ROMA 11:28 - Tanou Moonsoi Timugon

²⁸ Intor ra ulun ru Israil kalo nangapu ra Tanou Moonsoi, pantula' ilo ri Aki Kapuuno', am ginio nai ra akau ulun sala' ka Jaudi makakaluagan. Kaa' maya' ra pampilian Nano, ulun ru Israil magulayun tagamin ri Aki Kapuuno' sabap ra ondo' binantu' ra kinamatuaan nilai.

ROMA 11:28 ပူးပေါင်းရင်းမြစ်များ

KASAUKAN 26:4

Aniin Tokou ra papag masuang, koson kinasuang ru butitin giu' ra limbowon am pataakon Ku risilo titikop ru wilayah ti. Ngaangai' bansa' ra tana' ti makibarakat Raki' koson ra Aku nambarakat noyo ra papag muno.

KASAUKAN 28:14

Papag muno koson ra kinasuang ru kaau ra tana' ti. Kapilaan nilo wilayah nilo ra ngaangai' tampilon, am mimpuun rirun am papag muno, ngaangai' bansa' ru tana' ti makaapu ra barakat.

JIRIMIA 31:3

intor ra maalur minintalang Aku risilo. Ulun kau ru Israil, intor ragili masalok Aku motogom ramuyun, am parayuson Ku mampakito ra masalok Aku motogom ramuyun.

MIKA 7:20

Mampakito Kou ra gagaya' Muno am togom Muno ondo' mantilayun ra ngaangai' ulun Muno, papag ri Abragam am Jakub, koson ondo' binantu' Muli ra kinamatuaan mai ra galing i.

MATIUS 21:43

“Karaa' min,” ragu ri Jisus, “Barakat ru Pamarintaan ri Aki Kapuuno' alapon intor ramuyun am pataakin ra bansa' ondo' gumagaya' ra panusuban ri Aki Kapuuno'.” [

LUKAS 1:54

Mangindangan Io ra ulun ru Israil, ulipon Nano, sabap ra mangkara' Io ra asi' Nali.

RINALATAN 14:2

Kaa' ulun ru Jaudi ondo' kalo nangintopot nanusuk poyo ra ulun sala' ka Jaudi saboi nasisang ilo ra ulun ondo' nangintopot ri Jisus.

RINALATAN 18:6

Kaa' ulun-ulun minanggal riso mabaya' ra ragu malaat. Ginio ra tingkabuli' ri Paulus jamol ru bayang nali koson mansawai risilo, kono, “Akau no galama' ra sala amon ru maluus kau. Kolondo' sala kuno ramuyun. Intor raino mongoi aku ayuk pampatanou ra ulun sala' ka Jaudi.”

ROMA 11:11

Ginio ra mangkuot aku po: Karatu' ulun ru Jaudi no koson luuson ilo kia ri Aki Kapuuno'? Maaru' kalo! Sabap ra tula ru ulun ru Jaudi, ondo' sala' ka Jaudi boo bayagon, koson ra ulun ru Jaudi no mangusolon boo risilo.

ROMA 11:30

Ra galing i akau, ulun sala' ka Jaudi, kalo giminagaya' ri Aki Kapuuno', kaa' raino nakaapu kau ra asi' Nano sabap ra kalo nampagagayaan ru ulun ru Jaudi.

ROMA 11:7

Arati' ru ginio kalo natuum ru ulun ru Israil atan ondo' inuyum nilai. Kaa' ondo' nakatuum am kukula' ngaulun pinili' Nano ayuk am bokon no nangimpai ra pampiawan ri Aki Kapuuno'.

ROMA 5:10

Galing i mantutula' takau ri Aki Kapuuno', kaa' itakau pinobonsoi saguli' Riso mansail ra pinatayan ru Anak Nano. Raino, ra itakau rangan ri Aki Kapuuno', maaru' bayagon takau sabap ri Kristus maayag.

ROMA 9:5

Ilo ti papag ru kinamatuaan takali ra nauligan, am intor ra papag ri Kristus ra ulun no, inanak Io sangulun Israil. Gama' ru i Aki Kapuuno' ondo' manguasa' ra ngaangai', omporon ra sabuoi-buoi no. Amin.

SAGULION 10:15

Kaa' togom ru Tuhan ra kinamatuaan mini maayo kaga' saboi nampili' Io ramuyun intor ra ngaangai' bansa', am akau noyo ulun pinili' Nano.

SAGULION 4:31

Tuhan i Aki Kapuuno' min iono i Aki Kapuuno' ondo' makaasi'. Kalo mangiruan kapoam mamuso Io ramuyun. Kalo lilianin No nabantuan ondo' binaal Nano galama' ra kinamatuaan min.

SAGULION 8:18

Karaa' noyo ra Tuhan i Aki Kapuuno' min raginio noyo ondo' napalangkaya' ramuyun. Nambaal Io ra baal raginio sabap saboi orou raiti', lakat poyo Io nanutun ra nabantuan ondo' binaal Nano ra kinamatuaan mini.

SAGULION 9:5

Nangiou Tuhan ramuyun mangalap ra tana' nilono sala' ka sabap ra moonsoi kau am nambaal ra motopot. Nampagiru' Tuhan risilo sabap malaat ilo, am sabap masaga' Io manugut ra nabantuan ondo' binaal Nano ra kinamatuaan min i Abragam, i Isak am i Jakub.