ROMA 1:28 - Tanou Moonsoi Timugon

²⁸ Sabap ra ulun marara' mangiou ra katapatan ri Aki Kapuuno', pinoloso No pamaguangan nilo lumaat, saboi baalon nilo majaka'.

ROMA 1:28 ပူးပေါင်းရင်းမြစ်များ

KASAUKAN 6:5

Paat nakito ru Tuhan ra mapara' laat ru ulun ru tana' ti am pangkaraan nilo magail malaat.

2 SAMUIL 22:27

Mampakito Kou ra matulai Kou ra ulun ondo' mapasau, kaa' tumula' Kou ra ulun ondo' malaat.

MAZMUR 69:27

Imboloon nilo ulun ondo' inukum Muli; ruangin nilo poyo maruol ru ulun ondo' pinilatan Muli.

AMSAL 1:22

“Alii ra ulun budu! Kula' poyo buoi ra akau masauk ra budu? Kula' poyo buoi ra akau magasab ra katutunan? Sanggilan akau migigila'?

AMSAL 1:29

Akau masisang mintutun ra kapintaran am kalo masaga' gumagaya' ra Tuhan.

AMSAL 1:7

Koson mokoowot ra kaintutunan, pagulu akau musiti' mangurumat am malaa' ra Tuhan. Ulun sasambungon kalo maringkuanang ra kapintaran am marara' ilaan.

AMSAL 17:16

Papalo ayuk ru ulun sasambungon mangai' ra ruit maguyum ra kapintaran, sabap ra iono kolondo' guang.

JIRIMIA 4:22

Indagu Tuhan, “Sasambungon ulun Kuno; kalo makaulig ilo Raki'. Koson ilo ra lalaing sasambungon, kolondo' karatian nilo. Mapandai ilo toojo mambaal ra malaat, kaa' mailo mambaal ra moonsoi.”

JIRIMIA 6:30

Inggalanin ilo ra tatai' basi' kolondo' onong, sabap ra Aku, Tuhan namatir noyo risilo.”

YEHEZKIEL 14:5

Ngaangai' sinungkalalaing no nampainggalur ra ulun ru Israil intor Raki', kaa' taam Kuno malansan Aku manimayo risilo sumaguli' Raki'.’

YEHEZKIEL 20:25

“Kopongo raginio inanian Ku ilo ra ukum ondo' kalo moonsoi am susuban ondo' kalo mangani' ra kaayagan.

GOSIA 4:6

Ulun Kuno mapuso sabap ra marara' ilo mangiou Raki'. Akau, imam-imam, kalo mampalio Raki' am nangimpai ra pangilaan Kuno. Ginio ra Aku pana mangimpai ramuyun am kalo mangiou ra anak-anak mino koson ra imam Kuno.

RINALATAN 17:23

Paat ra aku minugar-ugar ra bandar min ti am minongoi pagilong ra intok sambayangan mino, mokoondo' tinulisan nauma' ku ra rondo' panimbaluyan ra taak mino, ioginio: ‘Intok sambaan ri Aki Kapuuno' Ondo' Kalo Nauligan’. Kabalu' pana kalo nauligan min ondo' sambaan min ti, kaa' ginio noyo ondo' raino pabalaan kuno ramuyun.

RINALATAN 17:32

Paat ra ilo nakaining ri Paulus minindagu ra ulun matoi maayag saguli' intor ra kapatayan, kuriti' io boo ru kukula' ngaulun. Kaa' mokoondo' niayuk minindagu ra, “Masaga' akai mangkirongog poyo raginio.”

ROMA 1:18

Intor ra suruga' nampaintalang noyo i Aki Kapuuno' ra sangit am ukum Nano ra ngaangai' tula am kalaatan ru ulun, sabap raginio mongompong ra ulun mintutun ra pangilaan motopot intor ri Aki Kapuuno'.

ROMA 1:21

Kabalu' pana nakatutun ilo ri Aki Kapuuno', kalo mangurumat kapoam maringkuanang ilo Riso. Kaa' pamaguangan nilo kolondo' onong am guang nilo ra jajajou no liminondom.

ROMA 1:24

Ginio sabap ra pinoloso ilo ri Aki Kapuuno' mambaal ra kinibit ru guang nilo ra majaka' saboi babaal nilo ra rondo' am bokon makauyuyu'.

ROMA 1:26

Sabap ra pinoloso ilo ri Aki Kapuuno' sumugut ra kinibit ru guang majaka' ti. Ruandu'-ruandu' no kalo boo rumulug ra ungkuyon koson ra kaindalaman, kaa' ilo ti lesbian.

1 KORINTUS 15:34

Tandaa' noyo pangkaraan mino, am pai' boo pambaal ra tula. Sotopot no mauyu' kau ra mokoondo' intor ramuyun ondo' lakat ayuk poyo kalo makaulig ri Aki Kapuuno'.

2 KORINTUS 10:5

am mamuso ra ngaangai' sasaban ondo' manginga' ra ulun kalo makaulig ri Aki Kapuuno'. Kulawon mai guang ru ulun, maa' raginio gumagaya' ilo boo ri Kristus.

IPISUS 5:4

Ginio poyo, kalo moonsoi akau manabit ra ragu makauyuyu', sasambungon, kapoam anja' ra jajajou. Kaa' moonsoi ru mindagu kau ayuk ra paringkuanangan ri Aki Kapuuno'.

2 TISALONIKA 1:8

am mabaya' ra simbula' ru apui. Mangukum Io ra ulun ondo' kalo masaga' mintutun ri Aki Kapuuno' am ondo' kalo gumagaya' ra Tanou Moonsoi ri Jisus, Tuhan takau.

2 TIMOTIUS 3:8

Mogondo' ra i Janis am i Jambris minanggal ilo ri Musa ra galing i, koson niayuk ulun raginio manggal ilo ra pangilaan motopot. Kalo matanda' pangkaraan nilo am pangintapatan nilo pana kolondo' onong.

TITUS 1:16

Migiangku ilo ra mangintopot kon ri Aki Kapuuno', kaa' naimumuyan boo intor ra baal nilo ra kalo noyo mangintopot ilo. Mangalaat ilo kaga', kalo gumagaya' ri Aki Kapuuno' am kalo makaangun ra baal moonsoi.

PILIMON 1:8

Kabalu' pana mokoondo' aku ra kuasa' intor ri Jisus Kristus koson manusub rirun ra ati rondo' sotopot no moonsoi baalon muno, kaa' kalo noyo.

2 PITRUS 3:5

Ilo ti sumingon mangimpai ra minimpuun ra bala' ri Aki Kapuuno' noyo limbowon am tana' ti nasauk ra galing i. Sinauk No tana' ti intor ra timug am nagayantanga' poyo ra timug;