RINALATAN 9:40 - Tanou Moonsoi Timugon

⁴⁰ Susubo' ilo ri Pitrus mingkual, igulatur io boo am pakiasi'. Kopongo ragili inggaari' no baangkai ri Dorkas ti am indagu, “Tabita, sukal no!” Singkarato' no mato nali, am paat ra io nakakito ri Pitrus, panturung io boo.

RINALATAN 9:40 ပူးပေါင်းရင်းမြစ်များ

2 RAJA'-RAJA' 20:11

Pakiasi' i Jisaya ra Tuhan, am pambaal Tuhan ra babara' no liminugut ra mopor ngagaris ra tatandu' ru jam mato ru orou ondo' binaal ru Raja' Agas.

MATIUS 6:6

Kaa' paat ra akau makiasi' subol no ra lamin mino am angabi', am pakiasi' no ri Ama' mino ondo' kalo makito no. I Ama' mino ondo' makapandai ra baal moonsoi mino ra makasibuni no, mangatang ra barakat no ramuyun.

MATIUS 9:25

Kaa' pakaingkual ayuk ulun-ulun no, subol i Jisus ralalom ru lamin ru anak ruandu' no am guuto' no kalindu' no. Anak ruandu' i pana liminuat.

MARKUS 9:25

Paat ri Jisus nakakito ra ulun masuang mongoi limpu, susubo' No riwato no, “Riwato mampakabarat am mompokobobou, susubon tokou mingkual intor ra lalaing ti am pai' no subol saguli'!”

LUKAS 22:41

Inggalur Io poyo boo koborok, olo'-olo' koson ra galur ru kababalan ra batu, igulatur am pakiasi' Io, indagu Io,

LUKAS 8:54

Guuto' ri Jisus longon ru anak no am indagu Io ra mosongou, “Anak, sukal no!”

RINALATAN 20:36

Pakapambilin i Paulus, igulatur io boo nabaya' ra ulun-ulun ondo' nangkirongog riso am pakiasi' ilo.

RINALATAN 21:5

Kaa' nasuku' noyo orou ugaran mai, ugar akai ayuk manunggul ra pangkiralanan mai ti. Ngaangai' ilo nabaya' ra andu' am anak nilai pana nangator ramon polos ra liwar ru bandar. Giu' ra nagas ru raat i, igulatur akai ngaangai' am pakiasi'.

RINALATAN 28:8

Paat ragili niayuk ama' ri Pabilus luluya' marualan, sabap ra natiu' ra salom am makatai' ra raraa'. Ginio ra subol i Paulus ra lamin nano, pakiasi' io, pabantaa' no boo kalindu' nali riso am kababas io boo.

RINALATAN 7:60

Igulatur io am pompogolok poyo ra mosongou, “Tuhan, pai' polosoo' tula ti sumaboi risilo!” Paat ragili niayuk i Stipanus minatoi.