RINALATAN 9:32 - Tanou Moonsoi Timugon

³² Minongoi i Pitrus ra ati ayuk intok nanambului ra ulun-ulun mangintopot. Ralalom pangkiralanan nali minongoi io pagilong ra ulun ri Aki Kapuuno' ra bandar Lida.

RINALATAN 9:32 ပူးပေါင်းရင်းမြစ်များ

1 TUNUNG RU BANSA' ISRAIL 8:12

I Ilpaal mokoondo' talu anak ungkuyon: Ibir, Misam am Simid. I Simid noyo ondo' nambaal ra bandar Ono am Lod, am niayuk pekan-pekan giu' ra liliut no.

NIGIMIA 11:35

Lod, Ono am giu' ra Limayak Tukang.

MAZMUR 16:3

Mapara' bobonsoi ru ulun ondo' mampagagaya' ri Aki Kapuuno'! Gumogot aku toojo mababaya' risilo.

AMSAL 2:8

Ampinin No ulun ondo' mabanis guang, mangampin ra ulun ondo' gumagaya' Riso.

MATIUS 27:52

Lobong-lobong nangaukab am masuang ulun ri Aki Kapuuno' ondo' minatoi binayag saguli'.

RINALATAN 1:8

Kaa' akau makaalap ra kuasa' paat ra Ambiluo ri Aki Kapuuno' no matong ramuyun. Masauk kau boo ra sasi' Kuno giu' ra Jirusalim, ngaangai' ra Judia, am Samaria, am saboi ra ati ayuk intok ra tana' ti.”

RINALATAN 26:10

Nambaal aku niayuk koson raginio giu' ra Jirusalim. Inanian aku noyo ra surat pangiawan ru tingganai-tingganai imam Jaudi, ra masuang ulun ri Aki Kapuuno' pasubolon ra lamin pangaputan. Nangiou aku niayuk ra ilo ti potoyon.

RINALATAN 8:14

Kaining boo rasul-rasul ru Jirusalim ra ulun Samaria nangapu ra Tanou Moonsoi, susubo' nilo boo i Pitrus am i Juanis minongoi ra giu' i.

RINALATAN 8:25

Kopongo ilo nangani' ra sasi' am nampatanou ra bala' ru Tuhan, i Pitrus am i Juanis siminaguli' ra Jirusalim. Ralalom pangkiralanan nilai nampasaboi ilo ra Tanou Moonsoi ti ra ati ayuk pekan ru ulun ru Samaria.

RINALATAN 9:13

Kaa' taam i Ananias, “Tuhan, nokorongog aku no intor ra ulun masuang ra kalaatan ondo' binaal ru ulun ti ra ulun Muno giu' ra Jirusalim.

RINALATAN 9:33

Giu' i nakatuum io ra sangulun ungkuyon makainggalan ri Inias, ondo' kalo makalulu' am lumuya' ayuk ra kaalangan nali buoi balu' ngambilor noyo.

RINALATAN 9:41

Guuto' ri Pitrus longon nali am indangano' no bigor. Piawo' no boo ulun ondo' nangintopot am niayuk napuor-napuor, koson nampakito risilo ra naayag io poyo saguli'.

ROMA 1:7

Ginio ra nanulis aku ra surat ti ramuyun ngaangai' ra Roma ondo' tagamin ri Aki Kapuuno' am ondo' piniau noyo masauk ra ulun Nano. Gama' ru Ama' takau i Aki Kapuuno' am i Tuhan Jisus Kristus manaak ramuyun ra barakat am pabansayan.

IPISUS 1:1

Aku gitio i Paulus, sangulun rasul ri Jisus Kristus sumugut ra kasagaan ri Aki Kapuuno'. Surat ti posoboyon ku ra ulun ri Aki Kapuuno' ondo' sumugut ri Jisus Kristus giu' ra Ipisus.

PILIPI 1:1

Aku i Paulus mabaya' ri Timotius, ondo' ulipon akai ti ri Jisus Kristus. Pabukat kau ngaangai' giu' ra bandar Pilipi, ulun ri Aki Kapuuno' ondo' nakasimpung noyo ri Kristus am tingganai mino am poyo ilo ondo' mangindangan risilo no.