RINALATAN 9:35 - Tanou Moonsoi Timugon

³⁵ Ginio ra ngaangai' ulun ondo' minayan ra Lida am Saron nakakito ra atan nasauk ri Inias, am ilo ti pana nangintopot boo ra Tuhan.

RINALATAN 9:35 ပူးပေါင်းရင်းမြစ်များ

1 TUNUNG RU BANSA' ISRAIL 5:16

Bansa' raginilo minayan giu' ra wilayah Basan am Giliad, am giu' ra bandar-bandar giu' ra wilayah raginio, am niayuk giu' ra titikop ru padang ru sakot Saron.

1 TUNUNG RU BANSA' ISRAIL 8:12

I Ilpaal mokoondo' talu anak ungkuyon: Ibir, Misam am Simid. I Simid noyo ondo' nambaal ra bandar Ono am Lod, am niayuk pekan-pekan giu' ra liliut no.

NIGIMIA 11:35

Lod, Ono am giu' ra Limayak Tukang.

MAZMUR 110:3

Bulintok ra okou matong ra makakuasa', giu' ra bulur matulai, ulun muno masaga' mangindangan ayuk toojo. Koson ra bolobou bulintok ra susuab ti, nasuangan ru buayoi rumatong rirun.

MAZMUR 22:27

Ulun balabag mangkan am maasug; ilo ondo' matong ra Tuhan mongompor Riso. Gama' lumangkaya' ilo ra sabubuoi no!

JISAYA 31:6

Tuhan mindagu, “Akau ulun ru Israil, makatula kau Raki' am manggal Raki'. Kaa' ragino saguli' kano Raki'!

JISAYA 33:9

Pagun nokoloso am masiluk. Kataunan ra Libanon nasauk liminonot; limayak Saron ra malabung nasauk koson ra tana' kaagisan; giu' ra Basan am Gunung Karmil raun-raun nangatutu'.

JISAYA 35:2

Tana' kaagisan no marimbai am magitapap makaansuk, am masauk koson ra kaantakan ru kagunungan Libanon am niayuk koson ra kinalabung ru umo giu' ra Karmil am Saron. Moonong ulun makakito ra katulayan ru Tuhan, magilong ra katulayan am kuasa' Nano.

JISAYA 65:10

Sumamba ilo Raki', am maningganai ra tambiag nilo mongoi ra Dataran Saron tampilon ra kalasaan, am giu' ra Limayak Akor tampilon ra sirangon.

JISAYA 66:8

Nakaili' kia osoi-osoi nakakito kapoam nokorongog ra baal koson raginio? Nakaili' kia rondo' bansa' inanak ra songorou? Sion kalo boo mabuoi maimbolo'; bansa' raginio anakon mataki'.

SULABOI 3:40

Ibok no tutuno' takau kaayagan takau, am saguli' no ra Tuhan.

GOSIA 12:6

I Aki Kapuuno' no Tuhan Ondo' Maayo Kaga' Kuasa'. Inggalan Nano Tuhan. Inggalan raginio noyo Io masaga' ra ulun sumambayang Riso.

GOSIA 14:2

Saguli' no ra Tuhan, i Aki Kapuuno' min, ulun ru Israil kau. Tula min nangkinibit ramuyun nakasunsuyar am naratu'.

JOIL 2:13

Polosoon noyo guang min ra matutuk no mampakito ra guang pansagulian, pai' ayuk rilako' bayang.” Saguli' no ra Tuhan i Aki Kapuuno' mino. Io no motogom am napanu' ra asi'; Io no tumaan guang am manugut ra bantu' Nano; Io no magail makatampos mangampun am kalo masaga' mangukum.

RINALATAN 11:21

Kuasa' ru Tuhan mabaya' risilo saboi masuang ulun nangintopot am minaya' ra Tuhan.

RINALATAN 15:19

Pupusi' ri Jakubus, kono, “Sumugut ra pamaguangan kuno, pai' takau pantipagon ra ulun sala' ka Jaudi ondo' raino mangintopot ri Aki Kapuuno'.

RINALATAN 19:10

Sabuoi ruo ngambilor io nambaal raginio am ngaangai' ulun ra pagun ru Asia, io no ulun ru Jaudi am niayuk ulun sala' ka Jaudi, nokorongog niayuk ra bala' intor ra Tuhan.

RINALATAN 19:20

Kon raginio noyo ra bala' intor ra Tuhan nakatabual poyo am masuang poyo boo ulun nangintopot ri Jisus.

RINALATAN 2:47

Mongongompor ilo ri Aki Kapuuno' am kaansayin ilo ru ngaangai' ulun. Moonong orou ruangin ru Tuhan suang nilo ra ulun ondo' bayagon ri Aki Kapuuno'.

RINALATAN 4:4

Kaa' masuang ulun ondo' nokorongog ra pambalaan ru rasul-rasul nangintopot ri Jisus. Suang nilo riminuang saboi olo'-olo' limo ngaribu ngaulun.

RINALATAN 6:7

Kon raginio noyo Tanou Moonsoi ri Aki Kapuuno' nakatabual poyo am giu' ra Jirusalim i pana, riminuang poyo boo ondo' mangintopot ri Jisus. Masuang poyo imam Jaudi ondo' nangintopot.

RINALATAN 9:34

Indagu i Pitrus riso, “Inias, i Jisus Kristus mamabas rirun. Sukal no am ruluno' kaalangan muno.” Paat ragili niayuk siminukal i Inias.

RINALATAN 9:42

Tanou raginio nakatabual ra ngaangai' intok giu' ra Jopi, saboi masuang ulun nangintopot ra Tuhan.

2 KORINTUS 3:16

Kaa' paninili no bungkiasin, sabap ra tinulisan noyo ra Buuk Kitab, “Binungkias ri Musa paninili i, paat io nakauma' ra Tuhan.”

SAGULION 4:30

Paat ra akau ralalom kapaganan am ngaangai' baal makalalaa' no makalumpa' ramuyun, bagu no sumaguli' kau ra Tuhan i Aki Kapuuno' min am gumagaya' Riso.