ROMA 10:9 - Tanou Moonsoi Timugon

⁹ Amon ru mangakun kau ra i Jisus noyo Tuhan am mangintopot toojo ra Io binayag saguli' ri Aki Kapuuno' intor ra kapatayan, bayagon kau.

ROMA 10:9 ပူးပေါင်းရင်းမြစ်များ

LUKAS 12:8

“Mindagu Aku ramuyun, osoi mangiou ra saang ru ulun ra mangintopot io Raki', Anak ru Ulun pana mangiou ra ulun no ra saang ru malaikat-malaikat ri Aki Kapuuno'.

JUANIS 9:22

Matuo nano minindagu koson raginio sabap ra nalaa' ilo ra tingganai ru ulun ru Jaudi no, sabap ra nakapaguguum ilo noyo ra osoi ayuk mangiou ra i Jisus noyo Mamamayag ondo' sinusub ri Aki Kapuuno', inggalarin ulun no mumpos ra baloi sambayangan.

RINALATAN 16:31

Taam i Paulus am i Silas, “Pangintopot ayuk ra Tuhan Jisus am bayagon kou – akau ngaangai' sambaloi niayuk!”

RINALATAN 2:24

Kaa' binayag Io saguli' ri Aki Kapuuno' intor ra kapatayan. Pinalabus Io ri Aki Kapuuno' intor ra kaimbalaan ru kapatayan, sabap ra kalo lair maaput Io ru kapatayan.

RINALATAN 2:32

I Jisus ti noyo ondo' binayag saguli' ri Aki Kapuuno' intor ra kapatayan. Akai ngaangai' sasi' ra baal raginio.

RINALATAN 8:36

Paat ra ilo nanunggul ra pangkiralanan nilai, pakasuku' ilo ra intok makatimug. Indagu pagawai no, “Ilai', giti makatimug. Atan poyo manginga' raki' ra aku riwon?” [

ROMA 10:10

Sabap ra pangintapatan takau ra mapiot no, itakau pobonsoyon saguli' ri Aki Kapuuno', am intor ra pangakunan, itakau bayagon.

ROMA 14:11

Sabap ra tinulisan noyo ra Buuk Kitab, kon ru Tuhan, “Aku ti i Aki Kapuuno' ondo' maayag, moonong ulun migulatur ra saang Kuno, am poyo mangiou ra Aku ti i Aki Kapuuno'.”

ROMA 14:9

Ginio ra i Kristus minatoi am naayag saguli' koson masauk ra Tuhan ru ulun maayag am ulun namagatoi.

ROMA 4:24

kaa' ritakau niayuk. Itakau niayuk apuon ri Aki Kapuuno' koson ra ulun ondo' mobonsoi saguli' Riso, sabap ra mangintopot takau Riso ondo' nampakaayag ri Jisus, Tuhan takau, intor ra kapatayan.

ROMA 8:34

Osoi kia mokopononsol ritakau? Maaru' kolondo'! I Kristus Jisus noyo ondo' minatoi, binayag saguli' am soroi ra pamiris ri Aki Kapuuno': Io no manaung ritakau.

1 KORINTUS 12:3

Musiti' kau makapandai ra ulun ondo' kinuasa' ru Ambiluo ri Aki Kapuuno' kalo makaindagu ra, “Kaluus i Jisus!” Koson niayuk ra kolondo' sangulun pana makaindagu ra, “I Jisus noyo Tuhan!” amon ru kalo kuasaan ulun no ru Ambiluo ri Aki Kapuuno'.

PILIPI 2:11

Am ngaangai' nilo pana mangiou ra i Jisus Kristus noyo Tuhan; Intor raginio katulayon boo i Aki Kapuuno', Ama' takau.

1 PITRUS 1:21

Mansail Riso ti noyo makapangintopot kau ri Aki Kapuuno'. Io no ondo' namayag saguli' ri Kristus intor ra kapatayan am nangurumat boo Riso. Ginio ri Aki Kapuuno' ti boo puun ru pangintapatan am kalansanan min.

1 JUANIS 4:15

Osoi ayuk mangintopot ri Jisus no Anak ri Aki Kapuuno', i Aki Kapuuno' maayag sumimpung ra ulun no am niayuk ulun no maayag sumimpung ri Aki Kapuuno'.

2 JUANIS 1:7

Masuang noyo mamparuung ra ulun ra tikop-tikop ru tana' ti. Ilo ti ulun ondo' kalo mangintopot ra i Jisus Kristus minatong ra tana' ti siminauk ra ulun. Ulun raginio mamparuung am tumula' ri Jisus Kristus.