RINALATAN 9:39 - Tanou Moonsoi Timugon

³⁹ Tampos i Pitrus am baya' risilo. Pakasuku' ra giu' i, ibito' io ra lamin ru rasawat i. Ngaangai' napuor liminimpu ri Pitrus liliwa' nantangi' am patalango' nilo bayang am sukub ondo' pinikit ri Dorkas i risilo ra io lakat ayuk poyo soroi.

RINALATAN 9:39 ပူးပေါင်းရင်းမြစ်များ

2 SAMUIL 1:24

“Akau ruandu'-ruandu' ru Israil, pangulir kano ra Raja' Saul. Pinambayang no akau ra bayang malia' ondo' mologo, linimpor no akau ra mas am batu mologo.

AMSAL 10:7

Ulun moonsoi masalok karaan, kaa' ulun malaat mataki' lilianin.

MAMPATANOU 9:10

Tandaa' toojo kandoi min, sabap giu' ra tana' ru ulun minatoi kolondo' kandoi, pangkaraan, katutunan, kapoam kapintaran poyo; giu' noyo angayan min.

MATIUS 17:17

Taam i Jisus, “Mumpara' boo kalo mangintopot am liminayau kau! Kula' poyo buoi no Aku sumimpung mayan ramuyun? Kula' poyo buoi no Aku tumaan ramuyun? Ibito' ragiti lalaing no!”

MATIUS 26:11

Ulun musikin masalok mabaya' ramuyun, kaa' Aku kalo mantilayun mabaya' ramuyun.

MARKUS 14:8

Ruandu' ti nambaal ra atan malulu' no kabaal. Nampabuur io ra umau no ra inan Kutu koson namintor ra pampalabangan Raki'.

LUKAS 24:44

Kopongo ragili indagu Io risilo, “Gitio noyo rinagu Kuli ramuyun paat ra Aku lakat ayuk poyo soroi ramuyun i; ra moonong baal ondo' tinulisan intor Raki' ralalom Ukum ri Musa, kitab ru Nabi-Nabi am kitab Mazmur, gitio musiti' ukopon.”

JUANIS 12:8

Ulun musikin masalok soroi ramuyun, kaa' aku kalo.”

JUANIS 17:12

Buoi Aku soroi risilo, inalungan Ku ilo ralalom ru kuasa' ru inggalan Muno – io no kuasa' ondo' pinataak Muno Raki'. Inalungan Ku ilo am kolondo' sangulun pana intor risilo naluus, suai poyo ra sangulun i, ondo' inaru' noyo maluus. Maa' raginio, masugut boo ondo' tinulisan ra Buuk Kitab.

RINALATAN 1:13

Giu' ra Jirusalim minongoi ilo ra baloi inayanan nilo, am pagaloi ilo boo ra lamin ra rasawat. Rasul-rasul no am i Pitrus, Juanis, Jakubus am i Andrias, i Pilipus am i Tomas, i Bartolomius am i Matius, i Jakubus anak ri Alpius, i Simon ulun Patriot am i Judas anak ri Jakubus.

RINALATAN 20:35

Ginio ra nanulu' aku no ramuyun ra amon ru mangandoi takau koson raginio makapangindangan takau ra ulun malawo. Karaa' min ati kulaan bala' ru Tuhan Jisus ra io minindagu, ‘Moonsoi poyo mangani' intor ra makitaak.’ ”

RINALATAN 6:1

Paat ragili niayuk siminuang ulun ondo' mangintopot ri Jisus i, am nansasangor boo ulun ru Jaudi ondo' mindagu ra ragu Junani am ondo' mindagu ra ragu Ibrani. Ilo ondo' mindagu ra ragu Junani ti nanguu' ra bokon ra napuor nilo ti linilianan ra kalo aniin ra ruit moonong orou.

RINALATAN 8:2

Mokoondo' kukula' ngaulun ondo' sumugut toojo ri Aki Kapuuno' nompolobong ra baangkai ri Stipanus, am tangii' nilo boo io.

RINALATAN 9:41

Guuto' ri Pitrus longon nali am indangano' no bigor. Piawo' no boo ulun ondo' nangintopot am niayuk napuor-napuor, koson nampakito risilo ra naayag io poyo saguli'.

2 KORINTUS 8:12

Amon maayo guang min mangani', apuon ri Aki Kapuuno' taak mino maya' ra atan ondo' mataakan min, sala' ka maya' ra ondo' kalo mataakan min.

IPISUS 4:28

Osoi ayuk mantatakou, moonsoi langgain no am mangandoi koson maginakan io galama' am niayuk makapangindangan boo ra ulun musikin.

1 TISALONIKA 1:3

Makara' mai ralalom pakiasian mai ri Aki Kapuuno', Ama' takau, ati kulaan akau mangintopot ri Kristus, motogom kau ra ulun bokon suku' mapirot toojo mangindangan risilo am poyo maikang lansan mino ra Tuhan takau i Jisus Kristus.

1 TISALONIKA 4:13

Pabukat ku ngai', masaga' akai ra akau makapandai ra sauk ru ulun namagatoi, maa' raginio kalo mangiluk guang min, koson ra ulun ondo' kolondo' kalansanan no.

1 TIMOTIUS 5:3

Pakaraa' noyo ulun mangintopot ra napuor no ondo' totopot kolondo' magalung risilo.

1 TIMOTIUS 5:5

Napuor ondo' totopot misasangulun ayuk, koson kolondo' magalung riso, malansan io ayuk ri Aki Kapuuno'. Orou-rondom kalo lulumonggo' io makiasi' koson makitaak ra kaindanganan Nano.

1 JUANIS 3:18

Pabukat kau ngaangai'! Togom mino sala' ka raragu ayuk. Itakau musiti' motogom intor ra guang mabanis, ondo' makito ru ulun ralalom baalon takau.