ROMA 1:17 - Tanou Moonsoi Timugon

¹⁷ Sabap ra Tanou Moonsoi no manulu' ra ati kulaan i Aki Kapuuno' am ulun mobonsoi saguli' – ginio masauk ralalom ru mangintopot ri Aki Kapuuno', intor ra talimpuun suku' ra pupus no. Koson niayuk tinulisan ra Buuk Kitab, “Ulun ondo' mangintopot saboi mobonsoi saguli' ri Aki Kapuuno', ulun no topot-topot maayag.”

ROMA 1:17 ပူးပေါင်းရင်းမြစ်များ

YEHEZKIEL 18:9

Sumugut io ra susuban Kuno am gumagaya' ra ukum Kuno. Ulun koson raginio moonsoi am maayag.” Ginio noyo ragu ru Tuhan Raja'.

ABAKUK 2:4

Gitio noyo tanou no: ‘Ulun ondo' nambaal ra kalaatan pusoon, kaa' ulun ondo' nambaal ra kasagaan ri Aki Kapuuno' maayag sabap ra gumagaya' ilo ri Aki Kapuuno'.’ ”

UNTABAN 21:9

Nambaal boo i Musa ra sanginan kukuo intor ra gangsa' am patampako' ginio ra rondo' lugu'. Moonong ulun ondo' tininduk ru kukuo mababas amon ru magilong ra kukuo intor ra gangsa' no.

JUANIS 3:36

Maa' raginio osoi ayuk mangintopot ra Anak no mokoowot ra kaayagan motopot am mantilayun. Kaa' osoi ayuk kalo gumagaya' Riso no, kalo mokoowot ra kaayagan no, kaa' mantilayun i Aki Kapuuno' masisang riso.

ROMA 10:3

Kalo makarati' ilo ra ralan ati kulaan ra ulun mobonsoi saguli' ri Aki Kapuuno', am mirot ilo maya' ra ralan nilo galama' ayuk koson mobonsoi saguli' ri Aki Kapuuno'. Sabap raginio marara' ilo ra ralan nanuluan ri Aki Kapuuno'.

ROMA 3:21

Kaa' raino manulu' i Aki Kapuuno' ra ralan ati kulaan itakau mobonsoi saguli' Riso. Ralan raginio sumiang intor ra Ukum ri Musa, kabalu' pana Ukum ri Musa am Kitab Nabi-Nabi nampaintutun noyo ritakau ra baal raginio.

ROMA 3:22

Ralalom pangintapatan ri Jisus Kristus ayuk ulun mobonsoi saguli' ri Aki Kapuuno'. Ginio saukon ra ulun ru Jaudi am poyo sala' ka Jaudi sabap ri Aki Kapuuno' kalo mampili' ra ulun.

ROMA 3:3

Kaa' atan koson amon ru mokoondo' ulun ru Jaudi kalo mampagagaya' ra ragu Nano? Ginio kia mangkinibit ra i Aki Kapuuno' kalo manugut ra bantu' Nano risilo?

ROMA 9:30

Gitio noyo arati' ru raguon mai; ulun sala' ka Jaudi ondo' kalo mirot mobonsoi saguli' ri Aki Kapuuno', ilo noyo pinobonsoi saguli' ri Aki Kapuuno' ralalom ru pangintapatan nilo Riso.

2 KORINTUS 3:9

Amon ru nabantuan ondo' nangkinibit ra pangukuman matulai noyo, mulu' poyo kinatulai ru nabantuan ondo' magibit ra ulun mobonsoi ri Aki Kapuuno'.

2 KORINTUS 5:21

Kolondo' noyo tula ri Kristus, kaa' koson ra kaatangan takau, kinara' Io ri Aki Kapuuno' koson makatula. Maa' raginio, sabap ra pasimpungan takau ri Kristus, itakau ondo' makatula mobonsoi saguli' ri Aki Kapuuno'.

GALATIA 3:11

Raino napandayan noyo toojo ra kolondo' sangulun pana mobonsoi saguli' ri Aki Kapuuno' ru mampagagaya' ra Ukum ri Musa no; sabap ra mokoondo' tinulisan noyo ra Buuk Kitab, “Ulun ondo' mobonsoi saguli' ri Aki Kapuuno' sabap ra pangintapatan nano Riso, io no ondo' maayag!”

PILIPI 3:9

Am ginio sala' ka boo intor ra katapatan kuno galama' koson gumagaya' ra Ukum ri Musa, kaa' intor ra katapatan ri Aki Kapuuno' ondo' pinataak no raki' sabap ra pangintapatan ku ri Kristus.

IBRANI 10:38

Ulun Kuno ondo' gumagaya' ra kasagaan Kuno, mangintopot am maayag ilo, kaa' osoi ayuk lumugut, kalo maansayan Aku riso.”