ROMA 12:16 - Tanou Moonsoi Timugon

¹⁶ Kaayag kano ra rondo' guang ra rondo' am bokon. Pai' pampaguang ra akau ti maatang, kaa' latok kano ra ulun musikin. Pai' pangkara' ra akau ti poyo mapintar.

ROMA 12:16 ပူးပေါင်းရင်းမြစ်များ

2 TUNUNG RU BANSA' ISRAIL 30:12

Giu' ra Jiuda, i Aki Kapuuno' pana miningkuor am noporondo' ra guang ru mamagun maa' raginio totopot gumagaya' ra kasagaan Nano, saboi ilo masaga' gumagaya' ra susuban ru raja' am pagawai-pagawai nano.

AYUP 36:5

Maikang kaga' i Aki Kapuuno', am kalo magasab ra osoi pana; ngaangai' no naratian No.

AMSAL 17:5

Osoi-osoi magasab ra ulun musikin, magasab ri Aki Kapuuno' ondo' namangun risilo. Osoi-osoi maansukan ra ulun ondo' najamaran io ukumin.

AMSAL 19:17

Mangindangan ra ulun musikin nogondo' koson mapaira' ra Tuhan. Tuhan galama' mambalos riso.

AMSAL 19:22

Kalansanan ra sasangulun ioginio gumagaya'. Moonsoi poyo masauk ra ulun musikin ka masauk ra magabau.

AMSAL 19:7

Ulun musikin kalo kasagain ru pabukat nano, mulu' poyo ru rangan nano. Kabalu' pana gumogot io mangambi' risilo, kalo mabunduk no guang nilono.

AMSAL 26:12

Sasambungon pana ulun, sala' ka koson ra kinasambung ru ulun ondo' mangkara' ra io mapintar, sotopot no kalo.

AMSAL 26:5

Pangkuatan ra jajajou taamon niayuk ra jajajou, maa' raginio ulun mangkuot no makatutun ra iono sotopot no kalo mapandai.

AMSAL 3:7

Pai' kou pangkara' ra okou mapintar poyo intor ra sotopot no. Gagaya' no ra Tuhan am inggaluri' kalaatan.

JISAYA 5:21

Aibui boo ramuyun! Pangkaraan min, mapintar kau am mapandai toojo!

JIRIMIA 32:39

Aniin Ku ilo ra rondo' kuayan ru kaayagan: koson mangurumat Raki' ra sabubuoi no koson ra kaatangan nilo galama' am papag nilo.

JIRIMIA 45:5

Gumogot kou kia luntukin ra moonsoi? Pai', sabap ra porotongon Ku karaat ra ngaangai' ulun. Kaa' tayar muno, inda' pana, ra ati ayuk angayan muno, maayag kou ayuk. Aku, Tuhan, nakaindagu noyo.”

MATIUS 11:5

Ulun nobolou makakito, ulun kalo makalulu' makaugar, ulun makamaruol ra kungkung ondo' maaja' mababas; ulun barat mokorongog, ulun minatoi maayag saguli', am Tanou Moonsoi no pinatanou ra ulun musikin.

MATIUS 26:11

Ulun musikin masalok mabaya' ramuyun, kaa' Aku kalo mantilayun mabaya' ramuyun.

LUKAS 14:13

Kaa' amon ru mampiau kou ra ulun mongoi akan ra baloi, piawo' niayuk ulun musikin, ulun kalo makalulu', ulun kimpo' am ulun bolou.

LUKAS 6:20

Tantangi' ri Jisus ngaangai' maamaya' Nano am indagu, “Pakaansuk kano, ondo' musikin, sabap ra akau noyo ulun ri Aki Kapuuno'.

RINALATAN 4:32

Ngaangai' maamaya' ri Jisus toojo rondo' guang. Kolondo' sangulun pana intor risilo nangkara' am nangangku ra kuliamos nano galama', kaa' nagagapu ilo ra kuliamos.

ROMA 11:20

Motopot ginio. Inindaanan ilo sabap ra kalo nangintopot ilo, am soroi kau sabap ra pangintapatan mino. Intor raginio, pai' kano limbau, kaa' ilalai' min!

ROMA 11:25

Pabukat kau ngaangai', mapaintutun aku ramuyun ra katapatan ondo' kalo igondo' pinabala', maa' ra akau makapandai no, kalo boo lumimbau kau. Gitio noyo katapatan i; kalo mantilayun ulun ru Israil mokotog ulu, kaa' polos ayuk ra morontop noyo suang ru ulun sala' ka Jaudi matong ri Aki Kapuuno'.

ROMA 12:3

Sabap ra asi' ri Aki Kapuuno' raki', mindagu aku ra moonong ramuyun: Pai' kano minsawat guang, ioginio majanjayan intor ra ondo' sotopot no. Kaa' moonsoi ra akau minggana' guang am karaa' kaayagan mino maya' ra kapandayan ondo' tinaakan ri Aki Kapuuno' ramuyun sigagama' sabap ra mangintopot akau ri Jisus.

ROMA 15:5

Gama' ru i Aki Kapuuno' ondo' mampaikang ra guang min am mangani' ramuyun ra guang mataan, mangindangan ramuyun maayag ra rondo' guang sumugut ra tiluan i Kristus Jisus.

ROMA 6:2

Maaru' kalo! Itakau ondo' kalo boo kuasaan ru tula, sotopot no kalo boo rumayus mambaal ra tula.

1 KORINTUS 1:10

Pabukat kau ngaangai'. Ralalom inggalan ru Tuhan takau, i Jisus Kristus, kitaakon ku toojo ra pakarati' kano ra rondo' am bokon, maa' raginio kalo mantutuliar kau. Pogogondoo' min noyo guang am niayuk kasagaan min.

1 KORINTUS 3:18

Pai' sasangulun pana miruruung galama'. Amon ru mokoondo' intor ramuyun makapangkaraan ra mapintar io sumugut ra pagilangan ru ulun ru tana' ti, moonsoi ulun no mangkara' ra io sasambungon, am maa' raginio totopot io mapintar.

1 KORINTUS 4:10

Sabap ri Kristus, akai nasauk koson ayuk ra sasambungon, kaa' akau nasauk ra ulun Kristian ondo' mapintar. Akai malawo, kaa' akau maikang! Akai asabin, kaa' akau urumaton tupo.

1 KORINTUS 6:5

Mapara' boo uyu' no! Maaru' mokoondo' intor ramuyun ondo' mapintar koson manalasai ra pansasangaran ra gino ngai' ru ulun Kristian.

1 KORINTUS 8:2

Ulun ondo' indoson no makakapandayan io no toojo, sotopot no kalo poyo natutunan no ngaangai'.

2 KORINTUS 13:11

Pupusin ku pabukat kau ngaangai', tumoojo kau! Pirot kano toojo tumanda' am rongogo' noyo bilin kutu. Pogogondoo' noyo guang min am koonsoi kano ra rondo' am bokon. Gama' ru i Aki Kapuuno' ondo' monogom am manaak ritakau ra pabansayan mabaya' ramuyun.

PILIPI 1:27

Raino ondo' maatang toojo, kaayag kano sumugut ra Tanou Moonsoi ri Kristus. Maa' raginio, maampon ru moongoi takamin kailai' kapoam kalo, morongog takamin niayuk ra mingkotog kau poyo koson rondo' ayuk pangintapatan am niayuk rondo' guang min. Maa' raginio, makakau' kau mampabala' ra pangintapatan ondo' inimpuun ra Tanou Moonsoi no.

PILIPI 3:16

Baalo' takano maya' ra katapatan ondo' inila' noyo ritakau.

PILIPI 4:2

Gitio bilin ku ri Iuodia am Sintiki ra pogondoo' noyo guang mino maa' raginio mambukat kau ralalom pasimpungan min ra Tuhan.

IBRANI 13:5

Pai' noyo pagingkaut ayuk ra ruit, kaa' karaan min ayuk ra sama' noyo atan ondo' soroi ramuyun no. Sabap ra minindagu noyo i Aki Kapuuno', “Kalo noyo toojo polosoon kapoam iruanin takamin.”

1 PITRUS 3:8

Pamupusan raginio: Korondoo' noyo guang min am pakaasi' kano ra rondo' am bokon. Ponogom kano ra rondo' am bokon mogondo' ra akau tumogom ra pabukat min galama'. Am poyo musiti' kau mataau am minggana' guang.

1 PITRUS 5:3

Pai' kano mamarinta mamisi' risilo ondo' pinaintopot noyo ramuyun ti, kaa' sauk kano koson ra tiluan moonsoi risilo.

3 JUANIS 1:9

Nanulis aku no rondo' surat mariwa' posoboyon ra pasimpungan ulun Kristian. Kaa' i Diotripis, ondo' masaga' sumauk ra tingganai ru pasimpungan ulun Kristian, kalo masaga' mangkirongog raki'.