ROMA 10:15 - Tanou Moonsoi Timugon

¹⁵ Mailo ilo mampatanou amon ru kolondo' manusub risilo. Kon niayuk tinulisan ra Buuk Kitab, “Mumpara' boo bonsoi ratangan ru ilo ondo' mampabala' ra tanou moonsoi!”

ROMA 10:15 ပူးပေါင်းရင်းမြစ်များ

JISAYA 40:9

Okou Jirusalim, pangkiwa' no ra bujuk ru gunung ondo' masawat am pabalaa' noyo tanou moonsoi! Okou Sion, pampiau no ra bolos matangil am potonowo' noyo tanou moonsoi! Pampiau no am pai' kalaa'. Balai' noyo bandar-bandar giu' ra Jiuda ra i Aki Kapuuno' nilo matong!

JISAYA 52:7

Mapara' piboo bonsoi magilong ra ratangan ru ulun sinusub; mugar io mansail ra kagunungan am magibit ra tanou moonsoi, tanou pababansayan, tanou pamayagan ra tayar Sion; kono, “I Aki Kapuuno' muno Raja'!”

JISAYA 57:19

Pababansayan pataakon Ku ra ngaangai' ulun, io pana mamaar kapoam maalur! Babason Ku ulun Kuno.

JISAYA 61:1

Kuasa' ru Tuhan Ondo' Masawat Kaga' soroi raki'; Io nampili' raki' am nanusub raki' koson mapatanou ra tanou moonsoi ra ulun musikin, koson mapatapuli' ra ulun natutuk guang, koson mapatanou ra ulun rinakop ra ilo palabuson mataki', am ra ulun-ulun ralalom ru pangaputan ra paingkualon ilo.

JIRIMIA 23:32

Aku, Tuhan minindagu; rongogo' noyo! Anggalon Ku nabi-nabi ondo' nampasaboi ra inupi ondo' nakai' ra abau. Nantunung ilo ra inupi-inupi am nampalayau ra ulun Kuno ra abau am ragu lumimbau nilo. Kalo nanusub kapoam nangani' ra susuban ra nabi-nabi no. Ilo topot-topot kolondo' onong ra ulun Kuno. Aku, Tuhan, nakaindagu noyo.”

NAGUM 1:15

Ilai', sangulun sinusub matong mansail ra gunung-gunung koson mampasaboi ra tanou moonsoi. Matong io koson mampatanou ra kamanangan! Mamagun kau ngai' ru Jiuda, pangiantak kano ra pangiantakan min am suguto' noyo nazar ondo' binantu' min ri Aki Kapuuno'. Ulun malaat totopot kalo boo mamulunsar ra pagun min. Pinuso ilo noyo ra malingon.

MATIUS 9:38

Pakiasi' kano ra tatangan ru kumoson no maa' raginio manusub io ra ulun mangkumos ra tinanom nano.”

LUKAS 10:1

Pampili' boo i Jisus ra tulu' ngoopor am ruo ngaulun poyo maamaya'. Susubo' No ilo tumaruo sumigulu intor Riso mongoi ra moonong bandar am intok apitan Nano.

LUKAS 2:10

Kaa' indagu malaikat no, “Pai' kalaa'! Aku ti minatong nagibit ra tanou moonsoi ramuyun. Tanou ragitio mampakaansuk ra ngaangai' ulun.

LUKAS 2:14

“Koompor toojo inggalan ri Aki Kapuuno' giu' ra rasawat! Am giti ra tana', kaansayan pataakin noyo risilo ondo' mapabansuk ra guang ru Tuhan!”

LUKAS 8:1

Kalo nabuoi ragili, mugar-ugar i Jisus ra masuang bandar am pamagunan. Nampabala' Io ra Tanou Moonsoi ra i Aki Kapuuno' tumalimpuun noyo mamarinta. Mopor am ruo ngaulun maamaya' Nali minaya' niayuk Riso.

JUANIS 20:21

Indagu poyo i Jisus risilo, “Kaansayan ramuyun. Koson ri Ama' nanusub Raki', Aku pana manusub ramuyun.”

RINALATAN 10:36

Nakapandai kau noyo ra bala' ondo' pinasaboi ri Aki Kapuuno' ra bansa' ru Israil. Ginio noyo Tanou Moonsoi intor ra pabansayan ralalom inggalan ri Jisus Kristus, Tuhan ru ngaangai' ulun.

RINALATAN 13:26

Pabukat kau ngaangai', papag ri Abragam am niayuk ngaangai' sala' ka Jaudi ondo' sumamba ri Aki Kapuuno'; itakau no napasabayan ra Tanou pamayagan no.

RINALATAN 22:21

Kaa' indagu poyo Tuhan i raki', ‘Ugar no, sabap ra Aku noyo mopoongoi rirun ra intok maalur, mongoi ra ulun ondo' sala' ka Jaudi.’ ”

RINALATAN 9:15

Kaa' indagu Tuhan no riso, “Ugar no, sabap ra io pinili' Ku mangandoi Raki', koson mampasaboi ra tanou intor Raki' ra ngaangai' bansa' ondo' sala' ka Jaudi am raja'-raja' am niayuk ulun ru Israil.

ROMA 1:15

Ginio ra aku gumogot mampasaboi ra Tanou Moonsoi ramuyun ondo' mamagun ra bandar Roma.

ROMA 15:20

Moogot aku mampabala' ra Tanou Moonsoi ra intok ru ulun ondo' kalo igondo' nakaining ra tanou ri Kristus. Maa' raginio, sala' ka manunggul aku ra kandoi ondo' tinalimpuunan ru ulun ra bokon.

IPISUS 2:17

Ginio boo i Kristus minatong am pampasaboi ra Tanou Moonsoi ondo' magibit ra pabansayan ra ngaangai' ulun; ioginio akau ulun sala' ka Jaudi, ondo' gili maalur intor ri Aki Kapuuno', am niayuk ra ulun ru Jaudi, ondo' gili mamaar ri Aki Kapuuno'.

IPISUS 3:8

Sotopot no, kabalu' pana ra aku ti nakatauli intor ra ngaangai' ulun ri Aki Kapuuno', kaa' inanian aku niayuk ri Aki Kapuuno' ra kandoi mampasaboi ra ulun sala ka Jaudi ra Tanou Moonsoi intor ra kalangkayaan ri Kristus ondo' kalo noyo mauntob.

IPISUS 6:15

Am poyo kapiratan ru guang mino mampabala' ra Tanou Moonsoi ondo' magibit ra pabansayan ti, koson ra kasut min.

1 PITRUS 1:12

Pinaintalang noyo ra nabi-nabi ra atan ondo' kinandoi nilai i, sala' ka kaatangan nilo galama' ayuk, kaa' sotopot no akau. Am ondo' pinabala' nilo ragili, mogondo' niayuk ra atan ondo' pinabala' toojo ramuyun ra raino ti ru ilo ondo' mampasaboi ra Tanou Moonsoi intor ri Jisus Kristus. Kandoi nilo ragitio mansail ra kuasa' ru Ambiluo ri Aki Kapuuno' ondo' inataran intor ra suruga'. Am malaikat-malaikat pana mompogogot niayuk toojo mintutun ra baal-baal ragitio.