ROMA 1:20 - Tanou Moonsoi Timugon

²⁰ Intor ra tana' ti biningkal, paliso ri Aki Kapuuno' ondo' kalo makito, ioginio ra Io topot-topot i Aki Kapuuno' am kuasa' Nano ra mantilayun, natutunan noyo ru ulun ralalom ru ngaangai' ondo' sinauk Nano. Intor raginio kolondo' sasaban ru ulun.

ROMA 1:20 ပူးပေါင်းရင်းမြစ်များ

KASAUKAN 1:1

Paat ra talimpuun i paat ri Aki Kapuuno' napasauk ra limbowon am namingkal ra tana' ti.

KASAUKAN 21:33

Pantanom boo i Abragam ra puun tamariska ra Birsyiba am intok sambaan nano ra Tuhan i Aki Kapuuno' ondo' mantilayun.

AYUP 12:7

Kuati' susuit am bibiag ra bokon, am akau pana aniin ra pangilaan.

MAZMUR 104:31

Gama' ru katulayan ru Tuhan mantilayun ra sabuoi-buoi no! Gama' ru maansukan Tuhan ra ngaangai' ru binangun Nano!

MAZMUR 104:5

Inatang Mu pioto' tana' ti ra napasanaran nano, saboi kalo boo igogondo' mauyog.

MAZMUR 119:90

Pampagagayaan Muno mantilayun ra sabuoi-buoi no, pinabanta' Mu tana' ti am tana' ti magulayun soroi.

MAZMUR 139:13

Binangun Muno nansalinut tayar ru inan kuno; am tinalur Mu aku ra ralalom ru binunakan ru ina' kuno.

MAZMUR 8:3

rinimbai ru ngaangai' lalaing am lalagang. Karajaan Muno mapanggol kalo mauyog koson mamuso ra ngaangai' pantula' Muno.

MAZMUR 90:2

Kalo poyo sinauk Mu ngaangai' bulur, kalo poyo binangun Mu tana' ti, Okou noyo i Aki Kapuuno' ra mantilayun, i Aki Kapuuno' ra sabuoi-buoi no.

JISAYA 26:4

Pangintopot noyo ra Tuhan ra sabuoi-sabuoi no; masalok Io mangampin ritakau.

JISAYA 40:26

Tingaano' noyo limbowon am urioo'! Osoi kia namangun ra ngaangai' butitin? Io noyo nanusub ra butitin mingkual koson ra pulalai ru saujor, mapandayan No kula' suang, am mampiau ra inggalan ru moonong butitin! Kuasa' Nano maayo kaga' – kolondo' rondo' butitin pana matatak!

JISAYA 9:6

Kuasa' Nano marayus rumuang; pamarintaan Nano kalinuos ayuk. Mamarinta Io koson suali ru Raja' Daut, pamarintaan Nano mimpuun ra ukum am katimpakan intor ragino saboi ra pupus ru tana' ti. Ngaangai' kasaukan raginio maaru' baalon ru Tuhan Ondo' Maayo Kaga' Kuasa'.

JIRIMIA 5:21

Rongog no, ulun kau ra sasambungon am iisan! Makamato kau kaa' kalo makakito; makatalingo kaa' kalo rumongog!

JIRIMIA 51:15

Namingkal Tuhan ra tana' ti ra kuasa' Nano; Namingkal Io ra tana' ti ra kapintaran Nano, am nampaatang ra limbowon ra pangaratian Nano.

MATIUS 5:45

maa' raginio masauk kau ra anak ru Ama' min giu' ra suruga'. Sabap ra pinoloso ri Aki Kapuuno' mato ru orou Nano sumirang ra ngaangai' ulun ondo' moonsoi am malaat. Io niayuk mampatuun ra rasam no ra ngaangai' ulun, ondo' mambaal ra moonsoi am niayuk ondo' mambaal ra malaat.

MARKUS 10:6

Kaa' paat ra talimpuun i, paat i Aki Kapuuno' namingkal ra tana' ti, kon ru Kitab, ‘I Aki Kapuuno' nambaal risilo ungkuyon am ruandu'.

JUANIS 1:18

Kolondo' sangulun pana nakakito ri Aki Kapuuno'. Kaa' Anak Langkuir ri Ama' ayuk, ondo' mogondo' Riso am rondo' guang Riso, Io nampaintalang ri Aki Kapuuno'.

JUANIS 15:22

Amon ru kalio Aku minatong am nambala' ra ngaangai' ti risilo, kolondo' tula nilo. Kaa' raino mailo ilo boo mindagu ra, ‘Kalo nakapandai akai ra natulaan akai.’

RINALATAN 17:29

Sabap ra itakau anak ri Aki Kapuuno', pai' takau noyo pangkara' ra i Aki Kapuuno' no koson ra sinungkalalaing ondo' binaal ayuk intor ra mas, pirok kapoam batu maya' ra kapandayan ru ulun.

RINALATAN 22:1

“Pabukat kau ngaangai'! Rongogo' min aku! Masaga' aku mapaintutun ramuyun ra sala' ka malaat aku.”

ROMA 1:19

Mangukum i Aki Kapuuno' risilo sabap ra atan ondo' mapandayan ru ulun intor Riso, napandayan noyo risilo. I Aki Kapuuno' galama' ondo' nanulu' risilo.

ROMA 16:26

Kaa' raino katapatan raginio pinasalula' mansail ra namatikan ru nabi-nabi. Am sumugut ra susuban ri Aki Kapuuno' ondo' mantilayun, katapatan raginio potonowon ra ngaangai' bansa', maa' raginio mangintopot am gumagaya' ilo boo Riso.

ROMA 2:1

Pabukat kau ngaangai', intor raginio, makakau' kau kia mononsol ra ulun bokon? Kolondo' sasaban min amon ru ukumin kau. Sabap ra amon ru mononsol kau ra ulun bokon kaa' akau galama' pana nogondo' niayuk makasala, akau galama' migukum.

ROMA 2:15

Baal nilai ti mampakito ra panusuban ru Ukum no soroi ra guang nilo. Bolos ru guang nilo poyo mapaintutun ra baal raginio, sabap ra pangkaraan nilo sanganuan mononsol am poyo sanganuan manaung risilo.

1 KORINTUS 1:20

Intor raginio, atan onong ru ulun mapintar? Atan onong ru ulun mapandai? Am atan poyo onong ru ulun ru tana' ti ondo' mapandai tumaam? Sabap ra i Aki Kapuuno' nampakito noyo ra kapintaran ru ulun ru tana' ti sotopot no sasambungon.

SAGULION 33:27

I Aki Kapuuno' ondo' mantilayun masauk ra mangampin ramuyun, am kalindu' Nano manungka' ramuyun. Paat ra akau jumalai, napagiru' Io ra pantula' min, am nanusub ramuyun mamuso risilo ngaangai'.

SAGULION 4:19

Pai' kaambi' koson sumamba am mangandoi ra ondo' makito giu' ra limbowon, iono mato ru orou, sila' am butitin. Nanaak noyo Tuhan, Aki Kapuuno' mino ra kuliamos raginilo ra ngaangai' bansa' ra bokon ra sambaan.

KOLOSI 1:15

I Jisus Kristus no mogondo' ri Aki Kapuuno' ondo' kalo maalap kakito. Io ti anak langkuir Nano ondo' maatang toojo intor ra ngaangai' ru sinauk Nano.

KOLOSI 2:9

Sabap ra ngaangai' paliso ri Aki Kapuuno' rumondon ri Kristus, paat ra Io naayag ra tana' ti pana.

1 TIMOTIUS 1:17

Io Raja' ra mantilayun, kalo mapuso am poyo kalo maalap kakito, Io no rorondo' ayuk i Aki Kapuuno'. Urumato' am omporo' takau i Aki Kapuuno' ra sabuoi-buoi no. Amin.

1 TIMOTIUS 6:16

Io no rorondo' ayuk mantilayun. Io maayag ra ralalom ru sinda ondo' kalo maalap kainggaari' ru ulun makatula. Kolondo' sangulun pana nakaili' nakakito Riso kapoam makakito Riso. Gama' ru urumaton am manguasa' Io ra sabuoi-buoi! Amin.

IBRANI 11:27

Sabap ra pangintapatan noyo, i Musa nagiru' intor ra pagun ru Misir am kalo nalaa' io ra sangit ru raja' Misir. Inorot no ayuk, koson ayuk ra nakito no noyo i Aki Kapuuno', Io ondo' kalo maalap kakito ru ulun.

IBRANI 9:14

Mulu' poyo raraa' ri Kristus ondo' makapamasau ra tula ru ulun. Sabap ra mansail ra Ambiluo mantilayun, i Kristus nampataak ra painawo Nano ri Aki Kapuuno' koson ra taak simbalui ondo' kolondo' sala. Am sabap ra raraa' Nano pinasasar, mampaintopot i Aki Kapuuno' ritakau ra kalo boo makasala takau intor ra binaal takau ra kolondo' onong i, maa' raginio makapangandoi takau ri Aki Kapuuno' ondo' maayag.