RINALATAN 9:22 - Tanou Moonsoi Timugon

²² Kaa' mulu' poyo ikang ru bala' ri Saulus i. Atan ondo' pinabala' nali ra i Jisus noyo Mamamayag ondo' sinusub ri Aki Kapuuno' mintutun toojo, saboi ulun ru Jaudi ondo' minayan ra Damsyik kalo boo makataam riso.

RINALATAN 9:22 ပူးပေါင်းရင်းမြစ်များ

KASAUKAN 49:24

Kaa' panah ri Jusup mokotog, am kalindu' nano paikangon ri Aki Kapuuno' ri Jakub Ondo' Maayo Kaga' Kuasa', iono Magagalung am Mangampin ra ulun ru Israil.

AYUP 17:9

Ulun ondo' moonsoi am kolondo' sala, gumaai mangintopot ra i Aki Kapuuno' mangiou risilo.

MAZMUR 51:13

Pai' aku inggalari' ra ratangan Muno; pai' alapo' Ambiluo Matulai Muno intor raki'.

MAZMUR 84:7

Liliwa' nilo minugar ra lampam Baka ondo' napua', lampam raginio pana makataur boo ru timug; rasam lair namanu' ra kulam-kulam nano.

JISAYA 40:29

Paikangon No ulun ra lamumu', am manaak ra kaikangan ru ulun ondo' lamuoi.

LUKAS 21:15

sabap ra Aku galama' mangani' ramuyun ra kapintaran tumaam, saboi kolondo' sangulun pana pantula' mino makaanggal kapoam makaansang ramuyun.

RINALATAN 17:3

Intor ra Buuk Kitab i, nampaintutun am nampaintopot io risilo ra Mamamayag ondo' sinusub ri Aki Kapuuno' i, maaru' imboloon am maayag saguli' intor ra kapatayan. “I Jisus i noyo ondo' pabalaan kuti ramuyun, Io no Mamamayag ondo' sinusub i,” kon ri Paulus.

RINALATAN 18:5

Pakasaboi i Silas am i Timotius intor ra Makidonia, narayus i Paulus pampasaboi ra tanou ra ngaangai' ulun ru Jaudi ra i Jisus i noyo Mamamayag ondo' sinusub ri Aki Kapuuno'.

RINALATAN 28:23

Ginio ra aruo' nilo rondo' orou pangumaan am masuang ulun minatong ra inayanan ri Paulus. Intor ra iosusuab saboi mamai', nampaintutun toojo i Paulus risilo ra Pamarintaan ri Aki Kapuuno'. Mapirot i Paulus mampaintopot risilo ra ondo' tinulisan ralalom Ukum ri Musa am niayuk Kitab ru Nabi-Nabi bala' niayuk intor ri Jisus.

RINALATAN 9:20

Minongoi io ra ngaangai' baloi sambayangan ra giu' i am timinalimpuun mampatanou ra i Jisus i noyo Anak ri Aki Kapuuno'.

RINALATAN 9:21

Ngaangai' ulun ondo' nokorongog i nangimuag ri Saulus. Nagindagu ilo, “Sala' ka kia io no ondo' giu' ra Jirusalim i namatoi ra ulun ondo' sumamba ri Jisus? Am minatong io ragiti pana koson mamparakop am magibit risilo ra tingganai imam Jaudi?”

RINALATAN 9:23

Kukula' ngoorou ragili, ulun ru Jaudi nangatang mamatoi ri Saulus.

RINALATAN 9:27

Kaa' inindangan io ri Barnabas ondo' nagibit riso paumaa' ra rasul-rasul. Tunungo' ri Barnabas risilo ati kulaan i Saulus nakakito ra Tuhan ra tanga' ru ralan am ati kulaan Tuhan minindagu riso. Nambala' io niayuk ra ati kulaan i Saulus makakau' toojo nampasaboi ra Tanou Moonsoi intor ri Jisus giu' ra Damsyik.

1 KORINTUS 1:27

Siningon ri Aki Kapuuno' nampili' ra ondo' kinara' ra sasambungon ru ulun ru tana' ti, koson mampakauyu' ra ulun-ulun mapintar no. I Aki Kapuuno' niayuk nampili' ra ondo' kinara' ra malawo ru ulun ru tana' ti, koson mampakauyu' ra ulun-ulun maikang no.

GALATIA 1:18

Pakasail talu ngambilor bagu no minongoi aku tuum ri Pitrus giu' ra Jirusalim. Siminimpung aku riso buoi mopor am limo ngoorou.

PILIPI 4:13

Am ngaangai' maalap ku kabaal ralalom ri Kristus ondo' mangani' raki' ra kaikangan.

1 TIMOTIUS 1:12

Maringkuanang aku ri Jisus Kristus, Tuhan takau, sabap ra aku pinaikang am linansanan Nano sumauk ra mangangandoi Riso,