ROMA 11:21 - Tanou Moonsoi Timugon

²¹ Sabap ra amon ru i Aki Kapuuno' kalo nakaasi' ra ulun ru Jaudi ondo' koson ra raan kopoyo inindaanan Nali, mulu' poyo kalo makaasi' Io ramuyun.

ROMA 11:21 ပူးပေါင်းရင်းမြစ်များ

JIRIMIA 25:29

Talimpuunin Ku mamuso no giu' ra bandar Kuno galama'. Indoson nilo kia ra kalo ukumin ilo? Maaru' ukumin ilo sabap ra porotongon Ku pangayawan ra ngaangai' bansa' ra titikop ru tana' ti. Aku, Tuhan Ondo' Maayo Kaga' Kuasa' nakaindagu noyo.

JIRIMIA 49:12

Ulun ondo' sotopot no kalo ukumin pana natiu' ra ukuman. Indoson min kia ra makalabus kau intor ra ukuman? Maaru' ukumin kau!

ROMA 11:17

Ginio ra kukula' raan intor ra puun jaitun tinanom indaanin am raan intor ra puun jaitun lumayau pangkapiton pamalit ra inindaanan no. Akau, ulun sala' ka Jaudi, koson ra raan ru puun jaitun lumayau ondo' makasia' ra barakat ru kaayagan ru ulun ru Jaudi.

ROMA 11:19

Mokoondo' lair mindagu ra, “Kaa' raan inindaanan koson akai papaliton risilo.”

ROMA 11:20

Motopot ginio. Inindaanan ilo sabap ra kalo nangintopot ilo, am soroi kau sabap ra pangintapatan mino. Intor raginio, pai' kano limbau, kaa' ilalai' min!

ROMA 11:22

Ginio mapandayan takau ra kataawan am ukum ri Aki Kapuuno'. Moporos ukum Nano risilo ondo' matulaan, kaa' mataau Io ramuyun amon ru rumayus kau lumansan ra kataawan Nano. Kaa' amon ru kalo, akau niayuk indaanin No.

ROMA 8:32

Kalo iningaan ri Aki Kapuuno' Anak Nano galama', kaa' pinoloso No Io potoyon koson ra kaatangan takau. Amon ru pinataak No Anak Nano ritakau, maaru' mangani' Io poyo ritakau ngaangai' ra bokon.

JUDAS 1:5

Napandayan min noyo ngaangai' ru gitio. Kaa' masaga' aku poyo mampakara' ramuyun ati kulaan Tuhan namayag ra bansa' ru Israil intor ra pagun ru Misir, kaa' nopongo raginio, pinuso No niayuk ulun intor risilo ondo' kalo nangintopot Riso i.