ROMA 1:13 - Tanou Moonsoi Timugon

¹³ Pabukat kau ngaangai', masaga' aku makapandai kau ra ingkula' noyo aku pangatang mongoi ramuyun, kaa' masalok mokoondo' ayuk mongompong raki'. Moogot aku magibit ra ulun ra intok mino mangintopot ri Kristus, mogondo' ra ulun sala' ka Jaudi ra intok ra bokon.

ROMA 1:13 ပူးပေါင်းရင်းမြစ်များ

JISAYA 27:6

Orou ra tauli no, ulun ru Israil ioginio papag ri Jakub manambakat koson ra sampuun tataun, am manalantar ilo am niayuk mambusak. Tana' ti mapapak ra kawa'-kawa' nilono.

JUANIS 12:24

Balain takamin toojo: Amon ru sangunor gandum kalo tiason ra tana', kalo matoi io am sangunor io ayuk. Kaa' amon ru tiason am matoi io, manangkawa' io ra masuang.

JUANIS 15:16

Pai' ru akau nampili' Raki', kaa' Aku noyo nampili' ramuyun am inaru' takamin mongoi ra ati-ati ayuk am manangkawa' ra maawas, am kawa' mino tumilayun. Atan ayuk kitaakon min ralalom ru inggalan Kuno, aniin kau ri Ama'.

JUANIS 4:36

Raino ulun mangkumos no nokoowot ra ampos am ampos raginio magibit ra kaayagan motopot am mantilayun. Ginio ra ulun ondo' manias am ondo' mangkumos no mabaya' boo maansukan.

RINALATAN 1:15

Paat ra rondo' orou timinimung olo'-olo' maatus ruo ngoopor ngaulun, bigor i Pitrus koson mambala' risilo, kono,

RINALATAN 14:27

Paat ra ilo nakasaboi ra Antiokia, timungo' nilo pasimpungan ulun Kristian am tunungo' nilo atan ondo' sinauk ri Aki Kapuuno' pinasumbaya' risilo. Tinunung nilo niayuk ra ati kulaan i Aki Kapuuno' nangukab ra ralan koson ulun ondo' sala' ka Jaudi pana mangintopot ri Jisus.

RINALATAN 15:12

Nongkoror ayuk ngaangai' ulun ondo' timinimung ra giu' i liliwa' i Barnabas am i Paulus nantunung ra tatandu' am kaimuagan ondo' sinauk ri Aki Kapuuno' ra ulun sala' ka Jaudi mansail risilo.

RINALATAN 19:21

Kasauk ayuk ngaangai' raginio, makaguang i Paulus mongoi ra Jirusalim mansail ra Makidonia am Akaya, kono, “Mopongo aku mongoi ra giu', musiti' aku mongoi niayuk ra Roma.”

RINALATAN 21:19

Pakauma' ayuk risilo, tunungo' boo ri Paulus ngaangai' ondo' binaal ri Aki Kapuuno' ra ulun ondo' sala' ka Jaudi ralalom ru kandoi nano.

RINALATAN 28:14

Giu' no niayuk nakatuum akai ra kukula' ngaulun Kristian. Nangkimait ilo ramon mayan risilo am saminggu' akai ra giu' i. Kopongo ragili, narayus akai boo ra Roma maya' ra lantur.

ROMA 1:12

Arati' kuno ragitio, pagikangon takau rondo' am bokon ru pangintapatan takau ri Jisus.

ROMA 11:25

Pabukat kau ngaangai', mapaintutun aku ramuyun ra katapatan ondo' kalo igondo' pinabala', maa' ra akau makapandai no, kalo boo lumimbau kau. Gitio noyo katapatan i; kalo mantilayun ulun ru Israil mokotog ulu, kaa' polos ayuk ra morontop noyo suang ru ulun sala' ka Jaudi matong ri Aki Kapuuno'.

ROMA 7:1

Pabukat kau ngaangai', maaru' nakapandai kano ra ukum, am ra ukum no makakuasa' ra sasangulun buoi ra io maayag ayuk.

1 KORINTUS 1:10

Pabukat kau ngaangai'. Ralalom inggalan ru Tuhan takau, i Jisus Kristus, kitaakon ku toojo ra pakarati' kano ra rondo' am bokon, maa' raginio kalo mantutuliar kau. Pogogondoo' min noyo guang am niayuk kasagaan min.

1 KORINTUS 10:1

Pabukat kau ngaangai', masaga' aku mampakara' ramuyun ra ondo' nasauk ra kinamatuaan takali paat ra nangkiralanan nilai mabaya' ri Musa. Ngaangai' nilo kinulumput ru gaun am namuntana' liminaup ra Raat Malia' i.

1 KORINTUS 12:1

Raino mambala' aku ati kulaan taak intor ra Ambiluo ri Aki Kapuuno'. Pabukat kau ngaangai', masaga' aku ra akau makatutun toojo ra atan sotopot no taak raginio.

1 KORINTUS 14:20

Pabukat kau ngaangai', pai' kau pangkara' koson ra lalaing, kaa' musiti' kau makapaliso koson ra ulun nasukor, ondo' ayuk am ralalom baal kalaatan, tilu kano ra lalagang.

1 KORINTUS 14:26

Pabukat kau ngaangai', kon kutu am paat ra akau tumimung sumambayang, mokoondo' marimbai, mokoondo' mangila' am niayuk mampasaboi ra bala' intor ri Aki Kapuuno'. Mokoondo' poyo mindagu ra ragu imuagan am mokoondo' mambala' ra arati' ru ragu raginio. Kaa' ngaangai' ti musiti' mangindangan ra pasimpungan ulun Kristian.

1 KORINTUS 9:2

Kabalu' pana ra mokoondo' lair ulun ra bokon ondo' kalo mangiou ra aku ti sangulun rasul, kaa' maaru' akau mangiou! Sabap ra kaayagan min koson ra ulun Kristian no rondo' tatandu' noyo ra aku ti sangulun rasul.

2 KORINTUS 1:8

Pabukat kau ngaangai', masaga' akai ra makaintutun kau ra kapaganan ondo' nailian mai giu' ra pagun Asia, najanjayan am maagat toojo, saboi kolondo' boo kalansanan mai maayag.

2 KORINTUS 2:14

Kaa' maringkuanang aku ri Aki Kapuuno'! Masalok Io maningganai ramon koson mokoowot ra kamanangan, sabap ra pasimpungan mai ri Kristus. Magibit Io ramon mampabala' ra tanou ri Kristus ra ati ayuk pana, am tanou raginio koson ra owou maamis.

GALATIA 3:15

Pabukat kau ngaangai', moonsoi alapon ku ra popogondoon atan ondo' nailian takau ra moonong orou. Amon ru mokoondo' ruo ngaulun nangiou ra rondo' baal koson nanulis ra rondo' surat nabantuan, kolondo' sangulun pana makapampalulu' kapoam makapamparuang ra atan ayuk ondo' binantu' raginio.

GALATIA 6:18

Gama' ru Tuhan takau i Jisus Kristus masalok mambarakat ramuyun ngai'. Amin.

PILIPI 1:22

Kaa' amon ru posoroyon aku poyo ra tana' ti koson mokoowot poyo ra ampos ru kandoi kuno, kalo noyo makapampili' aku ra ati kia rondo' bayaan kuno.

PILIPI 4:17

Sotopot no pai' ru mompogogot aku ra taak mino raginio, kaa' ondo' ayuk gogoton ku ioginio ampos ru kasingkatan mino.

KOLOSI 1:10

Kon raginio boo ra maayag kau sumugut ra kasagaan Nano am makapapabansuk ra guang Nano, ioginio kaayagan min magibit ra nansalinut baal moonsoi am mulu' poyo makaintutun kau ri Aki Kapuuno'.

KOLOSI 1:6

Tanou Moonsoi ti nagibit ra barakat am nakatabual ra ati ayuk intok ra tana' ti, koson niayuk ra tatanga' min. Kataawan poyo ri Aki Kapuuno', ondo' naining min ra kasaa' i, maintutunan min ra atan ginio sotopot no.

1 TISALONIKA 2:18

Makaguang akai noyo mongoi tuum ramuyun, ra kaingkula' ku noyo nangkinam, kaa' inampangan akai ru Tingganai ru riwato no.

1 TISALONIKA 4:13

Pabukat ku ngai', masaga' akai ra akau makapandai ra sauk ru ulun namagatoi, maa' raginio kalo mangiluk guang min, koson ra ulun ondo' kolondo' kalansanan no.

2 TISALONIKA 2:7

Kuasa' ru Kalaatan ondo' kalo makito ti timinalimpuun noyo mamparuku' ra ulun, kabalu' pana kalo poyo minintalang io. Kaa' ondo' mongompong riso no, musiti' iruon pagulu ri Aki Kapuuno',

2 TIMOTIUS 4:17

Kaa' Tuhan noyo ondo' nangampin raki' am nampaikang raki' saboi naalap ku mampabala' ra ngaangai' ru Tanou Moonsoi no, suku' maining boo ru ulun sala' ka Jaudi. Ginio ra pinalabus aku niayuk intor ra potoyon raan.