ROMA 11:32 - Tanou Moonsoi Timugon

³² Ngaangai' ulun inukum noyo ri Aki Kapuuno' koson ra ulun inaput, sabap ra ilo ti kalo giminagaya' Riso. Maa' raginio makapangasi' Io ra ngaangai' ulun.

ROMA 11:32 ပူးပေါင်းရင်းမြစ်များ

JUANIS 1:7

Io ti minatong mampabala' ra sinda no ra ulun, koson ngaangai' ulun mangintopot ra pambalaan nano.

JUANIS 12:32

Paat ra Aku ti painsawaton intor ra tana', poongoyon Ku ngaangai' ulun Raki'.”

ROMA 11:31

Mogondo' niayuk ra ulun ru Jaudi ondo' raino kalo gumagaya' ri Aki Kapuuno', ilo pana makaapu ra asi' ri Aki Kapuuno' koson ra naapu min noyo.

ROMA 3:22

Ralalom pangintapatan ri Jisus Kristus ayuk ulun mobonsoi saguli' ri Aki Kapuuno'. Ginio saukon ra ulun ru Jaudi am poyo sala' ka Jaudi sabap ri Aki Kapuuno' kalo mampili' ra ulun.

ROMA 3:9

Koson poyo raginio, ralalom pagilangan ri Aki Kapuuno', akai ulun ru Jaudi moonsoi poyo kia intor ra ulun sala' ka Jaudi? Maaru' kalo! Pinabala' ku noyo ra iou pana ulun ru Jaudi kapoam sala' ka Jaudi, ngaangai' noyo kinuasa' ru tula.

ROMA 5:19

Am poyo intor ra sangulun kalo giminagaya' ra susuban ri Aki Kapuuno' ngaangai' ulun makatula. Koson niayuk intor ra binaal ru sangulun ondo' giminagaya' ra susuban ri Aki Kapuuno', ulun mobonsoi saguli' Riso.

GALATIA 3:22

Kaa' mokoondo' tinulisan ra Buuk Kitab ra ngaangai' ulun kinuasa' ru tula. Ginio ra ondo' bantu' ri Aki Kapuuno' no makataak boo ra ulun ondo' mangintopot ri Jisus Kristus.

GALATIA 3:23

Ra kalo poyo nasuku' paat ra mangintopot ri Kristus ti, kinuasa' takau ru Ukum ri Musa koson ra ulun inaput, saboi pangintapatan no pinaintalang.