RINALATAN 9:36 - Tanou Moonsoi Timugon

³⁶ Giu' ra Jopi mokoondo' poyo sangulun ruandu' makainggalan ri Tabita. Nangintopot io ri Jisus. (Inggalan nano ralalom ragu ru Junani am i Dorkas ondo' makaarati' “Tambang”.) Masalok moonsoi baalon nano am mangindangan io niayuk ra ulun musikin.

RINALATAN 9:36 ပူးပေါင်းရင်းမြစ်များ

2 TUNUNG RU BANSA' ISRAIL 2:16

Tagaron mai tataun sidar giu' ra kagunungan Libanon ra kinasuang ondo' kitaakon muno. Bongkoson mai tataun-tataun balak no masauk ra rakit, am abason ginio giu' ra raat saboi ra Jopi. Intor ra giu' no maibit mu ginilo ra Jirusalim.”

IJRA 3:7

Mamagun nanaak ra ruit koson pambayar ra gaji' ru ulun manukang ra batu am ulun manukang ra tataun. Ilo niayuk nangator ra akanon, inumon am umau jaitun giu' ra bandar Tirus am Sidon koson aligin ra tataun sidar intor ra Libanon. Tataun no inibit ra Japo pinaaya' ra raat. Ngaangai' kandoi no binaal ra pangiawan intor ra Raja' Koris, raja' ru Pirsia.

AMSAL 5:19

Ralaa mantalur am maligag koson ra paus. Polosoo' batang ru inan nano makabunduk toojo ra guang muno am laya' nano makakara' mu ayuk.

RIMBAI PANGAMPARAN 2:9

Ambai kuno koson ra paus; io koson ra anak ru tambang. Minigor io ra sapapa' ru timbok, mato nano mongoror, am mansigo intor ra luang-luang ru pagimpalan.

RIMBAI PANGAMPARAN 3:5

Pangatang no ra bantu', alii ra ralaa-ralaa ru Jirusalim, ralalom inggalan ru tambang am paus giu' ra limayak, ra kalo mangiis kau ra pangkubayawan maino.

RIMBAI PANGAMPARAN 8:14

Ibok no, alii ra ambai kuno, ratong no koson ra sanginan paus, koson ra anak ru tambang rasawat ru gunung intok nantanaman ra apa' pampagamis ra akanon.

JUNUS 1:3

Kaa minongoi i Junus ra intok ru bokon koson minggalur ra Tuhan. Minongoi i Junus ra Jopi, am nakainamot ra kapal ondo' mongoi ra Sipanyol. Pakapambayar ra tambang, sakoi i Junus ra kapal; nasundoi io nababaya' ra ulun-ulun ru kapal mongoi ra Sipanyol, maa' raginio makainggalur io intor ra Tuhan.

MATIUS 25:17

Mogondo' niayuk ra ulipon ondo' inanian ra ruo ngaribu ruit mas ni ra nakaalap io ruo ngaribu poyo.

JUANIS 15:5

Aku noyo puun ru anggur am akau noyo pango. Osoi ayuk rumondon Raki', am Aku rumondon riso, makapangkawa' io ra maawas; kaa' amon ru kalo mangindangan Aku ramuyun, kalo makapambaal kau ra atan ayuk pana.

JUANIS 15:8

I Ama' katulayon ra akau manangkawa' ra maawas; gitio noyo ra akau mauligan ra maamaya' Kuno.

RINALATAN 10:23

Kimaiti' ilo boo ri Pitrus mombolong ra inayanan nano buoi sorondom. Io suabon, tampos i Pitrus am baya' risilo. Mokoondo' niayuk kukula' ngaulun nangintopot pana intor ra Jopi minaya' riso.

RINALATAN 10:31

Indagu io, ‘Konilius! Norongog noyo ri Aki Kapuuno' pakiasian muno am nangkara' io ra kataawan ru guang muno.

RINALATAN 10:8

Kapiau no raiti, tunungo' boo ri Konilius risilo atan ondo' nasauk riso i am panusub risilo mongoi ra Jopi.

RINALATAN 11:13

Tunungo' boo ri Konilius ramon ati kulaan io nakakito ra sangulun malaikat minigor ra baloi nali am indagu, ‘Panusub ra ulun mongoi ra Jopi mampiau ra sangulun ungkuyon makainggalan ri Simon Pitrus.

RINALATAN 11:5

“Tatanga' ra aku nakiasi' ri Aki Kapuuno' giu' ra Jopi, nakito ku rondo' pagilangan. Nakito ku koson sampila' konoon mapila' ondo' nakatair ra kaapat-apat pisuk nano pinatuun intor ra limbowon ra tuma' kuli.

RINALATAN 9:38

Jopi ti kalo maalur intor ra Lida. Paat ra ulun nangintopot ri Jisus intor ra Jopi nokorongog ra i Pitrus soroi ra Lida, pambilin ilo ra ruo ngaulun intor risilo mongoi ri Pitrus. Pambala' ilo riso, konilai, “Ribaki' noyo am ratong ra Jopi.”

RINALATAN 9:42

Tanou raginio nakatabual ra ngaangai' intok giu' ra Jopi, saboi masuang ulun nangintopot ra Tuhan.

IPISUS 2:10

I Aki Kapuuno' noyo nambaal ritakau, am sabap ra pasimpungan takau ri Kristus Jisus, nangatang Io ra kiralan ru kaayagan takau koson mambaal ra moonsoi. Gitio ondo' tinampos no kalalair ra pabaalin ritakau.

PILIPI 1:11

Intor raginio, kaayagan mino mauli' ra baal topot-topot moonsoi ondo' kondoyon ri Jisus Kristus, am bagu raginio katulayon am omporon boo i Aki Kapuuno'.

KOLOSI 1:10

Kon raginio boo ra maayag kau sumugut ra kasagaan Nano am makapapabansuk ra guang Nano, ioginio kaayagan min magibit ra nansalinut baal moonsoi am mulu' poyo makaintutun kau ri Aki Kapuuno'.

1 TISALONIKA 4:10

Am ginio pinakito min noyo ra ulun-ulun Kristian ra tikop-tikop ru pagun Makidonia. Kaa' pabukat ku ngai', kitaakon takamin mirot poyo toojo mapabansuk ra guang ri Aki Kapuuno'.

1 TIMOTIUS 5:10

am kauligan mambaal ra moonsoi koson; matanda' nampasukor ra anak nano, mataau mangapu ra tambului, maluoi mangindangan ra ulun Kristian suku' ra kandoi kalo maatang, mangindangan ra ulun makakapaganan am mapirot io mambaal ra atan ayuk kandoi moonsoi.

TITUS 2:14

Pinataak No painawo Nano, maa' raginio makapamayag Io ritakau am mampainggalur ritakau intor ra nansalinut kalaatan am makapagibit ritakau masauk ra ulun Nano ondo' mirot poyo mambaal ra kandoi moonsoi.

TITUS 2:7

Ralalom ngaangai' baal okou musiti' masauk ra tiluan moonsoi toojo am pangilaan muno pana musiti' mabanis am mapirot.

TITUS 3:8

Motopot ragu raginii. Masaga' aku ra mampakaatang kou toojo ra kaintutunan raginio, maa' raginio ilo ondo' mangintopot ri Aki Kapuuno' makapambaal ra kandoi moonsoi. Ngaangai' ti moonsoi toojo am mokoonong ra ngaangai' ulun.

IBRANI 13:21

Gama' ru mangani' Io ramuyun ra moonong baal moonsoi, koson makapambaal kau ra kasagaan Nano. Gama' ru ralalom ri Jisus Kristus noyo, mampasauk Io ra kasagaan Nano ralalom kaayagan takau. Musiti' takau mongompor ri Kristus ra sabuoi-buoi no! Amin.

JAKUBUS 1:27

Kaa' panginsugutan ra motopot ondo' moonsoi toojo ra pagilangan ri Aki Kapuuno', Ama' takau, ioginio; mangindangan ra lalaing ra kolondo' matuo am poyo napuor ondo' makakapaganan, am niayuk magalung ra guang galama' koson ra kalo jamalin ru kalaatan ru tana' ti.

JOSUA 19:46

Mi-Jarkon am niayuk Rakon, am niayuk intok giu' ra liliut ru Jopi.