ROMA 1:1 - Tanou Moonsoi Timugon

¹ Pabukat kau ngaangai', aku i Paulus, ulipon ri Jisus Kristus am rasul ondo' pinili' am piniau ri Aki Kapuuno' mampabala' ra Tanou Moonsoi Nano.

ROMA 1:1 ပူးပေါင်းရင်းမြစ်များ

1 TUNUNG RU BANSA' ISRAIL 23:13

Anak katuaan ri Kigat, iono i Amram, iono ama' ri Arun am i Musa. (Koson ra sabubuoi no, i Arun am papag nano linili' koson manalingapu ra kuliamos ru sambayang, monolob ra kaminyan ra Tuhan, mangandoi ayuk Riso, am mambarakat ra mamagun ralalom inggalan ru Tuhan.

JISAYA 49:1

Rongogo' aku, akau pagun-pagun ondo' maalur lioo' min ragu-ragu kutu. Piniau aku ru Tuhan ra aku kalo poyo inanak, pinili' No aku intor poyo ra aku tininai'.

JIRIMIA 1:5

“Ra Aku kalo poyo nampasauk rirun ra okou tinayon ru ina' muno, am ra kalo poyo inanak, pinili' am linantik Ku noyo okou masauk ra nabi tayar ra bansa'-bansa'.”

MARKUS 1:14

Kopongo i Juanis rinakop, ratong noyo i Jisus ra Galilia pampasaboi ra Tanou Moonsoi intor ri Aki Kapuuno'.

JUANIS 12:26

Osoi ayuk mangandoi Raki' musiti' io maya' Raki', maa' raginio ati ayuk angayan Kuno, soroi mangangandoi Kuno. I Ama' Kuno mangurumat ra osoi ayuk ondo' mangandoi Raki'.”

JUANIS 15:15

Kalo boo sabiton takamin ra ulipon, sabap ra ulipon kalo makapandai ra ngaangai' ondo' baalon ru tuan nano. Kaa' sabiton takamin ra rangan Kuno, sabap ra ngaangai' ondo' norongog Kuno intor ri Ama', pinabala' Ku noyo ramuyun.

JUANIS 15:20

Karaa' min rinagu Kuli; ‘Sangulun ulipon kalo maatang intor ra tuan nano.’ Amon ru nangimbolo' ilo Raki', mangimbolo' ilo niayuk ramuyun. Amon ru ragu Kuli sinugut nilo, ragu mino pana gagayaan nilo.

RINALATAN 13:9

Kaa' i Saulus (ondo' niayuk sabiton ri Paulus), kinuasa' ru Ambiluo ri Aki Kapuuno' am ponontong io ra mangingilong i

RINALATAN 20:24

Kaa' kalo mangkara' aku ra maayag aku kia kapoam kalo; ondo' karaan kuno ayuk am momongo ra kandoi ondo' pinataakan raki' ru Tuhan Jisus, ioginio mampasaboi ra Tanou Moonsoi intor ra asi' ri Aki Kapuuno'.

RINALATAN 21:40

Nangiou io am i Paulus pana minigor ra tukar i am nangani' io ra ulun ra pulanu koson mongkoror. Pokopongkoror ilo, indagu boo i Paulus risilo ra ragu Ibrani.

RINALATAN 22:21

Kaa' indagu poyo Tuhan i raki', ‘Ugar no, sabap ra Aku noyo mopoongoi rirun ra intok maalur, mongoi ra ulun ondo' sala' ka Jaudi.’ ”

RINALATAN 22:7

Ginio ra laub aku ak boo ra tana' am nokorongog aku rondo' bolos minindagu raki', ‘Saulus, Saulus! Kua kia imboloo' mu Aku?’

RINALATAN 26:1

Indagu i Agripa ri Paulus, “Raino kaluagan muno magisaung.” Pangani' i Paulus ra pulanu koson kinayang kalindu' nali indagu io boo koson ragitio:

RINALATAN 26:14

Laub akai boo ngaangai'. Mokobolos norongog ku minindagu raki' ra ragu Ibrani, kono, ‘Saulus, Saulus! Kua pangimbolo' kou Raki'? Marualan kou ayuk galama' amon ru manggal kou niayuk Raki'.’

RINALATAN 27:23

Sabap ra mokoondo' malaikat minatong raki' ra rondom i. Sinusub io ri Aki Kapuuno' ondo' sambaan kuno am ondo' masalok sumimpung raki'.

RINALATAN 9:15

Kaa' indagu Tuhan no riso, “Ugar no, sabap ra io pinili' Ku mangandoi Raki', koson mampasaboi ra tanou intor Raki' ra ngaangai' bansa' ondo' sala' ka Jaudi am raja'-raja' am niayuk ulun ru Israil.

ROMA 1:16

Ginio ra mangintopot aku toojo ra Tanou Moonsoi ti mampakito ra kuasa' ri Aki Kapuuno' mamayag ra ngaangai' ulun ondo' mangintopot ri Jisus, kasaa' ra ulun ru Jaudi am niayuk ra bansa' ra bokon.

ROMA 1:5

Ralalom ru inggalan Nano noyo tinimpok taaki' ri Aki Kapuuno' raki' kandoi masauk ra rasul, koson mangandoi aku ri Kristus am magibit ra ngaangai' ulun mangintopot am gumagaya' Riso.

ROMA 1:9

I Aki Kapuuno' noyo sasi' ra atan ondo' raguon kutu motopot. Io no i Aki Kapuuno' ondo' pangandayan kuno ra sotopot-topot ru guang ra mampasaboi ra Tanou Moonsoi intor ra Anak Nano. Moonong ra aku makiasi' karaan takamin am makitaak ri Aki Kapuuno' ra poongoyon No aku ramuyun maya' ra kasagaan Nano.

ROMA 11:13

Raino mindagu aku ramuyun ulun sala' ka Jaudi, buoi aku mampaugar ra kandoi koson ra sangulun rasul ra ulun sala' ka Jaudi, karaan ku kandoi ragitio maatang kaga'.

ROMA 15:16

Pinili' No aku masauk ra ulipon ri Kristus Jisus koson mangindangan ra ulun sala' ka Jaudi. Mampaugar aku ra kandoi koson sangulun imam ondo' mampabala' ra Tanou Moonsoi intor ri Aki Kapuuno'. Maa' raginio, ulun sala' ka Jaudi patimpokon ri Aki Kapuuno' ru Ambiluo Nano koson rondo' taak ondo' mapabansuk Riso.

ROMA 15:29

Paat ra aku makaratong ra giu', maaru' mauli' barakat ri Kristus ramuyun.

ROMA 16:18

Sabap ra ilo ondo' mambaal raginio kalo mampakaatang ri Kristus, Tuhan takau, kaa' mampakaatang ayuk ra kasagaan nilo galama'. Ragu nilo ra mangaamis am mangambi' mamparuung ra ulun ondo' kalo maindalom ra kalaatan.

ROMA 16:25

Omporo' noyo i Aki Kapuuno'! Makakuasa' Io mampaikang ra pangintapatan mino sumugut ra Tanou Moonsoi intor ri Jisus Kristus ondo' pinabala' kuno ramuyun. Ginio potonowon kuno sumugut ra ondo' pinaintalang noyo ri Aki Kapuuno' raki', ioginio katapatan ondo' kalo igondo' pinabala' intor ra galing i.

1 KORINTUS 1:1

Pabukat kau ngaangai', ulun Kristian ru bandar Korintus. Surat ti intor raki', i Paulus am niayuk i Sostinus. Akau piniau noyo ri Aki Kapuuno' koson masauk ra ulun Nano, sabap ra akau longgom ri Jisus Kristus, nogondo' ra ngaangai' ulun ra ati ayuk intok ondo' sumamba ra Tuhan takau i Jisus Kristus, ioginio Tuhan nilo am niayuk Tuhan takau. Tinulisan ku surat ti ramuyun koson ra aku rasul ri Jisus Kristus, ondo' pinili' ri Aki Kapuuno' galama' maya' ra kasagaan Nano.

1 KORINTUS 9:1

Kalo boo uliponon aku ru kaulayan ru Jaudi. Aku ti sangulun rasul. Nakakito aku no toojo ri Jisus, Tuhan takau am akau no ampos ru kandoi kuli.

2 KORINTUS 1:1

Pabukat kau ngaangai' ra pasimpungan ulun Kristian ra bandar Korintus am poyo ngaangai' ulun ri Aki Kapuuno' ra pagun Akaya. Surat ti intor raki', i Paulus, rasul ri Jisus Kristus ondo' piniau ri Aki Kapuuno', am intor ra pabukat takau i Timotius. Gama' ru i Aki Kapuuno', Ama' takau am i Tuhan Jisus Kristus manaak ramuyun ra barakat am pabansayan.

2 KORINTUS 11:5

Kaa' guang ku kalo niayuk nakatauli aku intor ra “rasul” ondo' kinaatang mino.

2 KORINTUS 11:7

Paat ra aku nampabala' ra Tanou Moonsoi ramuyun kalo nakibalos aku ra atan-atan. Ginio binaal kuno ra guang minggana' koson mangurumat ramuyun. Nakasala aku kia? Kalo!

2 KORINTUS 12:11

Akau no nangkinibit raki' mindagu koson ra sasambungon. Akau ondo' sotopot no musiti' mongompor raki'. Kabalu' pana aku ti kolondo' kon onong, kaa' kalo noyo nakatauli aku intor ra “rasul-rasul” ondo' kinaatang mino.

2 KORINTUS 2:12

Paat ra aku nakasaboi ra bandar Troas koson mampabala' ra Tanou Moonsoi ri Kristus i, ilain ku ra pinongo noyo kalalair ru Tuhan ralan kuno mangandoi ra giu' i.

2 KORINTUS 4:5

Pai' ru mampasaboi akai ra tanou mai galama', kaa' tanou ra i Jisus Kristus noyo Tuhan, am akai ti ulipon min ayuk sabap ri Jisus.

GALATIA 1:1

Aku i Paulus, ondo' nasauk ra rasul sala' ka sumugut ra kasagaan ru ulun kapoam susuban ru ulun, kaa' intor ra susuban ri Jisus Kristus am i Aki Kapuuno', Io no i Ama' ondo' namayag saguli' ri Jisus intor ra kapatayan.

IPISUS 1:1

Aku gitio i Paulus, sangulun rasul ri Jisus Kristus sumugut ra kasagaan ri Aki Kapuuno'. Surat ti posoboyon ku ra ulun ri Aki Kapuuno' ondo' sumugut ri Jisus Kristus giu' ra Ipisus.

IPISUS 1:13

Akau niayuk nasauk noyo ra ulun ri Aki Kapuuno' paat ra akau nokorongog ra tanou ondo' motopot no, ioginio Tanou Moonsoi ondo' nagibit ra pamayagan. Nangintopot kau Riso am tinatanduan kano ri Aki Kapuuno' ra inanian kau ra Ambiluo Nano ondo' binantu' no.

IPISUS 4:11

Io no nangani' ra ulun ra taak; mokoondo' sinauk Nano ra rasul am bokon no nabi; mokoondo' poyo sinauk Nano ra ulun mampasaboi ra Tanou Moonsoi, am bokon no magagalung kapoam mangingila' ra pasimpungan ulun Kristian.

SAGULION 10:8

Giu' rasawat ru gunung, Tuhan nampasauk ra ulun intor ra bansa' ru Liwi koson magalung ra Kaban Nabantuan, am koson mangandoi Riso koson imam, am niayuk koson mindagu ra barakat ralalom ru inggalan Nano. Saboi raino lakat poyo bansa' ru Liwi mambaal ra kandoi raginio.

PILIPI 1:1

Aku i Paulus mabaya' ri Timotius, ondo' ulipon akai ti ri Jisus Kristus. Pabukat kau ngaangai' giu' ra bandar Pilipi, ulun ri Aki Kapuuno' ondo' nakasimpung noyo ri Kristus am tingganai mino am poyo ilo ondo' mangindangan risilo no.

PILIPI 2:11

Am ngaangai' nilo pana mangiou ra i Jisus Kristus noyo Tuhan; Intor raginio katulayon boo i Aki Kapuuno', Ama' takau.

KOLOSI 1:1

Aku i Paulus, sangulun rasul ondo' mampasaboi ra tanou ri Jisus Kristus am poyo i Timotius, pabukat takau ra Kristian.

KOLOSI 1:25

Sumugut ra kasagaan ri Aki Kapuuno' aku nasauk sangulun ulipon ru pasimpungan ulun Kristian, ioginio mampasaboi ra Tanou Moonsoi.

1 TISALONIKA 2:2

Nakapandai kau ra kalo poyo nakaratong akai ramuyun ra Tisalonika, inimbolo' am inasaban akai giu' ra bandar Pilipi. Kaa' iou pana masuang ulun tumula' ramon ragili, inindangan akai ri Aki Kapuuno' ra makaatas akai mampasaboi ra Tanou Moonsoi ondo' intor Riso.

1 TISALONIKA 2:8

Sabap ra kinotogom mai ramuyun, nakatampos akai no sala' ka mampasaboi ra Tanou Moonsoi intor ri Aki Kapuuno' no ayuk, kaa' suku' mampataak ra painawo maiti pana ramuyun. Sabap ra maayo toojo togom maiti ramuyun!

1 TISALONIKA 2:9

Pabukat ku ngai', maaru' makara' min noyo kandoi am bagui maili paat ra akai nampasaboi ra Tanou Moonsoi ri Aki Kapuuno' ti ramuyun. Mangalandaman akai nangandoi koson kalo nantipagon ra osoi ayuk pana intor ramuyun.

1 TIMOTIUS 1:1

Aku i Paulus, sangulun rasul ri Jisus Kristus maya' ra susuban ri Aki Kapuuno', Mamamayag takau, am ri Jisus Kristus ondo' kalansanan takau.

1 TIMOTIUS 2:7

Am ginio nai ra aku ti pinasauk ra rasul am mangingila' ra tayar ru ulun sala' ka Jaudi, koson mampatanou ra pangintapatan ondo' motopot. Am motopot ngaangai' rinagu kutu, pai' ru magabau aku.

2 TIMOTIUS 1:11

Sinauk aku ri Aki Kapuuno' ra sangulun rasul am mangingila', koson mampasaboi ra Tanou Moonsoi ti.

TITUS 1:1

Aku i Paulus mamatik ra surat ti koson sangulun ulipon ri Aki Kapuuno' am sangulun rasul ri Jisus Kristus. Aku pinili' koson mampaingkotog ra pangintapatan ru ulun pinili' ri Aki Kapuuno' am mampaintutun risilo ra pangilaan motopot sumugut ra ugama takau.

IBRANI 5:4

Kolondo' sangulun galama' mampili' sumauk ra Tingganai Maayo Imam, kaa' piawon io ri Aki Kapuuno', koson i Arun piniau ra galing i.

IBRANI 7:26

I Jisus ti noyo Tingganai Maayo Imam ondo' makapangindangan ritakau. Sala' ka Io koson ra ulun makatula, matulai Io, kolondo' sala kapoam tula, am kinayang Io giu' ra suruga'.

JAKUBUS 1:1

Aku i Jakubus, sangulun ulipon ri Aki Kapuuno' am niayuk ulipon ru Tuhan Jisus Kristus. Kaansayan ku ra ngaangai' ulun ri Aki Kapuuno' ondo' soroi ra titikop ru tana' ti.

1 PITRUS 4:17

Maar noyo masuku' paat ri Aki Kapuuno' mangakim ra ulun ru tana' ti, am Ulun Nano akimin No galing. Amon ru itakau noyo talimpuunan Nano, atan masauk ra tauli no risilo ondo' kalo nangintopot ra Tanou Moonsoi intor ri Aki Kapuuno' i?

2 PITRUS 1:1

Surat ti intor raki', i Simon Pitrus, sangulun ulipon am rasul ri Jisus Kristus. Gitio posoboyon ku ramuyun, pabukat kau sabap ra mansail ra katapatan ri Jisus Kristus io no i Aki Kapuuno', Mamamayag takau, mangintopot kau toojo mogondo' ramon.

JUDAS 1:1

Aku i Judas, sangulun ulipon ri Jisus Kristus am pabukat niayuk ri Jakubus. Pabukat kau ondo' piniau am ondo' tagamin ri Aki Kapuuno', Ama' takau, am ondo' alungin ri Jisus Kristus:

PINAINTALANG 1:1

Gitio noyo ondo' pinaintalang ri Jisus ra baal ondo' masauk no. Ioginio, tinaakan ri Aki Kapuuno' ralalom inggalan ri Jisus koson mampakito ra ulun pinili' Nano ra atan ondo' saukon Nano kalo boo mabuoi tumalimpuun. Nambala' i Kristus ra baal ragitio ra ulipon Nali i Juanis, pinabala' galing ra sangulun malaikat ondo' sinusub Nano,

PINAINTALANG 22:6

Indagu boo malaikat no raki', “Ragu ragitio motopot am malansanan. I Aki Kapuuno', Tuhan ondo' mansail ra Ambiluo Nano manguasa' ra nabi-nabi, nanusub ra malaikat no mampakito ra ulipon-ulipon Nano atan maaru' masauk ra maagu no.”

PINAINTALANG 22:9

kaa' indagu io raki', “Pai' aku sambaa'. Sambaa' noyo i Aki Kapuuno'. Sabap ra aku pana rangan mangngandoi muno, am koson ra pabukat-pabukat muno ioginio nabi-nabi no, am ngaangai' ondo' gumagaya' ra bala' tinulisan ra kitab ragitio.”