ROMA 14:13 - Tanou Moonsoi Timugon

¹³ Intor raginio, pai' takano pononsol ra rondo' am bokon. Kaa' aruo' noyo kalo mambaal ra atan-atan ondo' mampakalayau kapoam mangkinibit ra pabukat Kristian makatula.

ROMA 14:13 ပူးပေါင်းရင်းမြစ်များ

2 KORINTUS 6:3

Kalo masaga' akai amon ru sonsolon kandoi mai, ginio sabap ra kalo mangani' akai ra sasaban ra osoi ayuk pana mononsol ra kandoi mai.

JAKUBUS 4:11

Pabukat kau ngai', pai' kano pagasab ra rondo' am bokon. Osoi ayuk magasab kapoam mangukum ra pabukat nano ra Kristian, sotopot no magasab kapoam mangukum io ra Ukum ri Aki Kapuuno'. Am amon ru Ukum ti salaan no poyo, arati' no kalo boo suguton no io, kaa' Ukum salaan no boo.

LUKAS 12:57

“Kua pai' kau pakapandai ra atan motopot baalon min?

MATIUS 7:1

“Pai' kau pangakim ra ulun bokon, koson kalo niayuk akimin kau ri Aki Kapuuno',

JISAYA 57:14

Mindagu Tuhan, “Polosoon noyo ulun Kuno sumaguli' Raki'. Pambaal noyo am pongoo' noyo ralan! Tumpailo' noyo moonong mokoompong ra ralan nilono!

ROMA 16:17

Pabukat kau ngaangai', kitaakon takamin toojo, pagilalai' noyo ilo ondo' mampatuliar am mampalingou ra pangintapatan ru ulun Kristian. Pangilaan nilo kalo mogondo' ra nangilaan ramuyun i. Ginio ra inggalur kano risilo!

ROMA 14:10

Intor raginio, kua guat pononsol kau ra pabukat Kristian ra bokon? Am kua guat pagasab kau ra pabukat Kristian ra bokon? Itakau ti ngaangai' paumaan am akimin ri Aki Kapuuno'.

LUKAS 17:2

Moonsoi poyo amon ru pobongkoson batu maayo no ra liog nano, am papatiron io ra raat, kalo boo mangkinibit io ra ulun ondo' malawo pangintapatan makatula.

PINAINTALANG 2:14

Kaa' mokoondo' kalo kaansayan Kuno ramuyun; mokoondo' kukula' ramuyun minaya' ra pangilaan ri Biliam. Sabap ra nangila' i Biliam ri Balak ra mangkinibit ra ulun ru Israil mambaal ra tula, koson mangkinibit risilo mangakan ra akanon ondo' pinataak ra sinungkalalaing am inila' ra mansasawa'.

JAKUBUS 2:4

Amon ru makapaliso kau ra inggion ti, akau mampili' ra ulun am mangukum risilo maya' ra pamaguangan min ra malaat.

1 KORINTUS 11:13

Karaa' min galama'; moonsoi kia sangulun ruandu' kalo marundung, amon ru makiasi' io ri Aki Kapuuno' paat sumambayang?

1 KORINTUS 10:32

Kaayag kano koson raginio am pai' pangkinibit ra osoi ayuk pana makatula; koson ra ulun ru Jaudi, ulun sala' ka Jaudi kapoam ulun Kristian.

ROMA 14:4

Kolondo' kuasa' muno mononsol ra ulipon ru ulun bokon. Matanda' io kapoam kalo, ginio aruon ru tuan nano galama' ayuk. Maaru' makapambaal io ra matanda' sabap ra Tuhan niayuk mangindangan riso.

MATIUS 18:7

Aibui boo ra ulun ru tana' ti ondo' mangkinibit ra ulun makatula. Baal raginio masalok masauk, kaa' mumpara' boo usung ru ulun ra mambaal no!

MATIUS 16:23

Pangkaili i Jisus am indagu Io boo ri Pitrus, “Pagiru' intor Raki', okou Tingganai ru riwato! Okou mongompong ra ralan Kuno. Pamaguangan muno pamaguangan ru ulun, sala' ka pamaguangan ri Aki Kapuuno'!”

1 JUANIS 2:10

Ulun ondo' motogom ra pabukat nano, maayag ulun no ralalom ru binusasal. Saboi kolondo' intor riso no mangkinibit ra ulun bokon makatula.

1 TIMOTIUS 5:14

Ginio ra moonsoi niayuk ru napuor ra mangamulok no mangindalaki am maganak poyo, am mirot ayuk pampaugar ra kandoi nilo koson ra sangulun andu', maa' raginio ulun lumaat ritakau kolondo' boo kaluagan mampakalaat ra inggalan takau.

PILIPI 1:10

Maa' raginio mapandai kau magilong ra ati kia moonsoi toojo. Am makainggalur kau boo intor ra kalaatan kapoam nansalinut panguwan ondo' mampakasala ramuyun, ioginio paat ri Kristus matong saguli'.

2 KORINTUS 5:14

Sabap ra togom ri Kristus nanguasa' ramon. Makatutun akai ra amon ru kapatayan ru sangulun koson ra alig ru ngaangai' ulun, arati' ru ginio, koson moonong ulun minatoi nabaya' riso.

ROMA 11:9

Kon niayuk ru raja' Daut ragili, “Polosoon ilo malandak am rokopon ra bunsag nilo galama', gama' ru maratu' am maukum ilo!

2 SAMUIL 12:14

Kaa' sabap ra nagasab kou ra Tuhan ra binaal raginio, anak ungkuyon muno ondo' bagu inanak no matoi.”

YEHEZKIEL 14:3

“Okou ulun mapandai matoi, ngaangai' ru ulun ti nangintopot noyo ra sinungkalalaing saboi ilo naratu' ralalom ru tula. Indoson nilo kia ra tumaam Aku ra pangkuatan nilo?

IMAMAT 19:14

Pai' ulaso' ulun barat, am pai' pabantaa' batu kasaruan ra saang ru ulun bolou saboi maratu' io. Musiti' kau malaa' Raki'; Aku noyo Tuhan i Aki Kapuuno' min.

ROMA 14:3

Kaa' ulun ondo' makaakan ra atan-atan ayuk pai' noyo pagasab riso ondo' kalo mangakan ra kual. Ulun ondo' kalo mangakan ra kual, pai' noyo sonsolo' io ondo' makaakan ra atan-atan ayuk, sabap ra inapu io noyo ri Aki Kapuuno'.