ROMA 12:19 - Tanou Moonsoi Timugon

¹⁹ Pabukat ondo' tagamin ku: pai' pambalos ra kalaatan ru ulun, kaa' polosoo' noyo i Aki Kapuuno' mangukum risilo. Sabap ra tinulisan noyo ra Buuk Kitab, “ ‘Aku noyo mambalos am Aku noyo mangukum,’ kon ru Tuhan.”

ROMA 12:19 ပူးပေါင်းရင်းမြစ်များ

SAGULION 32:35

Mansuli' Tuhan am mangukum risilo; masaboi paat no ra ilo maratu' am mapuso, orou katutukan nilo mataki' makasaboi.

IBRANI 10:30

Sabap ra napandayan takau noyo osoi minindagu, “Aku no mambalos risilo am mangukum risilo.” Mindagu Io niayuk, “Mangakim Tuhan no ra ulun Nano.”

AMSAL 24:29

Pai' indagu, “Balasin ku io atan ondo' binaal nali raki'!”

AMSAL 20:22

Kalaatan pai' balasi' ra kalaatan; pangintopot no ra Tuhan am mangindangan Io ramuyun.

ROMA 12:17

Pai' pambalos ra ulun ondo' lumaat ramuyun. Kinam kano pambaal ra moonsoi, ioginio ondo' iowon ra matanda' ru ngaangai' ulun.

1 TISALONIKA 4:6

Intor ra baal ragitio, pai' kano pambaal ra kasalaan kapoam mamparuung ra pabukat min ra Kristian. Sabap ra nakapansawai akai noyo toojo ramuyun ragili ra Tuhan noyo ondo' mangukum ra ngaangai' baal koson raginio.

IMAMAT 19:18

Pai' balos malikokot ra osoi pana, kapoam mararayus masisang ra ulun. Tagami' noyo ulun ra bokon koson okou mitotogom galama'. Aku noyo Tuhan.

ROMA 12:14

Pakiasi' noyo ri Aki Kapuuno' koson mambarakat ra ulun ondo' mangimbolo' ramuyun. Iou, pabarakatin ilo am sala' ka ulason.

SAGULION 32:43

“Akau bansa' ngaangai', omporo' noyo ulun ru Tuhan. Mangukum Tuhan ra ngaangai' ulun ondo' mamatoi ra ulun Nano; mansuli' Io ra pantula' Nano, am mangampun ra tula ru ulun Nano.”

MATIUS 5:39

Kaa' raino ti balain takamin: Pai' noyo balasi' ulun ondo' makasala rirun. Amon ru lapison ru sangulun pingas muno ra pamiris no polosoo' io niayuk mampalapis ra pingas muno ra kait no.

ROMA 13:4

Sabap ra parinta no ulipon ri Aki Kapuuno' koson mangindangan ramuyun. Kaa' amon ru mambaal kau ra malaat, kalaa' kano, sabap ra parinta no makakuasa' mangukum. Inaru' io no ri Aki Kapuuno' koson mangukum ra osoi ayuk ondo' mambaal ra kalaatan.

1 SAMUIL 25:33

Maringkuanang aku sabap ra kapintaran muno. Binaal muno ra orou raiti' nanginggalar raki' ra mamatoi koson mansuli'.

1 SAMUIL 25:26

Tuhan nanginggalar noyo rirun ra mansuli' am mamatoi ra pantula' muno. Raino magibot aku ralalom inggalan ru Tuhan ondo' naayag ra pantula' muno am ngaangai' ru ulun ondo' masaga' lumaat rirun ukumin koson ri Nabal.

YEHEZKIEL 25:12

Indagu Tuhan Raja', “Mamagun ru Idom nambalos noyo ra Jiuda ra malaat. Binaal ru Idom no kasalaan maayo.

1 SAMUIL 26:10

Ralalom inggalan ru Tuhan ondo' naayag, aku nakapandai ra Tuhan galama' ondo' mamatoi ra Raja' Saul, iou lair ru matoi ra kaindalaman paat ra pupus ru bayag nano nasaboi noyo, kapoam kinibit ru pangayawan.

1 SAMUIL 26:11

Gama' ayuk ru manginggalar Tuhan no raki' mamatoi ra raja' ondo' pinili' Nano! Alapo' to tutura' am rarapu' nano ayuk, am ugar intor ragiti!”

JIRIMIA 51:36

Ginio ra indagu Tuhan ra mamagun ru Jirusalim, “Tutunon Ku baal mino am mambalos ra pantula' mino ra binaal nilo ramuyun. Palasakon Ku puun-puun ru timug giu' ra Babilonia am mampalasak ra sungoi-sungoi no.

IPISUS 4:27

Pai' min anii' Tingganai ru riwato no ra kaluagan mangkinam ramuyun.

2 TIMOTIUS 4:14

I Aliksandir ondo' manukang ra basi' no, masuang kalaatan nano raki'. Kaa' Tuhan mambalos riso maya' ra kalaatan ondo' binaal nano.