ROMA 1:16 - Tanou Moonsoi Timugon

¹⁶ Ginio ra mangintopot aku toojo ra Tanou Moonsoi ti mampakito ra kuasa' ri Aki Kapuuno' mamayag ra ngaangai' ulun ondo' mangintopot ri Jisus, kasaa' ra ulun ru Jaudi am niayuk ra bansa' ra bokon.

ROMA 1:16 ပူးပေါင်းရင်းမြစ်များ

MAZMUR 110:2

Intor ra Sion, kuasa' ru karajaan muno kalangkaan ru Tuhan. Mindagu Io, “Kuasaa' noyo pantula'-pantula' muno.”

MAZMUR 119:46

Potonowon ku panusuban inatang Muno ra ngaangai' raja', am kalo boo tauyuon aku.

JISAYA 53:1

Timinaam bansa' raginio, “Osoi kia mangintopot ra atan ondo' norongog mai? Osoi kia papasabayan ra kuasa' ru Tuhan?

JIRIMIA 23:29

Ragu Kuno koson ra apui, am koson ra amar ondo' mokopomopol ra batu.

MARKUS 8:38

Sabap ra osoi ayuk mauyu' mangiou Raki' am pangilaan Kuno ra tatanga' ru ulun ondo' kalo boo mangintopot am makatula ti, Anak ru Ulun pana mauyu' mangiou ra ulun raginio paat ra Io matong ralalom katulayan ru Ama' Nano, sumbayaan ru malaikat-malaikat ondo' matulai.”

LUKAS 9:26

Osoi ayuk mauyu' mangiou Raki' am pangilaan Kuno, Anak ru Ulun pana mauyu' mangiou ra ulun no paat ra Io matong ra tauli no. Matong Io mabaya' ra katulayan Nano am niayuk Ama' Nano am poyo katulayan ru malaikat-malaikat ondo' matulai kaga'!

JUANIS 7:35

Tingganai ru ulun ru Jaudi nagindagu ra rondo' am bokon, “Ati nua' angayan Nano saboi kalo makatuum takau Riso? Mongoi Io kia ra ulun ru Jaudi ondo' liminatok ayan ra bandar ru ulun ru Junani? Mongoi Io kia pangila' ra ulun ru Junani?

RINALATAN 3:26

Ginio sabap ri Aki Kapuuno' nampili' am nanusub ra Ulipon Nano matong ramuyun galing koson mambarakat Io no ramuyun. Binaal No ginio koson akau ngaangai' tumalikur intor kiralan ru bayag min ra malaat.”

ROMA 10:17

Ginio ra mansail ra pangkirangagan nilo ra tanou no mangintopot ilo, am morongog nilo tanou no sabap ra mokoondo' mambala' risilo ra tanou intor ri Kristus.

ROMA 15:19

ralalom ru tatandu' am kaimuagan am ralalom niayuk ru kuasa' ru Ambiluo ri Aki Kapuuno'. Pinabala' ku noyo Tanou Moonsoi intor ri Kristus ra ati-ati ayuk, inintaran ku ra bandar Jirusalim suku' ra libung ru Ilirikum.

ROMA 15:29

Paat ra aku makaratong ra giu', maaru' mauli' barakat ri Kristus ramuyun.

ROMA 2:9

Ginio ra moonong ulun ondo' mambaal ra kalaatan no maimbolo' am makakapaganan; kasaa' ulun ru Jaudi am niayuk sala' ka Jaudi.

ROMA 4:11

Tauli i sinunatan io, am sunat ti tatandu' ra apuon io ri Aki Kapuuno' koson ra sangulun ondo' mobonsoi saguli' Riso sabap ra pangintapatan nali. Intor raginio io no koson ra ama' ru ngaangai' ulun ondo' mangintopot, am ondo' inapu koson ulun ondo' mobonsoi saguli' ri Aki Kapuuno', kabalu' pana kalo sinunatan ilo.

1 KORINTUS 15:2

Amon ru mangintopot kau toojo ra Tanou Moonsoi ondo' pinasaboi kutu, ginio noyo mamayag ramuyun; ondo' ayuk amon ru kalo naratian min toojo.

1 KORINTUS 2:2

Sabap ra buoi ku soroi ramuyun, kolondo' rinagu ku ra bokon, ondo' ak am tanou ri Jisus Kristus am sauk ru pinatayan Nano ra salip.

1 KORINTUS 2:4

Tanou am pangilaan ondo' pinasaboi kuli ramuyun, kalo minaya' ra kapintaran ru ulun ondo' makabunduk ra guang, kaa' pinainono' ku ati kulaan kuasa' ru Ambiluo ri Aki Kapuuno'.

1 KORINTUS 9:12

Amon ru ulun ra bokon no makakuasa' lumansan ramuyun, mulu' poyo akai ka ilo. Kaa' kalo poyo igondo' ku pasalulaa' kuasa' raginio. Mulu' poyo bonsoi no ru aku ayuk galama' maguyum ra kaukapan ru akanon ka mampajajou ra pampatanawan ra Tanou Moonsoi ri Jisus Kristus.

1 KORINTUS 9:18

Ginio poyo, atan kia ampos raki'? Gitio noyo ampos ti: makapampasaboi aku ra Tanou Moonsoi am kalo mantipagon ra ulun bokon mampaakan raki'. Sabap ra koson sangulun mampatanou ra Tanou Moonsoi no, kalo gogoton ku atan-atan poboloson.

2 KORINTUS 2:12

Paat ra aku nakasaboi ra bandar Troas koson mampabala' ra Tanou Moonsoi ri Kristus i, ilain ku ra pinongo noyo kalalair ru Tuhan ralan kuno mangandoi ra giu' i.

2 KORINTUS 4:4

Guang ru ulun ondo' kalo mangintopot ti kinolondom ru tingganai malaat ondo' mamarinta ra tana' ti. Io noyo ondo' manginga' risilo makakito ra sinda intor ra Tanou Moonsoi, ioginio katulayan ri Kristus ondo' mogondo' ri Aki Kapuuno'.

2 KORINTUS 9:13

Masuang ulun Kristian ra Jirusalim mongompor ri Aki Kapuuno' sabap ra indangan min, am ginio mampakito ati kulaan pampagagayaan min ra Tanou Moonsoi ri Kristus ondo' pabalaan min. Mongompor ilo poyo ri Aki Kapuuno' sabap ra kinataau ru guang min, saboi ruit min tinayar-tayar risilo am poyo ra ngaangai' ulun ra bokon.

GALATIA 1:7

Sotopot no, kolondo' “tanou moonsoi ra bokon”. Kaa' mokoondo' ulun ondo' mampajajou ramuyun, koson mangkinam pangulau ra Tanou Moonsoi ri Kristus no.

1 TISALONIKA 2:13

Gitio rondo' poyo sasaban ra akai masalok maringkuanang ri Aki Kapuuno', ra nangkirongog am nangapu kau po ra tanou intor ri Aki Kapuuno' ondo' pinasaboi maili. Nangapu kau ra tanou no sala' ka koson ra tanou intor ra ulun, kaa' koson ra totopot i Aki Kapuuno' noyo intor ru tanou no. Am Io po nampasauk ramuyun nangintopot ri Kristus.

1 TIMOTIUS 1:11

ioginio ondo' gumagaya' Tanou Moonsoi intor ri Aki Kapuuno' ondo' matulai am omporon. Tanou ragitio noyo ondo' patanawin raki'.

2 TIMOTIUS 1:12

Ginio boo puun ru aku maimbolo' ra ngaangai' ti, kaa' kalo lumawo pangintapatan kuno sabap ra naintutunan ku toojo osoi Io ondo' inintopot kuli. Am mangintopot aku toojo ra mampalayun Io ra kandoi ondo' pinalansan Nano raki' i, saboi ra Orou Pupus no.

2 TIMOTIUS 1:16

Gama' ru Tuhan mangani' ra asi' Nano ri Onisiporus ilo sambaloi, sabap ra ingkukula' io no napabansuk ra guang kutu. Io kalo mauyu' raki' kabalu' ra aku inaput.

2 TIMOTIUS 1:8

Ginio nai ra pai' kauyu' mapabala' intor ra sauk ru Tuhan takau am pai' niayuk kauyu' sabap ra aku ondo' inaput ti sabap ri Kristus. Kaa' sotopot no, maya' ra kaikangan intor ri Aki Kapuuno', musiti' kou maya' maimbolo' sabap ra papasabayan ru Tanou Moonsoi no.

IBRANI 4:12

Bala' ri Aki Kapuuno' makakuasa' am maayag koson Riso. Mogondo' ra ilang ondo' inasa' ruo larom manguntas saboi bungul am utok nano suayon, koson niayuk ra bala' ri Aki Kapuuno' tumunsok ra salibuor am ambiluo saboi mampatalang ra kasagaan am pamaguangan ru ulun.

1 PITRUS 4:16

Kaa' amon ru maimbolo' kau sabap ra akau ulun Kristian, pai' kau kauyu' raginio. Paringkuanang kano ri Aki Kapuuno' ra akau inggalanin ra ulun Kristian.