ROMA 11:20 - Tanou Moonsoi Timugon

²⁰ Motopot ginio. Inindaanan ilo sabap ra kalo nangintopot ilo, am soroi kau sabap ra pangintapatan mino. Intor raginio, pai' kano limbau, kaa' ilalai' min!

ROMA 11:20 ပူးပေါင်းရင်းမြစ်များ

2 TUNUNG RU BANSA' ISRAIL 20:20

Nokorondom ra suabon no ilo ngaangai' minongoi ra tana' kaagisan mamaar ra Tikoa. Paat ra ilo minintor, kon ru Raja' Josapat risilo, “Mamagun kau ru Jiuda am Jirusalim, pangintopot no ra Tuhan, i Aki Kapuuno' min, am akau pana mokoorot! Pangintopot no ra bilin ru nabi-nabi Nano, am akau pana makasugut.”

MAZMUR 138:6

Kabalu' pana Okou no matulai kaga', ilain Mu niayuk ulun ondo' asasabin, am ulun malilimbau kalo mapandai mansibuni intor Rirun.

AMSAL 28:14

Pakaansuk noyo ulun ondo' gumagaya' ra Tuhan, kaa' ulun mokotog ulu iono pusoon.

AMSAL 28:26

Ulun ondo' maya' ra pampaguangan galama' iono ulun sasambungon. Ulun ondo' maya' ra pangilaan ru ulun mapintar iono bayagon.

JISAYA 2:11

Masaboi orou ra limbau ru ulun liomon am minsawat guang ru ulun pusoon. Bagu no Tuhan ayuk omporon.

JISAYA 2:17

Limbau ru ulun liomon No, am minsawat guang ru ulun pusoon No. Ngaangai' sinungkalalaing liomon No saboi mapuso, am Tuhan ayuk omporon ra orou raginio.

JISAYA 66:2

Aku galama' namangun ra tana' ti. Maansayan Aku ra ulun minggana' guang am tumalikur ra tula, ondo' malaa' am gumagaya' Raki'.

JISAYA 7:9

Israil kalo maikang poyo intor ra Samaria, pusor bandar nano, am Samaria pana kalo maikang poyo intor ra Raja' Pika. Amon ru kalo totopot kau mangintopot Raki', maaru' akau no maratu'.”

ABAKUK 2:4

Gitio noyo tanou no: ‘Ulun ondo' nambaal ra kalaatan pusoon, kaa' ulun ondo' nambaal ra kasagaan ri Aki Kapuuno' maayag sabap ra gumagaya' ilo ri Aki Kapuuno'.’ ”

JIPANYA 3:11

Paat raginio, akau ulun Kuno, kalo boo pana mauyu' kau sabap giminuor kano Raki'. Impayin Ku moonong ulun malilimbau am minsawat ragu; akau kalo boo gumuor Raki' giu' ra bulur Kuno ondo' matulai.

LUKAS 18:14

“Balain takamin: Intor ra ruo ngaulun i, sala' ka ulun-ulun ru Parisi i, kaa' ulun mampalulur ra cukai i ondo' motopot ra pagilangan ri Aki Kapuuno'. Moonong ulun minsawat guang, paingganaan, am moonong ulun minggana' guang, painsawaton.”

RINALATAN 18:6

Kaa' ulun-ulun minanggal riso mabaya' ra ragu malaat. Ginio ra tingkabuli' ri Paulus jamol ru bayang nali koson mansawai risilo, kono, “Akau no galama' ra sala amon ru maluus kau. Kolondo' sala kuno ramuyun. Intor raino mongoi aku ayuk pampatanou ra ulun sala' ka Jaudi.”

ROMA 11:18

Kaa' pai' pagasab risilo ondo' inindaanan noyo koson ra raan no! Pai' kano limbau! Sabap ra akau no raan ayuk. Sala' ka akau no nanambakat ra puun no, kaa' sotopot no bakat no ondo' mampatuu' ramuyun.

ROMA 11:21

Sabap ra amon ru i Aki Kapuuno' kalo nakaasi' ra ulun ru Jaudi ondo' koson ra raan kopoyo inindaanan Nali, mulu' poyo kalo makaasi' Io ramuyun.

ROMA 12:16

Kaayag kano ra rondo' guang ra rondo' am bokon. Pai' pampaguang ra akau ti maatang, kaa' latok kano ra ulun musikin. Pai' pangkara' ra akau ti poyo mapintar.

ROMA 12:3

Sabap ra asi' ri Aki Kapuuno' raki', mindagu aku ra moonong ramuyun: Pai' kano minsawat guang, ioginio majanjayan intor ra ondo' sotopot no. Kaa' moonsoi ra akau minggana' guang am karaa' kaayagan mino maya' ra kapandayan ondo' tinaakan ri Aki Kapuuno' ramuyun sigagama' sabap ra mangintopot akau ri Jisus.

ROMA 3:3

Kaa' atan koson amon ru mokoondo' ulun ru Jaudi kalo mampagagaya' ra ragu Nano? Ginio kia mangkinibit ra i Aki Kapuuno' kalo manugut ra bantu' Nano risilo?

1 KORINTUS 10:12

Pagilalai' noyo ulun ondo' indos no maikang pangintapatan nano maa' raginio kalo boo maratu' io.

1 KORINTUS 15:1

Pabukat kau ngaangai', raino masaga' aku mampakara' saguli' ramuyun ra Tanou Moonsoi intor ri Aki Kapuuno' ondo' pinasaboi kuno ramuyun ragili. Ginio inapu min am nangintopot kau ri Kristus sabap ra tanou raginio.

1 KORINTUS 16:13

Pagilalai' am pangintopot kano toojo, baani am mikang kau.

2 KORINTUS 1:24

Kalo mompogogot akai maningganai ramuyun koson mambala' ra atan musiti' intopoton min, sabap ra mangintopot kano toojo ri Kristus. Kaa' masaga' akai ayuk maguguyu ramuyun, maa' raginio maansayan kau toojo.

2 KORINTUS 10:5

am mamuso ra ngaangai' sasaban ondo' manginga' ra ulun kalo makaulig ri Aki Kapuuno'. Kulawon mai guang ru ulun, maa' raginio gumagaya' ilo boo ri Kristus.

PILIPI 2:12

Sabap raginio pabukat ondo' tagamin kuno, koson masalok kau niayuk giminagaya' raki' paat ra aku soroi ramuyun, mulu' poyo gagaya' mino ra raino ti ra itakau nakapaginggalur. Pirot kano mompogogot ra kaansayan ru pamayagan minti, ioginio mansail ra ati kulaan kinapirot ru guang min sumugut am mangurumat toojo ri Aki Kapuuno'.

KOLOSI 2:7

Polosoo' Io no sumauk ra puun ru kaayagan min. Pangintapatan mino Riso ondo' koson ra puun nano mulu' poyo ikang no sumugut ra atan ondo' inila' ramuyun i. Kasalok kano mongongompor mabaya' ra ragu paringkuanangan.

2 TISALONIKA 2:4

Makimantula' am makiompor io ra ngaangai' ondo' rokoon tuhan kapoam atan ayuk ondo' sambaan ru ulun, saboi sumubol am manturung io ra Baloi Tuhan am migiangku ra io rokoon i Aki Kapuuno'.

1 TIMOTIUS 6:17

Pinsono' noyo ilo ondo' langkaya' ra kalo noyo minsawat guang am kalo lumansan ayuk ra kalangkayaan nilai ti, ondo' kalo noyo makapantilayun. Kaa' moonsoi ru lumansan ilo ayuk ri Aki Kapuuno' ondo' mangani' ritakau ra ngaangai' ru kalangkayaan Nano koson ra katasuan takau.

IBRANI 3:12

Pabukat kau ngai' ondo' tagamin kuno, ilalai' min koson ra kolondo' sangulun intor ramuyun no makaguang ra malaat ra kalo boo mangintopot, saboi tumalikur boo ri Aki Kapuuno' ondo' mantilayun no.

IBRANI 3:19

Intor raginio maratian takau ra ilo ti kalo noyo nakasubol ra pagun, sabap ra kalo nangintopot ilo ri Aki Kapuuno'.

IBRANI 4:11

Sabap raginio, piroto' noyo saboi makatangus takau mabaya' Riso. Pai' saboi sangulun pana intor ritakau kalo makatangus mabaya' Riso koson risilo ra galing i, sabap ra kalo nangintopot ri Aki Kapuuno'.

IBRANI 4:6

Ginio boo ilo ondo' kasaa' nakaining ra Tanou Moonsoi no, kalo tumangus mabaya' Raki', sabap ra ilo kalo nangintopot. Amon ru ginio poyo, mokoondo' boo ulun ra bokon ondo' makatangus mabaya' Raki'.

JAKUBUS 2:19

Mangintopot kou no alia ra rondo' ayuk i Aki Kapuuno'. Motopot! Riwato-riwato pana mangintopot ragitio am malaa' ilo Riso, suku' ra monontol.

JAKUBUS 4:6

Am mulu' poyo boo kataawan Nano ritakau. Ginio ra tinulisan ra Buuk Kitab ra, “Ampangin ri Aki Kapuuno' ulun ondo' minsawat guang, kaa' mataau Io ra ulun ondo' minggana' guang.”

1 PITRUS 1:17

Makiama' kau ri Aki Kapuuno' ralalom ru pakiasian min. Io no niayuk ondo' mangakim ra ulun maya' ra binaal nilono, am kalo mampili' ra ulun. Ginio ra urumato' noyo i Aki Kapuuno' buoi ra akau lakat ayuk poyo soroi ra tana' ti.

1 PITRUS 5:12

Manulis aku ra surat mariwa' ti ramuyun mabaya' ra indangan ri Silas. Io karaan ku sangulun pabukat ra Kristian ondo' malansanan. Pambilinan ru surat kutu ioginio intor ra kataawan ri Aki Kapuuno'. Pai' min noyo labusi' taak raginio.

1 PITRUS 5:9

Gulaa' io no mabaya' ra kinaikang ru pangintapatan min, sabap ra nakapandai kano ra pabukat min ra Kristian ra tikop-tikop ru tana' ti maimbolo' niayuk mogondo' ramuyun.

PINAINTALANG 18:7

Imboloo' ilo saboi mangiluk guang nilo, saboi kangilukan nilo mogondo' ayuk ra kauligan am kalangkayaan nilai. Sabap ra masalok ilo mangkara': ‘Akai ti maayag koson ra raja'. Pai' ru makaliman akai ra guang mangiluk.’

PINAINTALANG 3:17

Minindagu kau, ‘Langkaya' aku; kalo nalimusan aku ra atan ayuk pana.’ Kaa' kalo nakapandai kau ra makaasi'-asi' baal mino! Kunsikang kau, nagibabaang am bolou.