ROMA 10:2 - Tanou Moonsoi Timugon

² Mampaintutun aku ra ilo ti mirot toojo mangandoi ri Aki Kapuuno', kaa' binaal nilono kalo inimpuun ra katutunan intor ri Aki Kapuuno'.

ROMA 10:2 ပူးပေါင်းရင်းမြစ်များ

2 RAJA'-RAJA' 10:16

Kon ru Raja' Jigu, “Baya' no raki' am ilai' galama' ra mapara' pirot kuno mangandoi ayuk ra Tuhan.” Ilo pana nabaya' minongoi ra Samaria.

MAZMUR 14:4

Pangkuot Tuhan, “Kalo kia nakapandai ngaangai' ulun malaat ti? Kaayagan nilo mantakou ra kuliamos ru ngaangai' ulun Kuno, am kalo igondo' pakiasi' Raki'.”

AMSAL 19:2

Maayo guang ra kolondo' katutunan kalo moonsoi; ulun ra maajag-ajag makabaal ra sala.

JISAYA 27:1

Orou raginio Tuhan mamakai ra ilang Nano ondo' maayo, malarom, am ondo' makapatoi koson mangukum ra Liwiatan, kukuo ra maras am talilingkong no, am koson mamatoi ra tambuakal ru raat.

JUANIS 16:2

Inggalarin kau mumpos ra baloi sambayangan. Masuku' niayuk paat ra osoi ayuk mamatoi ramuyun mangkara' ilo raginio mangandoi ri Aki Kapuuno'.

RINALATAN 21:20

Pakaining ilo ra ngaangai' ondo' rinagu ri Paulus i, nongompor ilo boo ri Aki Kapuuno'. Indagu ilo boo ri Paulus, “Paulus, pabukat mai! Mokoondo' kukula' ngaribu noyo ulun ru Jaudi nangintopot ri Jisus ragiti, am gumagaya' ilo toojo ra Ukum ri Musa.

RINALATAN 21:28

Golok ilo, “Pabukat kau ngaangai', ulun ru Israil! Makiindangan akai. Gitio noyo ulun ondo' mangila' ra ati ayuk intok ra ngaangai' ulun ra pangilaan ondo' manggal ra bansa' ru Israil, Ukum ri Musa am niayuk Baloi Tuhan ti. Mulu' poyo raino ti nagibit io piboo ra ulun ondo' sala' ka Jaudi sumubol ra Baloi Tuhan. Mampajamol io ra intok matulai ti.” (

RINALATAN 22:22

Ulun-ulun no lakat ayuk poyo nangkirongog ra atan rinagu ri Paulus, kaa' ondo' rinagu no ra pupus ti boo, golok ilo, “Potoyo' io! Kalo maaya' io maayag!”

RINALATAN 22:3

“Ulun aku toojo ru Jaudi. Intor aku ra bandar Tarsus ra pagun Kilikia, kaa' giti ayuk ra Jirusalim ti nasukaran kuno am minigigila' aku ri Gamalil. Inila' aku toojo ra Ukum ri Musa ru kinamatuaan takau am patimpokon ku kaayagan kuno ri Aki Kapuuno' nogondo' ra akau ngaangai' ra orou raiti'.

ROMA 10:1

Pabukat kau ngaangai', kaandaman ru guang kuno am pakiasian ku ri Aki Kapuuno', ioginio ra ngaangai' bansa' kuno bayagon.

ROMA 10:3

Kalo makarati' ilo ra ralan ati kulaan ra ulun mobonsoi saguli' ri Aki Kapuuno', am mirot ilo maya' ra ralan nilo galama' ayuk koson mobonsoi saguli' ri Aki Kapuuno'. Sabap raginio marara' ilo ra ralan nanuluan ri Aki Kapuuno'.

2 KORINTUS 4:4

Guang ru ulun ondo' kalo mangintopot ti kinolondom ru tingganai malaat ondo' mamarinta ra tana' ti. Io noyo ondo' manginga' risilo makakito ra sinda intor ra Tanou Moonsoi, ioginio katulayan ri Kristus ondo' mogondo' ri Aki Kapuuno'.

2 KORINTUS 4:6

Minindagu i Aki Kapuuno', “Kasauk noyo sinda ra kalandaman.” I Aki Kapuuno' niayuk ondo' mampakasinda ra guang mai, koson makaintutun akai toojo ra katulayan Nano ondo' simininda ra bulos ri Kristus.

2 KORINTUS 8:3

Makapampainono' aku ra nangani' ilo ra kula' ayuk ondo' mataakan nilo, am mulu' piboo suang pinataak nilo. Maya' ra kinataau ru guang nilai galama',

GALATIA 1:14

Intor ra pinantuu' kuno ra ulun ru Jaudi, aku noyo ondo' mirot toojo mampagagaya' ra ugama Jaudi am niayuk kaulayan ru kinamatuaan maili.

GALATIA 4:15

Ragili naansukan kau kaga' kaa' raino kalo boo. Nakapandai aku ra maayo toojo guang min mangindangan raki' ragili, saboi utakon mato min galama' ra pataakin raki'.

PILIPI 1:9

Gitio noyo pakiasian kuno ri Aki Kapuuno' ra gama' ru mulu' poyo togom mino ri Aki Kapuuno', mogondo' niayuk ra mulu' poyo kapandayan min ra katapatan am kaintutunan no.

PILIPI 3:6

Gitio noyo nangkinibit ra aku nangimbolo' ra ulun-ulun Kristian no. Am intor ra katapatan poyo, ioginio ati kulaan aku giminagaya' ra susuban ru Ukum ri Musa, kalo igondo' aku pakasala.

KOLOSI 4:13

Aku noyo galama' makapangani' ra kaintutunan intor ra kinapirot ru kandoi nano ramuyun am niayuk namagun ra bandar Laodikia am Irapolis.