ROMA 12:20 - Tanou Moonsoi Timugon

²⁰ Kaa' tinulisan poyo ra Buuk Kitab, “Amon ru pantula' muno maitilan, paakano' io. Amon ru pantula' muno pinaason, painumo' io. Sabap ra maa' raginio mampakauyu' kou boo riso.”

ROMA 12:20 ပူးပေါင်းရင်းမြစ်များ

KASAUKAN 42:25

Pasuangi' ri Jusup karung ru pagaka'-pagaka' nano ra gandum am paulio' ruit nilono ra karung ru sigagama'. Palutui' no ilo ra akanon ra pangkiralanan. Susuban nano ginagaya' baalo'.

2 RAJA'-RAJA' 6:22

Taam i Ilisa, “Pai'. Saujor-saujor pana ondo' rinakop muno ralalom ru pangayawan pana kalo pinatoi mu. Anii' ilo ra akanon am inumon, am polosoon ilo muli' ra raja' nilo.”

MAZMUR 120:4

Panaan kau ra mato ru panah ondo' malarom longgom ru sangulun saujor, am ra baa ru apui ondo' mapaangan!

MAZMUR 140:10

Pai' polosoo' pantula' kuno mamanang, kaa' polosoon noyo ragu malaat nilono lumumpa' risilo galama'.

MATIUS 5:44

Kaa' raino ti balain takamin: Tagami' noyo pantula' mino am pakiasi' kano koson ra ulun ondo' mangimbolo' ramuyun,

LUKAS 6:27

“Kaa' akau ngaangai' ondo' mangkirongog Raki' raino ti, gitio bilin Kutu: Tagami' noyo pantula' mino, am koonsoi kano ra ulun masisang ramuyun.

ROMA 12:21

Pai' polosoo' kalaatan ru ulun no mangkinibit ramuyun mambalos saguli', kaa' balasi' min kalaatan no ra moonsoi.

1 SAMUIL 26:21

Taam Raja' Saul, “Sotopot no makatula noyo aku ti. Saguli' no, alii ri Daut anak kuno! Kalo boo lumaat aku rirun. Rondom i pinoloso mu aku naayag. Sasambungon aku kaga'! Binaal kuti jajajou kaga'!”