ROMA 13:7 - Tanou Moonsoi Timugon

⁷ Intor raginio bayari' noyo ngaangai' ondo' pakibayarin nilo; ioginio cukai ru ampos ru kandoi min am cukai ru rapu' min. Urumato' noyo toojo ngaangai' parinta no.

ROMA 13:7 ပူးပေါင်းရင်းမြစ်များ

1 RAJA'-RAJA' 3:17

Sangulun intor risilo minindagu ra raja', “Raja' kuno, ruandu' ti minayan rondo' baloi raki'. Soroi io ra baloi paat ra aku naganak ra sangulun anak ungkuyon.

KAINGKUALAN 20:12

“Urumato' noyo ama' am ina' muno, maa' raginio maawar painawo muno ra tana' ti ondo' pataakon Kuno rirun.

AMSAL 24:21

Alii ra anak kuno, urumato' noyo am kalaa' no ra Tuhan am raja'. Pai' pakimangkubayau ra ulun ondo' manggal risilo;

AMSAL 3:27

Amon ru maalap ayuk, mambaal kau ra pangindangan ra ulun ondo' maaya' indanganon.

IMAMAT 19:3

Musiti' moonong ulun mangurumat ra ama' am ina' nano, am niayuk mangiantak ra orou Sabat koson ra nanusuban Kuno. Aku noyo Tuhan i Aki Kapuuno' min.

IMAMAT 19:32

“Panangguang noyo am urumato' noyo ulun ondo' matutuo noyo. Musiti' kau mangurumat am malaa' Raki', sabap ra Aku noyo Tuhan.

MATIUS 17:25

Taam i Pitrus, “Maaru' mambayar.” Pakasubol i Pitrus ra baloi, am kalo poyo nakaindagu io, pagulu i Jisus pangkuot riso, “Simon Pitrus, atan pamaguangan muno? Osoi mambayar ra cukai ru raja' ru tana' ti? Mamagun galama' kia kapoam ulun bansa' ra bokon?”

MATIUS 22:21

Taam ilo, “I Kaisar.” Indagu i Jisus risilo, “Amon ru koson raginio, pasagulio' ra Kaisar ondo' longgom nano am pasagulio' niayuk ri Aki Kapuuno' ondo' longgom Nano.”

MARKUS 12:17

Indagu i Jisus, “Amon ru koson poyo raginio, pasagulio' ra Kaisar ondo' io tatangan am pasagulio' niayuk ri Aki Kapuuno' ondo' Io tatangan.” Nangimuag ilo ngaangai' nakaining ra ragu ri Jisus.

LUKAS 20:22

Balai' akai, sumugut ra Ukum ri Musa, makasala kia kapoam kalo mambayar ra cukai ra Kaisar Roma?”

LUKAS 20:25

Indagu boo i Jisus risilo, “Amon ru koson poyo raginio, pasagulio' min ra Kaisar ondo' io tatangan am pasagulio' niayuk ri Aki Kapuuno' ondo' Io tatangan.”

LUKAS 23:2

Uwin nilo i Jisus ra giu' i, konilo, “Narampatan mai ulun ti nampakalayau ra bansa' mai. Nanusub Io ra ulun masuang kalo mambayar ra cukai ra Kaisar, am migiangku ra Io no i Kristus, ioginio raja'.”

ROMA 12:10

Raino mabubukat kau sabap ri Kristus, pontotogom kano ra rondo' am bokon. Pirot kano pagugurumat ra rondo' am bokon.

ROMA 13:6

Ginio nai ra akau ti mambayar ra cukai, sabap ra parinta no mampaugar ra kandoi ri Aki Kapuuno' ondo' inaru' No noyo.

IPISUS 5:33

Ginio pana makakulawit niayuk ramuyun: moonong ralaki musiti' motogom ra andu' nano koson riso galama', am niayuk moonong andu' musiti' gumagaya' ra ralaki nano.

IPISUS 6:5

Ulipon kau ngai', gagaya' am urumato' noyo tuan mino; gagayaa' min ilo toojo koson ayuk gumagaya' kau ri Kristus.

1 TIMOTIUS 5:13

Am poyo maindalom ilo boo magayam ayuk gagalapon; mulu' poyo raginio ilo ti mansunur ayuk ra ulun gagalapon, kokosombot ra baalon ru bokon am poyo magindagu ra ondo' kalo sama' iningon.

1 TIMOTIUS 5:17

Magagalung ra pasimpungan ulun Kristian no ondo' matanda' toojo mampaugar ra kandoi nilo, musiti' urumaton am gajiin, mulu' poyo ilo ondo' mapirot toojo mampatanou am mangila'.

1 TIMOTIUS 6:1

Osoi ayuk ulun Kristian ondo' nasauk ra ulipon, musiti' mangurumat ra tuan nilai no, maa' raginio kalo boo mangilaat ra inggalan ri Aki Kapuuno' am poyo pangilaan takau.

1 PITRUS 3:7

Am mogondo' niayuk ramuyun ralaki kau ngai', pakaintutun kano ra intor ra akau mansawo, andu' min ti noyo ondo' karaan ra molomoi. Urumato' noyo ilo ti, sabap ra ilo pana mogondo' ramuyun makaapu ra taak, ioginio kaayagan intor ri Aki Kapuuno'. Gagayaa' min ginio, maa' raginio kolondo' boo mokopongompong ra pakiasian mino.

1 SAMUIL 12:18

Kopongo raginio pakiasi' i Samuil, am paat ra orou raginio niayuk napatuun Tuhan ra tingkalur am rasam. Ginio ra moonong ulun no nalaa' ra Tuhan am i Samuil.