ROMA 1:9 - Tanou Moonsoi Timugon

^9-10 I Aki Kapuuno' noyo sasi' ra atan ondo' raguon kutu motopot. Io no i Aki Kapuuno' ondo' pangandayan kuno ra sotopot-topot ru guang ra mampasaboi ra Tanou Moonsoi intor ra Anak Nano. Moonong ra aku makiasi' karaan takamin am makitaak ri Aki Kapuuno' ra poongoyon No aku ramuyun maya' ra kasagaan Nano.

ROMA 1:9 ပူးပေါင်းရင်းမြစ်များ

AYUP 16:19

Mokoondo' Manaung raki' giu' ra suruga' ondo' mangani' ra sasi' ra kolondo' tula kuno.

MARKUS 1:1

Gitio noyo talimpuun Tanou Moonsoi, i Jisus Kristus, Anak ri Aki Kapuuno'.

LUKAS 18:1

Pantunung boo i Jisus ra abig ragitio koson mangila' ra maamaya' Nano maa' raginio kalo lumonggo' makiasi'.

RINALATAN 12:5

Ginio noyo ra i Pitrus inaput ra lamin pangaputan; kaa' pasimpungan ulun Kristian nakiasi' toojo ri Aki Kapuuno' koson riso.

RINALATAN 19:21

Kasauk ayuk ngaangai' raginio, makaguang i Paulus mongoi ra Jirusalim mansail ra Makidonia am Akaya, kono, “Mopongo aku mongoi ra giu', musiti' aku mongoi niayuk ra Roma.”

RINALATAN 24:14

Mangiou aku rirun: Sumamba aku ri Aki Kapuuno' ru kinamatuaan mai maya' ra pangilaan ri Jisus, ondo' karaan nilo ra kalo motopot. Kaa' lakat aku ayuk poyo mangintopot ra ngaangai' ondo' tinulisan ra Ukum ri Musa am Kitab ru Nabi-Nabi.

RINALATAN 27:23

Sabap ra mokoondo' malaikat minatong raki' ra rondom i. Sinusub io ri Aki Kapuuno' ondo' sambaan kuno am ondo' masalok sumimpung raki'.

RINALATAN 3:26

Ginio sabap ri Aki Kapuuno' nampili' am nanusub ra Ulipon Nano matong ramuyun galing koson mambarakat Io no ramuyun. Binaal No ginio koson akau ngaangai' tumalikur intor kiralan ru bayag min ra malaat.”

ROMA 9:1

Ondo' raguon kutu motopot; siminimpung aku ri Kristus am kalo magabau aku. Bolos ru guang kuno ondo' kinuasa' ru Ambiluo ri Aki Kapuuno' mampainono' ra kalo magabau aku.

2 KORINTUS 1:23

I Aki Kapuuno' noyo toojo sasi' kuno am makapandai Io ra ngaangai' suang ru guang kuno! Kalo nasugut ku mongoi ra Korintus, sabap ra makara' ku ginio mampakaruol ra guang min.

2 KORINTUS 11:31

I Aki Kapuuno', Ama' ru Tuhan Jisus, nakapandai ra kalo magabau aku. Koompor inggalan Nano ra sabuoi-buoi no.

GALATIA 1:20

Atan ondo' tinulisan ku ragitio motopot. I Aki Kapuuno' nakapandai ra kalo magabau aku.

IPISUS 6:18

Pakayo' kuliamos ru saujor ti mabaya' ra pakiasian, koson makiindangan ri Aki Kapuuno'. Kasalok kano pakiasi' maya' ra paningganayan ru Ambiluo ri Aki Kapuuno'. Ilalai', pai' pombolong am kalo langgain pakiasian min. Kasalok kano pakiasi' ri Aki Kapuuno' ra ngaangai' ulun Nano.

PILIPI 1:3

Moonong aku mangkara' ramuyun, paringkuanangan paraguon kuno ri Aki Kapuuno'.

PILIPI 1:4

Am moonong aku makiasi' ri Aki Kapuuno' ramuyun, pakiasian kuno mabaya' ra guang makaansuk.

PILIPI 2:22

Akau galama' nakapandai noyo ra kinoonsoi ru paliso ri Timotius ti, koson ra sangulun anak mabaya' ra ama', nangindangan io raki' mampasaboi ra Tanou Moonsoi ri Aki Kapuuno'.

PILIPI 3:3

Sotopot no itakau noyo ondo' makaulig ri Aki Kapuuno' sala' ka ilo, sabap ra itakau ti ondo' sumamba ri Aki Kapuuno' maya' ra indangan ru Ambiluo Nano galama'. Am itakau niayuk maringkuanang sabap ra nakasimpung noyo ri Jisus Kristus. Intor raginio kalo boo malansan takau ra kaulayan ondo' binaal ayuk ru ulun.

1 TISALONIKA 1:2

Masalok akai maringkuanang ri Aki Kapuuno' sabap ra akau ngai' am masalok niayuk mangkara' ramuyun ralalom pakiasian mai.

1 TISALONIKA 3:10

Orou rondom akai makiasi' mabaya' ra kinapirot ru guang mai, koson makapantuum takau poyo am makapampasingkot akai poyo ra atan ondo' kalo poyo naila' ramuyun intor ra pangintapatan min ri Kristus.

1 TISALONIKA 5:17

am pakiasi'.

1 TIMOTIUS 2:7

Am ginio nai ra aku ti pinasauk ra rasul am mangingila' ra tayar ru ulun sala' ka Jaudi, koson mampatanou ra pangintapatan ondo' motopot. Am motopot ngaangai' rinagu kutu, pai' ru magabau aku.

2 TIMOTIUS 1:3

Maringkuanang aku ri Aki Kapuuno' ondo' sinugut kuno mabaya' ra guang mapasau, mogondo' ra kinamatuaan kuno. Orou-rondom niayuk masalok aku mangkara' rirun ralalom moonong pakiasian kuno.

PILIMON 1:4

Masalok ra aku makiasi' am mangkara' rirun, maringkuanang aku ri Aki Kapuuno'.

1 SAMUIL 12:23

Ra aku ti, makatula aku ra Tuhan amon ru kalo makiasi' aku ra tayar mino; gama' ru painggaluron ru Tuhan tula no intor raki'. Kaa' marayus aku mangila' ramuyun ra baal ondo' mongoonsoi am ondo' mongotopot.