ondo' rinagu mai gumagaya' niayuk ra kasagaan ri Kristus, am ngaangai' ondo' binaal mai koson mampasingkot ramuyun.

2 KORINTUS 13:11

Pupusin ku pabukat kau ngaangai', tumoojo kau! Pirot kano toojo tumanda' am rongogo' noyo bilin kutu. Pogogondoo' noyo guang min am koonsoi kano ra rondo' am bokon. Gama' ru i Aki Kapuuno' ondo' monogom am manaak ritakau ra pabansayan mabaya' ramuyun.

IPISUS 4:12

Gitio binaal Nano koson momongo ra ngaangai' ulun ri Aki Kapuuno' mangandoi ra Tuhan, koson mapaikang ra inan ri Kristus.

IPISUS 4:29

Paat ra akau makimansunur, pai' raguo' ondo' makaruol ra guang. Indagu ayuk ra mokoonong, koson ra ragu mangila' am mangindangan, maa' raginio ondo' sinunur mino magibit ra kaansayan ra ulun ondo' mangkirongog.

1 TIMOTIUS 1:4

Balai' ilo ra kalo babaya' ra tutunungon kapoam intaran ru tuu'-lair ondo' kolondo' pupupus no. Ngaangai' ragitio mangkinibit ayuk ra pansasangaran am kalo mampaintutun ritakau ra inatang ri Aki Kapuuno' ondo' mauligan mimpuun ra pangintapatan takau ayuk.

2 TIMOTIUS 2:22

Inggaluri' noyo kalaayan ru guang ru mamulok. Singkotog no sumauk ra ulun mabanis guang, ulun mangintopot ra Tuhan, motogom am mobonsoi risilo ondo' masalok makiindangan ra Tuhan mabaya' ra guang mapasau.

IBRANI 12:14

Gogot kano pobonsoi ra ngaangai' ulun am poyo kaayag kano ra mapasau, sabap ra kolondo' sangulun pana makakito ra Tuhan, amon ru kalo maya' io raginio.

1 PITRUS 3:11

Moonsoi ru inggalurin no kalaatan am mambaal ayuk ra moonsoi; am poyo gumogot toojo paguyum ra pabansayan, suku' moowot no.