ROMA 14:1 - Tanou Moonsoi Timugon

¹ Apuo' noyo ulun ondo' malawo pangintapatan am pai' noyo ansangi' io sabap ra pamaguangan galama' nano.

ROMA 14:1 ပူးပေါင်းရင်းမြစ်များ

AYUP 4:3

Nangila' kono ra masuang ulun, am nangikang kou ra ulun malawo.

JISAYA 40:11

Alungin No ulun Nano koson ra sangulun magagalung; timungon No am kubibilon No anak-anak ru domba, am ralalom kinolomoi, aakon No indung-indung ru domba.

JISAYA 42:3

Bulu' ra liminonot kalo pandakon no, kapoam mampalasa' ra pilasut ra boboot. Ngaangai' ulun makaalap ra katimpakan ondo' ibiton nano.

YEHEZKIEL 34:16

“Uyumon Ku ilo ondo' natatak, ibiton muli' ilo ondo' nakalayau, am babason ilo ondo' marualan; kaa' ilo ondo' molomok am maikang pusoon Ku, sabap ra Aku magagalung ondo' mambaal ra matimpok.

YEHEZKIEL 34:4

Kalo babason min ondo' malawo, kapoam mamabas ra ondo' marualan, kapoam mamangkos ra ondo' napilat, kapoam magibit muli' ondo' nakalayau kapoam maguyum ra ondo' natatak. Kaa' malaat boo pamakuan min ra ngaangai' domba no.

JAKARIA 11:16

Pinangandoi ku sangulun magagalung koson magalung ra domba Kuno, kaa' kalo nampalio io domba ondo' natatak. Kalo naguyum io ra domba ondo' nakalayau, kapoam namabas ra ondo' napilat, kapoam nangani' ra akanon ra domba ondo' lakat poyo naayag. Kaa' inakan no kual ru domba ondo' molomok kaga', am namagus ra salindu ru domba.

MATIUS 12:20

Kalo mangangambai Io kalamio' ulun kolondo' lulu'. Mangandoi Io saboi katimpakan no manguasa' ra ati ayuk

MATIUS 14:31

Paat niayuk ragili patutuyo' ri Jisus kalindu' Nano am guuto' No i Pitrus. Indagu Io, “Mumpara' boo borok ru pangintapatan muno! Kua kaimamang kou?”

MATIUS 18:10

“Ilalai'! Pai' kau pagasab ra ulun ondo' mangintopot Raki' koson ra lalaing. Balain takamin: Malaikat ondo' magalung risilo ti masalok maining ru Ama' Kuno giu' ra suruga'. [

MARKUS 7:19

Sabap ra ondo' sumubol kalo maya' ra guang nano, kaa' sumubol ra tinai' nano am tauli mingkual poyo intor ra inan nano.” (Ragu-ragu ondo' rinagu ri Jisus ni, nambala' Io ra ngaangai' akanon maakan.)

LUKAS 17:2

Moonsoi poyo amon ru pobongkoson batu maayo no ra liog nano, am papatiron io ra raat, kalo boo mangkinibit io ra ulun ondo' malawo pangintapatan makatula.

JUANIS 13:20

Balain takamin toojo: Osoi ayuk mangapu ra ulun sinusub Kuno, Aku pana apuon no. Am osoi ayuk mangapu Raki', apuon no niayuk Io ondo' nanusub Raki'.”

RINALATAN 28:2

Mamagun ra intok ti mongoonsoi ngaangai' ramon. Nangkimait ilo ramon makararang ra apui, sabap ra timinalimpuun noyo rumasam am angin niayuk sumoyob masimu'.

ROMA 11:15

Paat ra ilo kalo inapu ri Aki Kapuuno' ulun ra bokon ra tana' ti mobonsoi saguli' Riso. Ati kulaan amon ru apuon ilo saguli' ri Aki Kapuuno'? Maaru' ginio koson ra ulun minatoi maayag saguli'!

ROMA 14:2

Mokoondo' ulun ondo' mangintopot ra atan-atan ayuk maakan, kaa' ulun malawo pangintapatan no kalo mangakan ra kual.

ROMA 14:21

Ginio ra moonsoi poyo kalo mangakan ra kual, manginum ra wain kapoam mambaal ra atan ayuk, amon ru ginio poyo mangkinibit ra pabukat Kristian muno makatula.

ROMA 14:3

Kaa' ulun ondo' makaakan ra atan-atan ayuk pai' noyo pagasab riso ondo' kalo mangakan ra kual. Ulun ondo' kalo mangakan ra kual, pai' noyo sonsolo' io ondo' makaakan ra atan-atan ayuk, sabap ra inapu io noyo ri Aki Kapuuno'.

ROMA 15:1

Itakau ondo' maikang pangintopot, pirot takano pangindangan risilo ondo' malawo pangintapatan, am pai' takau pangkara' ra kaatangan galama' ayuk.

ROMA 15:7

Intor raginio, apuo' noyo rondo' am bokon koson i Kristus noyo nangapu ramuyun, maa' raginio omporon boo i Aki Kapuuno'.

ROMA 4:19

Paat ragili pangintapatan ri Abragam raginio kalo liminawo, kabalu' pana nampaguang io ra kolondo' lair boo sayat nano sabap ra inan nano matutuo noyo kaga', umur nali olo'-olo' maatus ngambilor am andu' nano i Sara pana tabanang.

1 KORINTUS 9:22

Am poyo ra aku sumimpung ra ulun ondo' malawo pangintapatan, paliso kuno koson ra ulun ondo' malawo pangintapatan, maa' raginio makapangkimait aku risilo mangintopot ri Kristus. Iou, makimogondo' aku noyo ra nansalinut paliso ru ulun, maa' raginio, amon ru maalap, makapangkimait aku ra kukula' ngaulun risilo mangintopot ri Kristus.

PILIPI 2:29

Apuo' min noyo io mabaya' ra kaansayan koson sangulun pabukat min ra Kristian am urumato' noyo ngaangai' ulun mogondo' riso ti.

1 TISALONIKA 5:14

Pabukat ku ngai', makitaak akai poyo ramuyun ra sawayo' min noyo ulun ondo' mangatiar, kaikango' min noyo guang ru ulun ondo' malaa', indangano' min noyo ulun ondo' malawo am kataan kano ra ngaangai' ulun.

IBRANI 5:14

Kaa' pangilaan malandom intor ri Aki Kapuuno' maratian ayuk ru ulun ondo' siminingkot ra pangintapatan, ginio mogondo' ra akanon ondo' sapaan ru ulun nasukor ayuk, ondo' nakaili' noyo am makaulig ra atan moonsoi am atan malaat.

2 JUANIS 1:10

Amon ru mokoondo' sasangulun matong ramuyun am kalo mambala' ra pangilaan ri Jisus Kristus, pai' min apuo' ulun no ralalom ru baloi min, am pai' min io tabio'.