ROMA 13:2 - Tanou Moonsoi Timugon

² Ginio nai ra osoi ayuk manggal ra parinta no, manggal io niayuk ra ondo' inaru' ri Aki Kapuuno'. Osoi mambaal raginio maukuman ri Aki Kapuuno'.

ROMA 13:2 ပူးပေါင်းရင်းမြစ်များ

KAINGKUALAN 16:8

Kon boo ri Musa, “Mangani' Tuhan ramuyun ra kual koson akanon tampilon ra mai' ti, am kula' suang ruti' kasagaan mino tampilon ra susuab ti, sabap ra naining No noyo mapara' boo masalok kau mambutok Riso. Sotopot no, butok mino sala' ka ra akai, kaa' ra Tuhan.”

JISAYA 58:2

Moonong orou ilo sumamba Raki', am makibala' ilo ra atan kasagaan Kuno, koson ayuk ilo no mambaal ra moonsoi, am gumagaya' ra ukum Kuno. Mindagu ilo ra matasu' ilo sumamba Raki' am kitaakon nilo ukum Kuno ondo' matimpok.”

MATIUS 23:13

“Aibui boo ramuyun, mangingila' ra Ukum ri Musa am ulun-ulun ru Parisi! Maabau-abau kau kaga', akau galama' kalo masaga' masauk ra ulun ri Aki Kapuuno', am niayuk mongompong kau ra ulun bokon ondo' masaga' masauk ra ulun ri Aki Kapuuno'. [

MARKUS 12:40

Mamparuung ilo ra napuor-napuor am manalingaau ra baloi nilono. Koson mangampin boo ra kalaatan ru inggalan malaat nilono, kaawaron nilo makiasi'. Ukum taakin risilo ra maagu no makalalaa'.”

LUKAS 20:47

Mamparuung ilo ra napuor koson talingaawon nilo baloi nilai, kaa' giu' ra saang ru ulun, mabuoi ilo rokokoon makiasi'! Mulu' poyo bagat ru ukuman nilo ra maagu no.”

ROMA 13:1

Moonong ulun musiti' gumagaya' ra parinta, sabap ra ngaangai' kuasa' nilono intor ri Aki Kapuuno' am parinta ra raino ti pana inaru' noyo ri Aki Kapuuno'.

ROMA 13:3

Ulun ondo' mambaal ra moonsoi kalo pana malaa' ra parinta, kaa' ilo ondo' mambaal ra malaat no. Amon ru kalo masaga' kau malaa' ra parinta, pambaal kano ra moonsoi, am intor raginio omporon kau boo.

ROMA 13:5

Ginio ra akau musiti' gumagaya' ra parinta – sala' ka sabap ra malaa' ra ukum ri Aki Kapuuno' ayuk, kaa' sabap ra bolos ru guang min mampaintutun ramuyun raginio.

ROMA 9:19

Raino makamangkuot lair raki', “Amon ru koson ragino kua guat lakat ayuk poyo mampasala i Aki Kapuuno' ra ulun? Sabap ra kolondo' sangulun pana makaanggal ra kasagaan ri Aki Kapuuno'.”

TITUS 3:1

Pakaraa' noyo ulun muno ondo' mangintopot no ra gumagaya' ra tingganai am pamarinta no, koson masaga' toojo mambaal ra atan ayuk kandoi moonsoi.

JAKUBUS 3:1

Pabukat kau ngai'! Moonsoi ru kalo niayuk masuang intor ramuyun makaguang masauk ra mangingila'. Sabap ra kalo kia nakapandai kau ra itakau ondo' mangila' ra bokon, maagat poyo paukumin ri Aki Kapuuno' ritakau.

1 PITRUS 2:13

Sabap ra mangintopot kano ra Tuhan, gagaya' kano ra osoi ayuk ondo' maningganai ramuyun; ioginio Kaisar ondo' tingganai maayo kaga',