ROMA 1:7 - Tanou Moonsoi Timugon

⁷ Ginio ra nanulis aku ra surat ti ramuyun ngaangai' ra Roma ondo' tagamin ri Aki Kapuuno' am ondo' piniau noyo masauk ra ulun Nano. Gama' ru Ama' takau i Aki Kapuuno' am i Tuhan Jisus Kristus manaak ramuyun ra barakat am pabansayan.

ROMA 1:7 ပူးပေါင်းရင်းမြစ်များ

MAZMUR 60:5

Okou nangkinibit ra ulun Muno naimbolo' toojo, suku' akai kakasumpil koson ra nagauk.

RIMBAI PANGAMPARAN 5:1

Matong aku ra intok pagitatanaman kuno, alii ra ambai am uoton kuno, manimung aku ra mur am apa' pampagamis ra akanon kuno; mangkan aku ra ruu' ru maningot am tambaloi nano, manginum aku ra gatas am wain kuno. Pangakan kau, rangan ku ngai', am panginum kau saboi kau magauk ra laai.

UNTABAN 6:25

Gama' ru moonsoi guang am mataau guang ru Tuhan ramuyun.

MATIUS 5:16

Koson raginio niayuk boo ra lampung mino musiti' manilau ra saang ru ulun, maa' raginio makakito ilo ra baal moonsoi mino am mongompor ri Ama' mino giu' ra suruga'.”

JUANIS 20:17

Kaa' indagu i Jisus riso, “Pai' Aku guuto'! Sabap ra kalo poyo nokoongoi Aku ri Ama'. Kaa' ongoi no ra maamaya' Kuno am balai' ilo ra raino sumaguli' Aku ri Ama' Kuno am i Ama' min, ioginio i Aki Kapuuno' Kuno am i Aki Kapuuno' min.”

RINALATAN 15:23

Mokoondo' surat pinaaya' nilai ondo' suang nali koson raginio; “Pabukat kau ngaangai' ondo' sala' ka Jaudi, ondo' mayan ra Antiokia, Siria am Kilikia. Kaansayan intor ramon, rasul-rasul, tingganai am ngaangai' pasimpungan ulun Kristian ragiti.

RINALATAN 9:13

Kaa' taam i Ananias, “Tuhan, nokorongog aku no intor ra ulun masuang ra kalaatan ondo' binaal ru ulun ti ra ulun Muno giu' ra Jirusalim.

ROMA 1:6

Akau pana ondo' soroi ra Roma piniau niayuk ri Aki Kapuuno' masauk ra ulun mangintopot ri Jisus Kristus.

ROMA 5:1

Raino itakau mobonsoi saguli' ri Aki Kapuuno' sabap ra pangintapatan takau Riso am makapabansayan noyo Riso ralalom ru Tuhan takau, i Jisus Kristus.

ROMA 5:5

Am kalansanan raginio kalo mangkinibit ritakau mangkaus, sabap ra nanaak noyo i Aki Kapuuno' ritakau ra Ambiluo Nano ondo' mampakito ritakau ra togom ri Aki Kapuuno'.

ROMA 8:28

Mapandayan takau ra ralalom ru ngaangai' baal manangampos i Aki Kapuuno' ra moonsoi risilo ondo' motogom Riso am ondo' piniau Nano maya' ra inatangan Nano galama'.

ROMA 9:25

Gitio kon ri Aki Kapuuno' ra Kitab ru Nabi Gosia; “Ulun ondo' sala' ka ulun Kuno, sabiton Ku ‘Ulun Kuno’. Am ulun ondo' kalo tagamin Kuno, sabiton Ku ‘Ulun tagamin Kuno’.

1 KORINTUS 1:24

Tanou raginio ralan ri Aki Kapuuno' mampakito ra kuasa' am kapintaran Nano risilo ondo' mangintopot Riso – iou pana ulun ru Jaudi kapoam sala' ka Jaudi.

1 KORINTUS 16:23

Gama' ru Tuhan takau i Jisus Kristus mambarakat ramuyun.

GALATIA 6:18

Gama' ru Tuhan takau i Jisus Kristus masalok mambarakat ramuyun ngai'. Amin.

IPISUS 1:2

Gama' ru i Aki Kapuuno', Ama' takau, am niayuk Tuhan Jisus Kristus, manaak ramuyun ra barakat am pabansayan.

IPISUS 6:23

Gama' ru i Aki Kapuuno', Ama' takau, am i Tuhan Jisus Kristus mangani' ra pabansayan, togom am pangintapatan ra ngaangai' pabukat Kristian.

SAGULION 33:12

Intor ra bansa' ru Binjamin, indagu io, “Gitio noyo bansa' ondo' tagamin am sindungin ru Tuhan; magalung Io risilo ra tutukir paat, minayan Io ra tatanga' nilo.

PILIPI 1:2

Gama' ru i Aki Kapuuno', Ama' takau am Tuhan Jisus Kristus mangani' ramuyun ra barakat am kaansayan.

PILIPI 4:13

Am ngaangai' maalap ku kabaal ralalom ri Kristus ondo' mangani' raki' ra kaikangan.

PILIPI 4:20

Koompor noyo i Aki Kapuuno', Ama' takau suku' ra sabuoi-buoi no! Amin.

PILIPI 4:23

Gama' ru Tuhan Jisus Kristus mambarakat ramuyun ngaangai'.

KOLOSI 1:2

Gitio posoboyon ku ra ulun ri Aki Kapuuno' ondo' masisimpung ri Kristus giu' ra bandar Kolosi. Gama' ru i Aki Kapuuno', Ama' takau, manaak ramuyun ra barakat am pabansayan.

KOLOSI 3:12

Akau nakasimpung noyo ri Aki Kapuuno', nampili' Io no ramuyun am monogom Io ramuyun. Ginio nai ra pakitono' min noyo togom min, bonsoi ru guang min, inggana' ru guang min, kinolomoi ru guang min am poyo kinataan ru guang mino.

KOLOSI 3:15

Pobobonsoi kano ra rondo' am bokon ralalom ra pasimpungan ulun Kristian, maya' ra pabansayan ondo' tinaakan ri Kristus ramuyun, sabap ra gitio noyo pampiawan ri Aki Kapuuno' ramuyun. Kasalok kano maringkuanang.

1 TISALONIKA 1:1

Aku i Paulus, mabaya' ri Silas am i Timotius. Surat ti posoboyon ra pasimpungan ulun Kristian ra bandar Tisalonika, ulun kau ri Aki Kapuuno', i Ama', am poyo ulun kau ru Tuhan Jisus Kristus: Gama' ru i Aki Kapuuno' manaak ramuyun ra barakat am pabansayan.

1 TISALONIKA 1:3

Makara' mai ralalom pakiasian mai ri Aki Kapuuno', Ama' takau, ati kulaan akau mangintopot ri Kristus, motogom kau ra ulun bokon suku' mapirot toojo mangindangan risilo am poyo maikang lansan mino ra Tuhan takau i Jisus Kristus.

1 TISALONIKA 1:4

Pabukat kau ngai' ra Kristian, nakapandai akai ra motogom i Aki Kapuuno' ramuyun am nampili' ramuyun masauk ra ulun Nano.

1 TISALONIKA 4:7

Kalo piniau takau ri Aki Kapuuno' koson maayag ra pansasawaan, kaa' koson maayag ra mapasau.

1 TISALONIKA 5:28

Gama' ru Tuhan takau i Jisus Kristus mambarakat ramuyun.

2 TISALONIKA 1:2

Gama' ru i Aki Kapuuno', Ama' takau am i Tuhan Jisus Kristus manaak ramuyun ra barakat am pabansayan.

2 TISALONIKA 3:16

Gama' ru Tuhan noyo galama', ondo' puun ru pabansayan, masalok manaak ramuyun ra pabansayan Nano ralalom ru ngaangai' baal. Gama' ru Tuhan mabaya' ramuyun ngai'.

2 TISALONIKA 3:18

Gama' ru Jisus Kristus, Tuhan takau mambarakat ramuyun ngaangai'.

1 TIMOTIUS 1:2

Timotius, pinakaanak tokou sabap ra pangintapatan muno ri Kristus. Gama' ru i Aki Kapuuno', Ama' takau, am i Jisus Kristus, Tuhan takau manaak rirun ra barakat, asi' am pabansayan.

1 TIMOTIUS 6:2

Ulipon ondo' makatuan ra Kristian, pai' min karaa' ra pabukatan min ra Kristian sasaban ra kalo mangurumat ra tuan mino. Kaa' sotopot no, pasingkoton poyo kinoonsoi ru kandoi min risilo, sabap ra tuan ondo' mokoowot ra ampos ru kandoi min, pabukat poyo ra Kristian ondo' tagamin. Musiti' ilaan am pabalaan mu toojo ngaangai' tinulisan kuno rirun.

2 TIMOTIUS 1:2

Timotius, ondo' tagamin kuno: Gama' ru i Aki Kapuuno', Ama' takau am i Jisus Kristus, Tuhan takau manaak rirun ra barakat, asi' am pabansayan.

2 TIMOTIUS 4:22

Gama' ru Tuhan mabaya' rirun. Gama' ru i Aki Kapuuno' mambarakat ramuyun ngaangai'.

TITUS 1:4

Titus, pinakaanak tokou niayuk sabap ra mogondo' ayuk pangintapatan tati. Gama' ru i Aki Kapuuno', Ama' takau am i Jisus Kristus, Mamamayag takau, manaak rirun ra barakat am pabansayan Nano.

PILIMON 1:25

Gama' ru Tuhan Jisus Kristus mambarakat ramuyun ngaangai'.

PILIMON 1:3

Gama' ru i Aki Kapuuno', Ama' takau am Tuhan Jisus Kristus manaak ramuyun ra barakat am pabansayan.

JAKUBUS 1:1

Aku i Jakubus, sangulun ulipon ri Aki Kapuuno' am niayuk ulipon ru Tuhan Jisus Kristus. Kaansayan ku ra ngaangai' ulun ri Aki Kapuuno' ondo' soroi ra titikop ru tana' ti.

1 PITRUS 1:15

Sotopot no, kaayag kano ra mapasau ralalom ngaangai' baalon mino, koson i Aki Kapuuno' ondo' nampiau ramuyun no mapasau.

1 JUANIS 3:1

Ilai'! Mumpara' piboo gayo ru togom ri Ama' saboi piawon takau ra anak ri Aki Kapuuno'. Am sotopot no, itakau ti anak ri Aki Kapuuno'. Ginio sabap ra ulun ru tana' ti kalo makaulig ritakau, sabap ra kalo makaulig ilo ri Aki Kapuuno'.

2 JUANIS 1:3

Gama' ru Ama' takau, i Aki Kapuuno', am Anak Nano i Jisus Kristus manaak ritakau ra barakat, asi' am pabansayan: Gama' ru ngaangai' ragitio maapu takau ra guang motopot am motogom.

PINAINTALANG 2:1

“Tulisi' koson ragitio ra malaikat ru pasimpungan ulun Kristian ra bandar Ipisus: Gitio noyo bilin intor Riso ondo' mampaguut ra tulu' butitin ra kalindu' pamiris Nano, ondo' mugar ra tatanga' ru tulu' tampakan ra lampung mas.

PINAINTALANG 2:12

“Tulisi' koson ragitio ra malaikat ru pasimpungan ulun Kristian ra bandar Pirgamum: “Gitio noyo bilin intor Riso ondo' makailang ruo larom.

PINAINTALANG 2:18

“Tulisi' koson ragitio ra malaikat ru pasimpungan ulun Kristian ra bandar Tiatira: “Gitio noyo bilin intor ra Anak ri Aki Kapuuno', ondo' mato Nano mapaang koson ra apui am kalayam Nano makabinusasal koson ra gangsa' ondo' manguliat.

PINAINTALANG 2:29

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no!”

PINAINTALANG 2:8

“Tulisi' koson ragitio ra malaikat ru pasimpungan ulun Kristian ra bandar Simirna: Gitio noyo bilin intor Riso ondo' talimpuun am pupus, ondo' minatoi am naayag saguli'.

PINAINTALANG 22:21

Gama' ru Tuhan Jisus mambarakat ra ngaangai' ulun.

PINAINTALANG 3:14

“Tulisi' koson ragitio ra malaikat ru pasimpungan ulun Kristian ra bandar Laodikia: “Gitio noyo bilin intor Riso ondo' sabiton ra Amin, ioginio sasi' ondo' malansanan am motopot, Io no puun ru ngaangai' ondo' sinauk ri Aki Kapuuno'.

PINAINTALANG 3:22

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no!”

PINAINTALANG 3:7

“Tulisi' koson ragitio ra malaikat ru pasimpungan ulun Kristian giu' ra bandar Piladilpia: “Gitio noyo bilin intor Riso ondo' matulai am motopot, am kunsi' ru raja' Daut soroi Riso; paat ra ukabin No kulobon no, angabin ru osoi ayuk pana kalo maangaban, am paat ra angabin No, ukabin ru osoi ayuk pana kalo maukaban.