ROMA 11:2 - Tanou Moonsoi Timugon

² Kalo mangimpai i Aki Kapuuno' ra ulun Nano ondo' pinili' Nano ra talimpuun i. Mapandayan min ondo' tinulisan noyo ra Buuk Kitab paat ri Nabi Ilia nononsol ra ulun ru Israil ri Aki Kapuuno'. Kono,

ROMA 11:2 ပူးပေါင်းရင်းမြစ်များ

KASAUKAN 44:15

am indagu i Jusup, “Atan kia binaal mini? Kalo kia nakapandai kau ra ulun koson raki' ti mapandai mangilong ra binaal mini mansail ra kapandayan kuno?”

NIGIMIA 9:30

Bilor ka bilor, nabaya' ra orot nampakara' Kou risilo. Ambiluo Muno mindagu-dagu risilo ondo' pinabala' galing ra nabi-nabi Muli, kaa' sinilong ru ulun Muno talingo. Ginio ra nompoloso Kou risilo kinala ru bansa'-bansa' ra bokon.

MAZMUR 94:14

Tuhan kalo manatang ra ulun Nano; kalo impayin No ulun ondo' nasauk ra longgom Nano.

KAINGKUALAN 32:1

Pakakito ulun ru Israil ra soroi i Musa ra nabuoi kaga' giu' ra gunung no, am kalo niayuk poyo timinuun io, limpu ilo ri Arun am indagu riso, “Kalo nakapandai takau atan boo nasauk ri Musa, ondo' naningganai ritakau miningkual intor ra Misir; ginio ra baali' akai rondo' tuhan koson maningganai ramon.”

JIRIMIA 31:37

Amon ru rondo' paat ra limbowon maalap ra tuku', am lonor ru tana' ti maalap kaimumuyi', paat raginio noyo Israil impayin No sabap ra ngaangai' binaal nilo. Nakaindagu noyo Tuhan.

UNTABAN 16:15

Siminangit toojo i Musa am indagu ra Tuhan, “Pai' noyo apuo' atan-atan taak intor risilo. Kalo igondo' aku pambaal ra sala risilo; am sanginan kaladai pana kalo igondo' ku alapo' intor risilo.”

MARKUS 12:26

Ra koson ra ulun matoi bayagon saguli', kalo kia igondo' kau pambasa' ra Ukum ri Musa, koson sampuun tataun magana' ondo' mapaang kaa' kalo nosolob? Ginio mokoondo' tinulisan ra i Aki Kapuuno' minindagu ri Musa, ‘Aku noyo i Aki Kapuuno' ondo' sambaan ri Abragam, ri Isak am ri Jakub.’

LUKAS 4:1

Paat ri Jisus minuli' intor ra Sungoi Jordan, kinuasa' Io toojo ru Ambiluo ri Aki Kapuuno' am inibit Io ru Ambiluo ri Aki Kapuuno' no giu' ra tana' kaagisan.

JUANIS 4:11

Indagu ruandu' i Riso, “Tuan, tulubong ti malandom kaga' am kolondo' susuuk Muno. Ati kaalapan Muno ra timug mampakaayag no?

RINALATAN 13:48

Pakaining ayuk ulun sala' ka Jaudi ragu raginio, naansukan ilo toojo saboi mongongompor ilo ra bala' intor ra Tuhan i. Ulun ondo' inaru' noyo ri Aki Kapuuno' koson mokoowot ra kaayagan motopot am mantilayun, nangintopot ilo ri Jisus niayuk.

RINALATAN 15:18

Ginio noyo ragu ru Tuhan, ondo' pinabala' No intor ra galing i.’ ”

RINALATAN 3:17

“Pabukat kau ngaangai'! Raino nakapandai aku ra atan ondo' binaal min am tingganai mino ri Jisus i, ginio binaal min sabap ra kalo nakarati' kau.

RINALATAN 7:40

Indagu ilo ri Arun, ‘Baali' akai ra kukula' sinungkalalaing ondo' pasiguluon takau mugar. Sabap ra i Musa ondo' nagibit ritakau mingkual intor ra Misir, tawa atan boo nasauk riso no!’

ROMA 6:16

Maaru' mapandayan min amon ru polosoon noyo kaayagan min kuasaan ru sasangulun koson mampagagaya' ra susuban nano, akau noyo ulipon ru ulun no – iou pana ulipon ru tula ondo' magibit ra kapatayan, kapoam ulipon ondo' gumagaya' ra kasagaan ri Aki Kapuuno' ondo' mopobonsoi ramuyun Riso.

ROMA 9:23

Masaga' Io niayuk mampakito ritakau ra kaluaban ru kaansayan Nano. Ginio tinaakan Nano ritakau ondo' asiin Nano, ioginio itakau ondo' pinongo Nano makaapu ra kaansayan Nano.

ROMA 9:6

Kalo mindagu aku ra bantu' ri Aki Kapuuno' i kalo nasugut. Kaa' sala' ka ngaangai' bansa' ru Israil pinili' ri Aki Kapuuno',

1 KORINTUS 6:2

Kalo kia nakapandai kau ra ulun ri Aki Kapuuno' mangakim ra ulun ru tana' ti ra tauli no? Amon ru akau no mangakim ra ulun ru tana' ti, maaru' masalasai min baal ra kalo kula' maatang koson raginio?

1 KORINTUS 8:3

Kaa' ulun ondo' totopot motogom ri Aki Kapuuno', io ti mauligan ri Aki Kapuuno'.

PILIPI 1:22

Kaa' amon ru posoroyon aku poyo ra tana' ti koson mokoowot poyo ra ampos ru kandoi kuno, kalo noyo makapampili' aku ra ati kia rondo' bayaan kuno.

IBRANI 1:1

Paat ra galing i, ingkukula' noyo i Aki Kapuuno' nampasaboi ra bala' ra nansalinut bayaan ra kinamatuaan takali ondo' pinabala' galing ra nabi-nabi.

1 PITRUS 1:2

Pinili' kau ri Aki Kapuuno', Ama' takau, sumugut ra pangatangan Nano, am pinasauk kau ru Ambiluo Nano ra ulun matulai, maa' raginio gumagaya' kau boo ri Jisus Kristus am maimpasawan kau ru raraa' Nano. Gama' ru ruangin poyo ri Aki Kapuuno' no barakat am pabansayan Nano ramuyun.