ROMA 12:13 - Tanou Moonsoi Timugon

¹³ Pangani' kano ra rapu' mino ra ulun Kristian ondo' musikin, am pai' kano karara' tambuluyon ru pabukat ra Kristian ondo' kalo nauligan min.

ROMA 12:13 ပူးပေါင်းရင်းမြစ်များ

2 RAJA'-RAJA' 4:10

Pambaal to ra rondo' lamin boborok giu' ra pinuusan ru baloi ti, am ukopon ra rondo' pambalangan, rondo' mija', rondo' panturungan am rondo' lampung maa' raginio mokoondo' io ra kaalangan ra giu' no paat ra io matong ragiti.”

MAZMUR 41:1

Ra tingganai ru santimungan maririmbai. Mazmur ri Daut.

AMSAL 31:20

Mataau io ra ulun musikin am mapagon.

MATIUS 25:35

Sabap ra paat ra Aku naitilan, pinaakan min Aku am paat ra Aku pinaason, pinainum min Aku. Ra Aku sangulun bansa' ru bokon, inapu min Aku ra baloi min.

RINALATAN 10:4

Nalaa' i Konilius am nonontong ra malaikat indagu io, “Kua guat, tuan?” Taam malaikat i, “Ngaangai' pakiasian am indangan muno ra ulun musikin i naapu noyo ri Aki Kapuuno' am tumaam io rirun.

RINALATAN 4:35

Ruit no boo tatayaron ra moonong ulun ondo' makapakuan.

ROMA 12:8

Osoi ondo' inanian ra kapandayan mampaikang ra guang ru ulun, papiroto' noyo. Osoi ondo' inanian ra guang mangani' ra rapu' no ra bokon, pangani' no maya' ra kataawan. Osoi ondo' inanian ra kapandayan maningganai, paningganai no toojo. Osoi ondo' inanian ra guang makaasi' ra ulun bokon, pakaasi' no mabaya' ra maansukan.

1 KORINTUS 16:15

Rondo' poyo bilin ku ramuyun: nakaulig kano ri Stipanus sambaloi. Ilo noyo ulun kasaa' ondo' nasauk ra Kristian giu' ra pagun Akaya, am mapirot ilo toojo mangindangan ra ulun ri Aki Kapuuno'.

2 KORINTUS 9:1

Sotopot no kalo boo pana mamatik aku ramuyun intor ra ruit paindanganon pataakin ra ulun ri Aki Kapuuno' ra Jirusalim.

2 KORINTUS 9:12

Pangindangan minti sala' ka pangingiru' ayuk ra kapaganan ru ulun ri Aki Kapuuno' giu' ra Jirusalim, kaa' niayuk mangkinibit ra ulun masuang maringkuanang ri Aki Kapuuno'.

GALATIA 6:10

Intor raginio, buoi ra itakau makakaluagan, alapo' takau noyo ginio koson mobobonsoi ra moonong ulun, mulu' poyo risilo ondo' makimambukat takau mulu' poyo ra mogondo' pangintapatan.

1 TIMOTIUS 3:2

Sangulun tingganai ru ulun Kristian no musiti' kolondo' sala, sangulun ayuk andu' nano, makapantataan ra guang, mapintar, makapaliso matanda', mataau mangapu ra tambului am makapangila' ra ulun.

1 TIMOTIUS 5:10

am kauligan mambaal ra moonsoi koson; matanda' nampasukor ra anak nano, mataau mangapu ra tambului, maluoi mangindangan ra ulun Kristian suku' ra kandoi kalo maatang, mangindangan ra ulun makakapaganan am mapirot io mambaal ra atan ayuk kandoi moonsoi.

TITUS 1:8

Kaa' sotopot no, musiti' io ti sangulun ondo' mataau mangapu ra tambului am maansayan mambaal ra motopot. Musiti' io mataan guang, mabanis guang, gumagaya' toojo ri Aki Kapuuno' am niayuk matanda'.

TITUS 3:14

Ulun takau musiti' migigila' ati kulaan mambaal ra moonsoi. Ginio makapangindangan toojo ra ulun ondo' kolondo' kaukapan am mambaal ra kaayagan nilo pana makaampos.

PILIMON 1:7

Pilimon, pabukat ku ra Kristian, togom muno raginio noyo ondo' nampakaansuk toojo raki' am niayuk nampaikang ra guang kutu! Sabap ra nampakaansuk kou no ra guang ru ngaangai' ulun ri Aki Kapuuno'.

IBRANI 13:16

Pai' kano pakalilian mambaal ra moonsoi am mangindangan ra rondo' am bokon, sabap raginio noyo koson ra taak simbalui ondo' mapabansuk ra guang ri Aki Kapuuno'.

IBRANI 13:2

Pai' kano karara' tambuluyon ru ulun ondo' kalo nauligan min. Mokoondo' tinambului koson raginio am kalo nakatutun ilo ra sotopot no malaikat tambului nilai i.

IBRANI 6:10

Io mabanis guang am kalo malilianan No ati koson nangandoi kau Riso, monogom kau Riso am nangindangan kau ra ulun Kristian ragili suku' raino.

1 PITRUS 4:9

Apuo' noyo rondo' am bokon giu' ra baloi mino ra kalo mambarui.

1 JUANIS 3:17

Amon ru sangulun langkaya' makakito ra pabukat musikin nano, kaa' maagat guang nano mangindangan, ati kulaan motogom io rokoon ri Aki Kapuuno'?

3 JUANIS 1:5

Pabukat ondo' tagamin kuno! Nangindangan kou toojo ra pabukat muno ra Kristian, kabalu' pana mokoondo' intor risilo kalo nauligan muno.