RINALATAN 9:20 - Tanou Moonsoi Timugon

²⁰ Minongoi io ra ngaangai' baloi sambayangan ra giu' i am timinalimpuun mampatanou ra i Jisus i noyo Anak ri Aki Kapuuno'.

RINALATAN 9:20 ပူးပေါင်းရင်းမြစ်များ

MAZMUR 2:12

igulatur no ra tuma' Nano am ra monontol; pai' sukui' Tuhan no sumangit ondo' magibit ra akau pusoon sangkuliop ayuk sabap ra mataki' kaga' sangit Nano masimbula'. Pakaansuk kano ngaangai' ulun ondo' siminindung Riso!

MAZMUR 2:7

Indagu raja', “Potonowon ku atan ondo' pinabala' ru Tuhan. Minindagu Io raki', ‘Okou noyo anak Kuno; paat ra orou raiti' masauk Aku ra Ama' muno.

MATIUS 27:43

Io ti malansan ri Aki Kapuuno' am rokoon no, ‘Anak Aku ri Aki Kapuuno'’. Moonsoi ilai' takau bayagon Io nua' ri Aki Kapuuno' raino.”

MATIUS 27:54

Tingganai ru saujor am saujor-saujor ondo' nantamung ri Jisus ni nalaa' ilo kaga' paat ra ilo nakakito ra tana' ti nauyog am ngaangai' ondo' nasauk ni am indagu, “Motopot toojo Io ti Anak ri Aki Kapuuno'!”

MATIUS 4:3

Pulusat Tingganai ru riwato no am indagu, “Amon ru Anak Kou ri Aki Kapuuno', susubo' batu-batu ti masauk ra ruti'!”

JUANIS 1:49

Indagu i Natanil, “Mangingila', Okou no Anak ri Aki Kapuuno' am raja' ru ulun ru Israil!”

JUANIS 19:7

Taam ulun-ulun ru Jaudi no, “Sumugut ra ukum mai, Io ti musiti' ukumin ra potoyon sabap ra rokoon Nano ra Anak Io ri Aki Kapuuno'.”

JUANIS 20:28

Indagu i Tomas ri Jisus, “Okou no Tuhan kuno am i Aki Kapuuno' kuno.”

JUANIS 20:31

Kaa' ngaangai' ti tinulisan noyo, maa' raginio mangintopot kau ri Jisus noyo Mamamayag ondo' sinusub ri Aki Kapuuno' i, ioginio Anak ri Aki Kapuuno'. Sabap ra pangintapatan mino Riso, mokoowot kau ra kaayagan motopot.

RINALATAN 13:14

Intor ra Pirga, tungguli' nilo poyo pangkiralanan nilai mongoi ra Antiokia ra libung ru Pisidia. Paat ra orou Sabat, minumpos ilo ra baloi sambayangan am nanturung ra giu'.

RINALATAN 13:33

sinauk No noyo ritakau, ioginio papag nilo, ra i Jisus binayag saguli' intor ra kapatayan. Koson tinulisan ra Kitab Mazmur karuo, ‘Okou noyo Anak Kuno, orou raiti' niayuk Aku masauk ra Ama' Muno.’

RINALATAN 13:46

Kaa' mulu' piboo i Paulus am i Barnabas makakau' mindagu, konilo, “Akau no galing sotopot no papasabayan ra bala' intor ri Aki Kapuuno' ti. Kaa' kalo inapu min am pangkaraan min poyo ra kalo noyo maaya' kau mokoowot ra kaayagan motopot am mantilayun ti. Ginio sabap ra akau iruanin mai am mongoi akai poyo ra ulun sala' ka Jaudi.

RINALATAN 13:5

Pakasaboi ra Salamis, nampasaboi ilo ra bala' ri Aki Kapuuno' ra baloi sambayangan. Nangindangan i Juanis Markus risilo.

RINALATAN 14:1

Giu' ra Ikonium pana nogondo' ayuk nasauk: Minongoi i Paulus am i Barnabas ra baloi sambayangan am sabap ra pambalaan nilo masuang ulun ru Jaudi am sala' ka Jaudi pana nangintopot ri Jisus.

RINALATAN 16:13

Paat ra orou Sabat, miningkual akai intor ra bandar am minongoi akai ra kiing ru sungoi, sabap ra pangkaraan mai giu' noyo lair sambayangan ru ulun ru Jaudi. Nanturung am nansunur akai ra ruandu'-ruandu' ondo' timinimung ra giu' i.

RINALATAN 17:10

Rondom ra gili niayuk, ulun Kristian ra giu' i nanusub ri Paulus am i Silas mongoi ra Biria. Pakasuku' ra giu' i, ongoi ilo ra baloi sambayangan.

RINALATAN 17:17

Ginio boo ra, nakimansusunur i Paulus baal raginio giu' ra baloi sambayangan ra ulun ru Jaudi am ulun sala' ka Jaudi pana ondo' sumamba ri Aki Kapuuno'. Giu' ra pasar niayuk moonong orou nakimansunur io ra osoi ayuk mokoondo' ra giu' i.

RINALATAN 17:2

Koson ra kaindalaman no, ongoi i Paulus ra baloi sambayangan ra mangkuot am mangila' io intor ra Buuk Kitab. Saboi intalu ra moonong orou Sabat nambaal io raginio.

RINALATAN 18:19

Pakasaboi ayuk ra bandar Ipisus, tatango' boo ri Paulus i Prisila am i Akwila. Ongoi io ra baloi sambayangan am pakimansunur io ra ulun ru Jaudi ra giu' i.

RINALATAN 18:4

Moonong orou Sabat, minongoi i Paulus pangila' giu' ra baloi sambayangan koson mangkimait ra ulun ru Jaudi am niayuk ulun ru Junani mangintopot ri Jisus.

RINALATAN 19:8

Talu ngambulan buoi ri Paulus nampatanou ra ulun-ulun giu' ra baloi sambayangan am kalo malaa' io. Nakimansunur io risilo koson mampaintopot risilo intor ra Pamarintaan ri Aki Kapuuno'.

RINALATAN 8:36

Paat ra ilo nanunggul ra pangkiralanan nilai, pakasuku' ilo ra intok makatimug. Indagu pagawai no, “Ilai', giti makatimug. Atan poyo manginga' raki' ra aku riwon?” [

RINALATAN 8:37

Indagu i Pilipus, “Mariu' tokou amon ru mangintopot kou toojo.” Taam io, “Mangintopot aku ra i Jisus Kristus i noyo Anak ri Aki Kapuuno'.”]

RINALATAN 9:22

Kaa' mulu' poyo ikang ru bala' ri Saulus i. Atan ondo' pinabala' nali ra i Jisus noyo Mamamayag ondo' sinusub ri Aki Kapuuno' mintutun toojo, saboi ulun ru Jaudi ondo' minayan ra Damsyik kalo boo makataam riso.

ROMA 1:4

kaa' maya' ra papag Nano ra suruga', nampakito i Aki Kapuuno' ra Io no Anak Nano, am ralalom ru kuasa' maayo binayag Io intor ra kapatayan.

GALATIA 1:16

Paat ri Aki Kapuuno' nampaintalang ra Anak Nano raki', koson potonowon ku Tanou Moonsoi ra ulun sala' ka Jaudi, kalo nakitulu' aku ra osoi ayuk pana.

GALATIA 2:20

Ondo' maayag raino ti sala' ka aku, kaa' i Kristus ondo' soroi ralalom kaayagan kuno. Sauk ru kaayagan kuno raino ti intor ra pangintapatan kuno ra Anak ri Aki Kapuuno' ondo' motogom raki' am nampataak ra painawo Nano sabap ra aku.

PINAINTALANG 2:18

“Tulisi' koson ragitio ra malaikat ru pasimpungan ulun Kristian ra bandar Tiatira: “Gitio noyo bilin intor ra Anak ri Aki Kapuuno', ondo' mato Nano mapaang koson ra apui am kalayam Nano makabinusasal koson ra gangsa' ondo' manguliat.