ROMA 1:25 - Tanou Moonsoi Timugon

²⁵ Pangilaan motopot intor ri Aki Kapuuno' aligin nilo boo ra abau. Maansayan ilo sumamba am mongompor ra atan ondo' sinauk ri Aki Kapuuno' ka i Aki Kapuuno' galama', ondo' sotopot no omporon ra sabuoi-buoi no! Amin.

ROMA 1:25 ပူးပေါင်းရင်းမြစ်များ

MAZMUR 72:19

Omporo' noyo inggalan Nano ra matulai ra sabuoi-buoi no, gama' ru titikop ru tana' natikop ra katulayan Nano! Amin! Amin!

JISAYA 44:20

Binaal raginio nogondo' ayuk ra mangakan ra kaau. Pangkaraan nano pinalayau saboi kalo boo makaindangan riso. Kalo mangiou io ra sinungkalalaing ra ginuut nano sala' ka tuhan.

JIRIMIA 13:25

Nakaindagu Io noyo ra ginio noyo pupus min. Ginio noyo ondo' inaru' Nano koson baalon ramuyun sabap ra nakalilian kau noyo Riso am mangintopot ra tuhan-tuhan ondo' kalo motopot.

JIRIMIA 16:19

Iou Tuhan, Okou noyo ondo' manindung raki' am mangani' raki' ra kaikangan; Okou noyo mangindangan raki' paat ra kapaganan. Bansa'-bansa' intor ra pompor ru tana' ti am matong Rirun am mindagu, “Kinamatuaan mai mokoondo' ayuk ra tuhan kalo motopot am kolondo' noyo toojo onong.

AMOS 2:4

Indagu Tuhan, “Mamagun ru Jiuda ruruli' noyo makatula, sabap raginio maaru' ukumin Ku ilo. Inanggal nilo susuban Kuno am kalo mampalio ra pangilaan Kuno. Pinalayau ilo ru tuhan-tuhan ra bokon ondo' sambaan ru kinamatuaan nilo.

ABAKUK 2:18

Atan onong ru sinungkalalaing? Sinungkalalaing binaal ayuk ru ulun am ondo' noowot min intor raginio abau ayuk toojo. Atan kia kalabaan ondo' moowot ru ulun nambaal ra sinungkalalaing intor ra sinungkalalaing no? Sinungkalalaing kalo mindagu!

MATIUS 10:37

“Osoi ayuk motogom poyo ra ama' am ina' nano ka Aku kalo sama' io masauk ra maamaya' Kuno. Koson niayuk ra osoi ayuk motogom poyo ra anak ungkuyon kapoam anak ruandu' nano ka Aku kalo sama' io masauk ra maamaya' Kuno.

MATIUS 6:24

“Kolondo' sangulun pana ulipon makapangandoi ra ruo tuan: sangulun kasisangin no am sangulun tagamin no; kapoam gumagaya' io ra sangulun am magasab ra bokon no. Koson niayuk ramuyun ra kalo makapangandoi ri Aki Kapuuno' magampan ra kalangkayaan.

JUANIS 2:8

Indagu boo i Jisus, “Raino suuko' sanganu timug no am pakinami' ra ulun ondo' maatang ra bunsag ragitio.” Ibito' nilo boo timug i riso.

ROMA 1:18

Intor ra suruga' nampaintalang noyo i Aki Kapuuno' ra sangit am ukum Nano ra ngaangai' tula am kalaatan ru ulun, sabap raginio mongompong ra ulun mintutun ra pangilaan motopot intor ri Aki Kapuuno'.

ROMA 1:23

Sala' ka i Aki Kapuuno' ondo' mantilayun sambaan nilo, kaa' sinungkalalaing ondo' tumilu ra ulun mapandai matoi, susuit, bibiag mamuntana' kapoam bibiag manungkama'.

ROMA 9:5

Ilo ti papag ru kinamatuaan takali ra nauligan, am intor ra papag ri Kristus ra ulun no, inanak Io sangulun Israil. Gama' ru i Aki Kapuuno' ondo' manguasa' ra ngaangai', omporon ra sabuoi-buoi no. Amin.

2 KORINTUS 11:31

I Aki Kapuuno', Ama' ru Tuhan Jisus, nakapandai ra kalo magabau aku. Koompor inggalan Nano ra sabuoi-buoi no.

IPISUS 3:21

Koompor noyo Io ra pasimpungan ulun Kristian ralalom inggalan ri Kristus Jisus, suku' ra ati ayuk papag ra sabuoi-buoi no. Amin!

1 TISALONIKA 1:9

Sabap ra ilo galama' mantunung boo ra ati kulaan nangapuan min ramon paat ra akai minongoi ramuyun gili. Mantunung ilo ati kulaan timinalikur kau intor ra sumamba ra sinungkalalaing, am mangandoi boo ri Aki Kapuuno' ondo' maayag am motopot.

1 TIMOTIUS 1:11

ioginio ondo' gumagaya' Tanou Moonsoi intor ri Aki Kapuuno' ondo' matulai am omporon. Tanou ragitio noyo ondo' patanawin raki'.

1 TIMOTIUS 1:17

Io Raja' ra mantilayun, kalo mapuso am poyo kalo maalap kakito, Io no rorondo' ayuk i Aki Kapuuno'. Urumato' am omporo' takau i Aki Kapuuno' ra sabuoi-buoi no. Amin.

2 TIMOTIUS 3:4

Ilo mapandai mamparuung, jajajou am masumbung ayuk. Ilo maansayan ayuk ra katasuan ru kaayagan nilo galama', intor monogom ri Aki Kapuuno'.

1 JUANIS 5:20

Nakapandai takau ra minatong noyo Anak ri Aki Kapuuno' am nangani' ritakau ra kaintutunan koson makaulig takau ri Aki Kapuuno'. Maayag takau sumimpung ri Aki Kapuuno' am niayuk i Jisus Kristus. Io noyo i Aki Kapuuno' ondo' motopot, am gitio noyo kaayagan motopot am mantilayun.