ROMA 1:11 - Tanou Moonsoi Timugon

¹¹ Ginio ra moogot aku toojo muma' ramuyun am niayuk magapu ramuyun ra barakat ru Ambiluo ri Aki Kapuuno' ra mapaikang ra guang mino.

ROMA 1:11 ပူးပေါင်းရင်းမြစ်များ

KASAUKAN 31:30

Napandayan ku ra okou minugar ti moogot kaga' muli' ra baloi ri ama' muno, kaa' kua tokowo' mu sinungkalalaing kuno?”

2 SAMUIL 13:39

kaa' paat ra Raja' Daut kalo boo mangiluk guang, moondom io kaga' ri Absalom.

2 SAMUIL 23:15

Moondom Raja' Daut ra kampung nano galama', am kono, “Mapara' piboo bonsoi no amon ru mokoondo' ulun mangani' raki' ra timug inumon intor ra tulubong mamaar ra kulobon garabang giu' ra Bitligim!”

2 TUNUNG RU BANSA' ISRAIL 20:20

Nokorondom ra suabon no ilo ngaangai' minongoi ra tana' kaagisan mamaar ra Tikoa. Paat ra ilo minintor, kon ru Raja' Josapat risilo, “Mamagun kau ru Jiuda am Jirusalim, pangintopot no ra Tuhan, i Aki Kapuuno' min, am akau pana mokoorot! Pangintopot no ra bilin ru nabi-nabi Nano, am akau pana makasugut.”

RINALATAN 16:5

Intor ra raginio, pangintapatan ru ulun Kristian pana pinaikang poyo toojo, am orou koorou sumuang ilo poyo.

RINALATAN 19:21

Kasauk ayuk ngaangai' raginio, makaguang i Paulus mongoi ra Jirusalim mansail ra Makidonia am Akaya, kono, “Mopongo aku mongoi ra giu', musiti' aku mongoi niayuk ra Roma.”

RINALATAN 19:6

Pabantaa' ri Paulus kalindu' nali risilo am kinuasa' ilo ru Ambiluo ri Aki Kapuuno'. Ginio ra minindagu ilo ra ragu imuagan am nampasaboi ra pambalaan intor ri Aki Kapuuno'.

ROMA 1:12

Arati' kuno ragitio, pagikangon takau rondo' am bokon ru pangintapatan takau ri Jisus.

ROMA 15:23

Kaa' raino kandoi kuno tampilon ragiti nopongo noyo am kula' noyo ngambilor aku mangatang mongoi tuum ramuyun.

ROMA 15:29

Paat ra aku makaratong ra giu', maaru' mauli' barakat ri Kristus ramuyun.

ROMA 15:32

Mopongo raginio, amon ru iowon ri Aki Kapuuno', matong aku ramuyun ra guang maansukan am makakaansayan aku ra akau no.

ROMA 16:25

Omporo' noyo i Aki Kapuuno'! Makakuasa' Io mampaikang ra pangintapatan mino sumugut ra Tanou Moonsoi intor ri Jisus Kristus ondo' pinabala' kuno ramuyun. Ginio potonowon kuno sumugut ra ondo' pinaintalang noyo ri Aki Kapuuno' raki', ioginio katapatan ondo' kalo igondo' pinabala' intor ra galing i.

2 KORINTUS 1:15

Sabap ra ikang ru kalansanan ku raginio, nangatang aku no mongoi uma' galing ramuyun, maa' raginio mainduaan kau kabarakat.

2 KORINTUS 1:21

I Aki Kapuuno' galama' mampaikang ramon, mababaya' ramuyun, sumimpung ri Kristus; Io niayuk nampili' ritakau ra Io no tatangan.

2 KORINTUS 11:4

Nailian takamin ra maluoi kau manguma' ra osoi ayuk matong mampabala' ra i Jisus, kaa' kalo mogondo' ra atan ondo' pinatanou maili. Mangapu kau niayuk ra ambiluo am tanou moonsoi ra bokon ondo' sala' ka toojo Ambiluo ri Aki Kapuuno' am Tanou Moonsoi ondo' inapu min noyo intor ramon.

2 KORINTUS 9:14

Ginio ra moondom ilo ramuyun, am ra moonong pakiasian nilai mangkara' ilo ra ati kulaan gayo ru kataawan ri Aki Kapuuno' no ramuyun.

PILIPI 1:8

I Aki Kapuuno' noyo sasi' ra totopot moondom aku toojo ramuyun mabaya' ra togom ru guang ri Jisus Kristus galama'.

PILIPI 2:26

Noondom io kaga' ramuyun am maimamang guang nano ramuyun sabap ra naala' kau ra narualan io.

PILIPI 4:1

Pabukat ondo' tagamin kuno, noondom aku ramuyun sabap ra akau no mampakaansuk ra guang kuno am maansayan aku magilong ra kinoonsoi ru bayag min. Ginio nai ra rayuso' noyo pasimpungan mino ra Tuhan.

1 TISALONIKA 3:13

Maa' raginio mampaikang Io ramuyun, saboi guang mino mapasau am kolondo' sala ra pagilangan ri Aki Kapuuno', Ama' takau, paat ra ratangan ru Tuhan takau, i Jisus, mabaya' ra ngaangai' ulun Nano.

1 TISALONIKA 3:2

liliwa' poongoyon mai ramuyun i Timotius, pabukat takau. Io no sangulun mangangandoi ra Tuhan ondo' mabaya' ramon mampasaboi ra Tanou Moonsoi ri Kristus. Io sinusub mai mampaikang ra guang am pangintapatan mino ri Kristus.

2 TISALONIKA 2:17

mampakatasu' am mampaikang ra guang mino. Maa' raginio makapambaal am makapampatanou kau boo ra atan ondo' moonsoi.

2 TISALONIKA 3:3

Kaa' Tuhan no totopot malansanan. Mampaikang am magalung Io ramuyun intor ra kalaatan.

IBRANI 13:9

Pai' kano karuung ra nansalinut pangilaan ondo' mampakalayau, kaa' musiti' mangapu takau ra kataawan ri Aki Kapuuno', maa' raginio kaikangon guang takau Riso. Pai' takano boo baya' ra kaulayan intor ra atan kia maakan kapoam kalo, sabap raginio kalo noyo nakapangindangan risilo ondo' sumugut raginio.

1 PITRUS 5:10

Kaa' kaimbalaan ragitio sangkinolor ayuk, i Aki Kapuuno' mapatanda' ramuyun, mapakataan am mampaikang ramuyun am poyo moporondon Io ra guang min. Sabap ri Aki Kapuuno' ti noyo puun ru ngaangai' kataawan, am ralalom ri Kristus, Io nampiau ramuyun makaliman ra urumat Nano ondo' mantilayun.

1 PITRUS 5:12

Manulis aku ra surat mariwa' ti ramuyun mabaya' ra indangan ri Silas. Io karaan ku sangulun pabukat ra Kristian ondo' malansanan. Pambilinan ru surat kutu ioginio intor ra kataawan ri Aki Kapuuno'. Pai' min noyo labusi' taak raginio.

2 PITRUS 1:12

Ginio puun ra aku masalok mampakara' ramuyun ra baal raginio, iou pana makapandai kano am niayuk mangintopot toojo ra katapatan ondo' inila' noyo ramuyun.