ROMA 14:18 - Tanou Moonsoi Timugon

¹⁸ Osoi ayuk mangandoi ri Kristus koson raginio, io no ondo' mampakaansuk ri Aki Kapuuno' am urumaton poyo ru ulun.

ROMA 14:18 ပူးပေါင်းရင်းမြစ်များ

KASAUKAN 4:7

Amon ru nambaal kou ra moonsoi maaru' matakau bulos muno; kaa' nambaal kou ra malaat, ginio boo ra tula muno mamparuku' rirun, kaa' musiti' mu anggalon ginio.”

MAMPATANOU 9:7

Pangakan no, panginum no, am pakaansuk no! Panginum no ra wain am pakaansuk no; kalo manginggalar i Aki Kapuuno'.

MARKUS 13:34

Sauk nano koson ra sangulun mugar ra maalur, ondo' mangiruan ra baloi nano am paalungin no ra ulipon-ulipon nano. Sigagama' inanian no ra kondoyon, am nambilin io ra ulun magagalung ra kulobon ra ilalain toojo.

JUANIS 12:26

Osoi ayuk mangandoi Raki' musiti' io maya' Raki', maa' raginio ati ayuk angayan Kuno, soroi mangangandoi Kuno. I Ama' Kuno mangurumat ra osoi ayuk ondo' mangandoi Raki'.”

RINALATAN 10:35

Intor ra ngaangai' bansa', osoi ayuk pana sumamba ri Aki Kapuuno' am mambaal ra motopot, ulun no apuon ri Aki Kapuuno'.

ROMA 12:11

Pirot kano pangandoi am pai' katiar. Mabaya' ra kaikangan ru Ambiluo ri Aki Kapuuno', pangandoi kano ra Tuhan ra totopot ru guang min.

ROMA 14:4

Kolondo' kuasa' muno mononsol ra ulipon ru ulun bokon. Matanda' io kapoam kalo, ginio aruon ru tuan nano galama' ayuk. Maaru' makapambaal io ra matanda' sabap ra Tuhan niayuk mangindangan riso.

ROMA 16:18

Sabap ra ilo ondo' mambaal raginio kalo mampakaatang ri Kristus, Tuhan takau, kaa' mampakaatang ayuk ra kasagaan nilo galama'. Ragu nilo ra mangaamis am mangambi' mamparuung ra ulun ondo' kalo maindalom ra kalaatan.

ROMA 6:22

Kaa' raino, pinalabus kano intor ra tula am masauk ra ulipon ri Aki Kapuuno'. Onong ru ginio kaayagan mino patimpokon noyo ri Aki Kapuuno' am ginio manangampos ra kaayagan motopot am mantilayun.

1 KORINTUS 7:22

Sabap ra sangulun ulipon ondo' piniau ru Tuhan, sotopot no pinalabus io no ru Tuhan. Mogondo' niayuk ra sangulun sala' ka ulipon ondo' piniau ru Tuhan, uliponon io no ri Kristus.

2 KORINTUS 4:2

Iniruanan mai noyo ngaangai' baal ra nakasibuni ondo' makauyuyu'. Kalo mamparuung akai ra ulun kapoam mampajajou ra bala' ri Aki Kapuuno'. Io noyo sasi' mai ra kalo sinokon mai mampabala' ra Tanou Moonsoi am niayuk miloloso akai urioon ru ngaangai' ulun maya' ra bolos ru guang nilai.

2 KORINTUS 5:11

Ginio sabap ra nakapandai akai atan arati' malaa' ra Tuhan, am ginio ra mapaintopot akai ra ulun. Guang mai napandayan toojo ri Aki Kapuuno', am malansan aku ra akau pana makatutun toojo ramon.

2 KORINTUS 5:9

Kaa' ondo' kasaa' toojo, masaga' akai ayuk mampakatasu' ra guang Nano, iou pana soroi akai ra inan mai ra tana' ti, kapoam giu' ra ayanan ru Tuhan.

2 KORINTUS 6:4

Kaa' ralalom ru ngaangai' baalon mai, mampakito akai ra ulipon akai ri Aki Kapuuno', ra ati kulaan mongorot ra nansalinut kapaganan ra guang mataan:

2 KORINTUS 8:21

Kinooi mai ragino sabap ra masaga' akai mambaal ra atan ondo' motopot, sala' ka ra pagilangan ru Tuhan ayuk, kaa' ra pagilangan ru ulun niayuk.

PILIPI 4:18

Am raino suang ru pinataak min raki' i, mauli' poyo toojo intor ra kaukapan kuno. Am ngaangai' no pinasuku' noyo raki' ri Ipaproditus. Ondo' pinataak mino raginio, mogondo' ra taak maamis owou, am koson ayuk ra taak simbalui pataakon ri Aki Kapuuno' ondo' mampakatasu' ra guang Nano.

PILIPI 4:8

Pabukat kau, koson bilin ku ra pamupusan ti, guango' noyo ondo' moonsoi am moompor: ioginio ondo' motopot, ondo' matulai, mabanis guang, paliso moonsoi, koson mokoondo' ra togom am poyo ragu ra moonsoi rongogon.

KOLOSI 3:24

Karaa' min noyo ra aniin kau ru Tuhan ra ampos moonsoi ondo' pinongo No kalalair ramuyun. Sotopot no i Kristus noyo ondo' tuan pangandayan min.

1 TIMOTIUS 2:3

Ginio noyo ondo' moonsoi am mampakatasu' ri Aki Kapuuno', Mamamayag takau,

1 TIMOTIUS 5:4

Kaa' amon ru sasangulun napuor no makaanak kapoam akupu, ilo ti musiti' lansanin koson magalung ra sasambaloi nilai galama'. Sabap ragitio ralan nilo mambalos ra indangan ru matuo am aki-aru' nilo am niayuk mampakatasu' ri Aki Kapuuno'.

1 PITRUS 2:12

Kaayag kano ra moonsoi ra sasanggilan akau lumatok ra ulun ondo' kalo nakaulig ra Tuhan. Maa' raginio, paat ra ilo manguu' ramuyun ra akau ti ulun malaat, makamakito ilo ra sotopot no moonsoi ayuk baalon min i, suku' mokopongompor ilo ri Aki Kapuuno' paat ra orou pangukuman Nano ondo' matong.

1 PITRUS 2:20

Atan noyo maalap koompor amon ru mataan guang mino ra akau ukumin sabap ra makasala kau tupo? Kaa' amon ru pantataan guang min ra akau imboloon sabap ra binaal min ra moonsoi, barakaton kau ri Aki Kapuuno'.

1 PITRUS 2:5

Akau pana mogondo' ra batu naayag. Ginio ra polosoo' noyo kaayagan min alapon ru Ambiluo ri Aki Kapuuno' mambaal ra Baloi Tuhan. Bagu masauk kau koson ra imam Nano ondo' mapasau, am sabap ri Jisus Kristus makapangani' kau ri Aki Kapuuno' ra taak ondo' iowon Nano, maya' ra indangan ru Ambiluo Nano.

1 PITRUS 3:16

Kaa' baalo' noyo gitio mabaya' ra guang minggana' am urumat. Musiti' bolos ru guang min mapasau, maa' raginio sasanggilan ayuk ra akau asabin, ulun magasab no galama' mauyu', sabap ra kaayagan moonsoi mino koson ra sangulun Kristian.