RINALATAN 9:27 - Tanou Moonsoi Timugon

²⁷ Kaa' inindangan io ri Barnabas ondo' nagibit riso paumaa' ra rasul-rasul. Tunungo' ri Barnabas risilo ati kulaan i Saulus nakakito ra Tuhan ra tanga' ru ralan am ati kulaan Tuhan minindagu riso. Nambala' io niayuk ra ati kulaan i Saulus makakau' toojo nampasaboi ra Tanou Moonsoi intor ri Jisus giu' ra Damsyik.

RINALATAN 9:27 ပူးပေါင်းရင်းမြစ်များ

RINALATAN 11:22

Kaala' pasimpungan ulun Kristian ra Jirusalim raginio, susubo' nilo i Barnabas minongoi ra Antiokia.

RINALATAN 11:25

Ongoi boo i Barnabas paguyum ri Saulus giu' ra Tarsus.

RINALATAN 12:25

Kopongo kandoi ri Barnabas am i Saulus, saguli' ilo intor ra Jirusalim am paayaan nilo poyo i Juanis Markus.

RINALATAN 13:2

Igondo' ragili, tatanga' ilo sambayang am nampali, indagu Ambiluo ri Aki Kapuuno' no risilo, “Pasuayo' min i Barnabas am i Saulus koson mangangandoi raki' ra kandoi ondo' inaru' Ku noyo risilo.”

RINALATAN 15:2

Kaa' minansang toojo i Paulus am i Barnabas ra pangilaan ru ulun rati. Pupus i, i Paulus, i Barnabas am poyo kukula' ngaulun Kristian intor ra Antiokia pinoongoi ra Jirusalim koson mongoi uma' ra rasul am tingganai ru Kristian ra manalasai ra kapaganan ragitio.

RINALATAN 4:13

Ulun ru Majlis Ugama nangimuag magilong ra kinabaani ri Pitrus am i Juanis, am poyo katutuni' nilo karuo rasul ti sala' ka ulun maatang am kolondo' sikul. Katutuni' nilo boo ruo ngaulun rasul ti rangan toojo ri Jisus.

RINALATAN 4:29

Raino Tuhan, ilai' ati kulaan akai lolobon nilo. Anii' akai, ulipon-ulipon Muti, ra kakawan mampabala' ra tanou Muno.

RINALATAN 4:36

Koson niayuk ri Jusup. Io ti am sangulun papag ru Liwi am inanak Io giu' ra pulu' Siprus. Sabiton io ru rasul ri Barnabas (arati' nano ‘Mampapirot ra guang’).

RINALATAN 9:17

Ginio ra ongoi i Ananias ra baloi i am pabantaa' no kalindu' no ri Saulus. Indagu io, “Saulus, pabukat kuno, i Tuhan Jisus ondo' nakito mu ra tanga' ru ralan paat ra okou minongoi ragiti, nanusub raki' muma' rirun koson makakito kou saguli' am mokoowot ra Ambiluo ri Aki Kapuuno'.”

RINALATAN 9:29

Nakimantaam io niayuk ra ulun ru Jaudi ondo' mindagu ra ragu ru Junani, am nangkinam ilo poyo mamatoi riso.

1 KORINTUS 15:8

Pupus toojo minintalang Io niayuk raki' – aku ti ondo' kalo nakarampot Riso am tauli boo nasauk ra rasul.

1 KORINTUS 9:6

Kapoam akai ruo ri Barnabas ayuk kia musiti' maguyum ra kaukapan ru akanon mai galama'?

GALATIA 2:13

Ulun Kristian bansa' ru Jaudi ra bokon no pana timinilu ra binaal ri Pitrus ti. Mulu' piboo ra Barnabas niayuk nakaaya'-aya' ra paliso nilai ra kalo matanda' ti.

GALATIA 2:9

I Jakubus, Pitrus am i Juanis ondo' karaan ra tingganai, nangiou ilo ra aku sinusub ri Aki Kapuuno' mambaal ra kandoi maatang ti. Ginio ra sikin ilo raki' am niayuk i Barnabas. Ginio tatandu' ra rondo' guang mai mangandoi, aku am i Barnabas mampatanou ra ulun sala' ka Jaudi, liliwa' ilo mampatanou ra ulun ru Jaudi.