ROMA 1:3 - Tanou Moonsoi Timugon

³ Tanou Moonsoi no mantunung ra baal ru Anak ri Aki Kapuuno', ioginio Tuhan takau i Jisus Kristus. Maya' ra papag Nano ra tana' ti, Io no sangulun anak ru raja' Daut;

ROMA 1:3 ပူးပေါင်းရင်းမြစ်များ

KASAUKAN 3:15

Okou am ruandu' raginio mansisang, papag nano am papag muno magail mantutula'. Papag nano mamabak ra ulu muno am okou maninduk ra tunob nilono.”

MAZMUR 2:7

Indagu raja', “Potonowon ku atan ondo' pinabala' ru Tuhan. Minindagu Io raki', ‘Okou noyo anak Kuno; paat ra orou raiti' masauk Aku ra Ama' muno.

JIRIMIA 33:26

Koson ra baal raginio kalo masulang, koson niayuk ra nabantuan Kuno ra papag ri Jakub am ulipon Kuno i Daut, kalo masulang. Pilion Kuno sangulun intor ra papag ri Daut koson mamarinta ra papag ri Abragam, i Isak am i Jakub. Makaasi' Aku ra ulun Kuno am mapasauk risilo ra langkaya' saguli'.”

AMOS 9:11

Indagu Tuhan, “Masaboi paat no ra Aku mapatapuli' ra pamarintaan ri Daut. Raino pamarintaan raginio nasauk koson ra baloi ondo' natuyas. Punaan Ku timbok nano am baalon sagulio' saboi masauk koson ra galing i.

MATIUS 1:1

Gitio noyo suang ru papag ri Jisus Kristus. I Jisus no papag ru raja' Daut, am i Daut papag ri Abragam. Intor ri Abragam suku' ri Daut gitio noyo inggalan ru kinamatuaan ri Jisus:

MATIUS 1:16

i Jakub ama' ri Jusup, ralaki ri Maria. I Maria ti noyo naganak ri Jisus ondo' piawon ri Kristus.

MATIUS 1:6

i Isai ama' ru raja' Daut. Intor ri Daut suku' ulun ru Israil inulipon ra pagun ru Babil, gitio noyo inggalan ru kinamatuaan no: I Daut ama' ri Salomo (ina' ri Salomo ti andu' galing ri Uria);

MATIUS 12:23

Ngaangai' ulun nangimuag. Pangkuot ilo, “Maaru' lair Io ti Anak ru raja' Daut ondo' pinili' i?”

MATIUS 15:22

Mokoondo' sangulun ruandu' intor ra bansa' ru Kanaan minayan ra intok raginio. Minatong ruandu' no ri Jisus am indagu, “Tuan, Anak ru raja' Daut, pakaasi' no raki'! Anak ruandu' kuno sinubol ru riwato am makalalaa' baal nano.”

MATIUS 26:63

Nongkoror ayuk i Jisus. Igondo' poyo Tingganai Maayo Imam Jaudi ti mangkuot Riso, “Ralalom inggalan ri Aki Kapuuno' ondo' naayag, balai' akai, Okou kia Mamamayag ondo' sinusub ri Aki Kapuuno', ioginio Anak ri Aki Kapuuno'?”

MATIUS 27:43

Io ti malansan ri Aki Kapuuno' am rokoon no, ‘Anak Aku ri Aki Kapuuno'’. Moonsoi ilai' takau bayagon Io nua' ri Aki Kapuuno' raino.”

MATIUS 3:17

Maining boo bolos intor ra limbowon minindagu, “Gitio noyo Anak Kutu ondo' tagamin Kuno. Maansayan Aku Riso.”

MATIUS 9:27

Iruani' ri Jisus intok raginio. Tatanga' ra Io nangkiralan, mokoondo' ruo ngaulun bolou siminunu' Riso. Golok ilo, “Anak ru raja' Daut, pakaasi' no ramon.”

LUKAS 1:35

Taam malaikat no, “Matong Ambiluo ri Aki Kapuuno' rirun am kuasa' ri Aki Kapuuno' sumoroi rirun. Ginio sabap ra anak ondo' anakon muno sabiton Anak ri Aki Kapuuno' ondo' matulai.

LUKAS 1:69

Nanusub Io ra Mamamayag ondo' maikang matong ritakau, intor ra papag ru raja' Daut, ulipon Nali.

JUANIS 1:14

Ragu no nasauk ra ulun am minayan Io ritakau. Nakito takau noyo ra Io matulai toojo, sabap ra Io no rorondo' Anak Langkuir ri Ama'. Ralalom inggalan Nano i Aki Kapuuno' galama' am togom Nano pinakito ritakau.

JUANIS 1:34

Aku galama' nakakito ra nasauk ti, ginio ra mampaintutun aku toojo ramuyun: Gitio noyo Anak ri Aki Kapuuno'.”

JUANIS 1:49

Indagu i Natanil, “Mangingila', Okou no Anak ri Aki Kapuuno' am raja' ru ulun ru Israil!”

JUANIS 10:30

Aku am i Ama' no rondo' ayuk.”

JUANIS 10:36

Aku pinili' am sinusub ri Ama' matong ra tana' ti. Kua indagu kau ra magasab Aku ri Aki Kapuuno' ra ragu Kuli, ‘Aku ti Anak ri Aki Kapuuno'’?

JUANIS 20:28

Indagu i Tomas ri Jisus, “Okou no Tuhan kuno am i Aki Kapuuno' kuno.”

JUANIS 20:31

Kaa' ngaangai' ti tinulisan noyo, maa' raginio mangintopot kau ri Jisus noyo Mamamayag ondo' sinusub ri Aki Kapuuno' i, ioginio Anak ri Aki Kapuuno'. Sabap ra pangintapatan mino Riso, mokoowot kau ra kaayagan motopot.

JUANIS 5:25

Balain takamin toojo: Paat no masuku', am sotopot no nasuku' noyo, ra ulun minatoi pana makapangkirongog ra bolos ru Anak ri Aki Kapuuno', am osoi ayuk mangkirongog am gumagaya', maayag io.

JUANIS 7:42

Tinulisan noyo ra Buuk Kitab ra: ‘Mamamayag ondo' sinusub ri Aki Kapuuno' intor ra papag ri Daut, am intor Io ra pamagunan Bitligim, intok ri Daut ragili.’ ”

RINALATAN 2:30

I Aki Kapuuno' nambantu' noyo ri Daut nabaya' ra ibot ra sangulun intor ra papag ri Daut saukon ra raja' koson ri Daut galama'. Nakapandai i Daut raginio sabap ra io sangulun nabi niayuk,

RINALATAN 3:13

I Aki Kapuuno' ondo' sambaan ri Abragam, Isak am Jakub, am kinamatuaan takali, nampatulai noyo ra Ulipon Nano, i Jisus. I Jisus noyo ondo' pinataak min ra kuasa' ru parinta min, am kalo inapu min Io paat Io inibit ra saang ri Pilatus, kabalu' pana i Pilatus makaguang mampalabus Riso.

RINALATAN 8:36

Paat ra ilo nanunggul ra pangkiralanan nilai, pakasuku' ilo ra intok makatimug. Indagu pagawai no, “Ilai', giti makatimug. Atan poyo manginga' raki' ra aku riwon?” [

RINALATAN 9:20

Minongoi io ra ngaangai' baloi sambayangan ra giu' i am timinalimpuun mampatanou ra i Jisus i noyo Anak ri Aki Kapuuno'.

ROMA 1:9

I Aki Kapuuno' noyo sasi' ra atan ondo' raguon kutu motopot. Io no i Aki Kapuuno' ondo' pangandayan kuno ra sotopot-topot ru guang ra mampasaboi ra Tanou Moonsoi intor ra Anak Nano. Moonong ra aku makiasi' karaan takamin am makitaak ri Aki Kapuuno' ra poongoyon No aku ramuyun maya' ra kasagaan Nano.

ROMA 4:1

Amon ru ginio poyo, atan boo paraguon takau intor ra nailian ri Abragam, kinamatuaan takali?

ROMA 9:3

mangkara' ra pabukat-pabukat kuno, ioginio bansa' kuno galama'. Gama' ru makapangindangan aku risilo, amon ru kitaakon tumampos aku ukumin ri Aki Kapuuno' am patuliaron intor ri Kristus.

ROMA 9:5

Ilo ti papag ru kinamatuaan takali ra nauligan, am intor ra papag ri Kristus ra ulun no, inanak Io sangulun Israil. Gama' ru i Aki Kapuuno' ondo' manguasa' ra ngaangai', omporon ra sabuoi-buoi no. Amin.

1 KORINTUS 1:9

I Aki Kapuuno' no kalansanin toojo. Io no ondo' nampiau ramuyun koson masimpung ra Anak Nano, i Jisus Kristus, Tuhan takau.

1 KORINTUS 10:18

Ilai' min ulun ru Jaudi: Ilo ondo' mangakan ra santayaran ru akanon ondo' pinabandai ra rasawat ru altar, makapagagapu am sumamba niayuk ri Aki Kapuuno'.

GALATIA 4:4

Kaa' paat ra nasuku' nangaruan Nali, nangator i Aki Kapuuno' ra Anak Nano galama'. Io ti inanak ru sangulun ruandu' am giminagaya' Io niayuk ra Ukum ri Musa,

1 TISALONIKA 1:10

Am ati kulaan maginaa kau ra ratangan ru Anak Nano intor ra suruga', Io ondo' binayag saguli' intor ra kapatayan. Io no i Jisus Kristus ondo' mampalabus ritakau intor ra sangit am ukum ondo' matong no.

1 TIMOTIUS 2:5

Sabap ra rorondo' ayuk i Aki Kapuuno' am rondo' niayuk ondo' mompobonsoi ritakau ri Aki Kapuuno', iono i Jisus Kristus, ondo' nasauk ra ulun.

1 TIMOTIUS 3:16

Kolondo' sangulun pana makapagali' ra mumpara' boo bonsoi ru pangilaan motopot ondo' kalo igondo' pinabala' i, ioginio: Minintalang i Jisus Kristus am nasauk ra ulun, iniou Io ru Ambiluo ri Aki Kapuuno', nakito Io ru malaikat-malaikat. Pinatanou Io ra ngaangai' bansa', inintopot Io ru ulun ra ngaangai' libung ru tana' ti, am kinayang Io minuli' ra katulayan ru suruga'.

2 TIMOTIUS 2:8

Karaa' noyo i Jisus Kristus, anak ru raja' Daut ondo' binayag noyo saguli' intor ra kapatayan. Ginio inila' ku ra Tanou Moonsoi ondo' pinasaboi kuli.

1 JUANIS 1:3

Atan ondo' nakito am norongog mai, ginio niayuk pabalaan mai ramuyun. Maa' raginio makaaya' kau ramon ra kaayagan moonsoi, masisimpung ri Ama' am Anak Nano, i Jisus Kristus.

1 JUANIS 3:23

Gitio noyo nanusuban Nali, musiti' takau mangintopot ra Anak Nano, i Jisus Kristus, am kotogom takau no ra rondo' am bokon koson ra nanusuban ri Jisus Kristus i ritakau.

1 JUANIS 3:8

Kaa' osoi ayuk marayus mambaal ra tula, io no anak ru Tingganai ru riwato. Sabap ra naintaran noyo ra talimpuun i, Tingganai ru riwato no makatula. Ginio ra Anak ri Aki Kapuuno' riminatong, mongoi pamuso ra kandoi ru Tingganai ru riwato no.

1 JUANIS 4:15

Osoi ayuk mangintopot ri Jisus no Anak ri Aki Kapuuno', i Aki Kapuuno' maayag sumimpung ra ulun no am niayuk ulun no maayag sumimpung ri Aki Kapuuno'.

1 JUANIS 5:1

Ulun ondo' nangintopot ra i Jisus noyo Mamamayag ondo' sinusub ri Aki Kapuuno', io no anak ri Aki Kapuuno'. Ulun ondo' motogom ra sangulun ama', motogom niayuk ra anak nano.

1 JUANIS 5:20

Nakapandai takau ra minatong noyo Anak ri Aki Kapuuno' am nangani' ritakau ra kaintutunan koson makaulig takau ri Aki Kapuuno'. Maayag takau sumimpung ri Aki Kapuuno' am niayuk i Jisus Kristus. Io noyo i Aki Kapuuno' ondo' motopot, am gitio noyo kaayagan motopot am mantilayun.

1 JUANIS 5:5

Osoi kia makaanggal ra kalaatan ru tana' ti? Ilo ayuk ondo' nangintopot ra i Jisus noyo Anak ri Aki Kapuuno'.

2 JUANIS 1:7

Masuang noyo mamparuung ra ulun ra tikop-tikop ru tana' ti. Ilo ti ulun ondo' kalo mangintopot ra i Jisus Kristus minatong ra tana' ti siminauk ra ulun. Ulun raginio mamparuung am tumula' ri Jisus Kristus.

PINAINTALANG 2:18

“Tulisi' koson ragitio ra malaikat ru pasimpungan ulun Kristian ra bandar Tiatira: “Gitio noyo bilin intor ra Anak ri Aki Kapuuno', ondo' mato Nano mapaang koson ra apui am kalayam Nano makabinusasal koson ra gangsa' ondo' manguliat.