RINALATAN 9:19 - Tanou Moonsoi Timugon

¹⁹ Pakaakan io ayuk ragili, maikang io boo saguli'. Minayan i Saulus ra ulun nangintopot ra kukula' ngoorou giu' ra Damsyik.

RINALATAN 9:19 ပူးပေါင်းရင်းမြစ်များ

MAMPATANOU 9:7

Pangakan no, panginum no, am pakaansuk no! Panginum no ra wain am pakaansuk no; kalo manginggalar i Aki Kapuuno'.

RINALATAN 11:26

Katuum no i Saulus, ibito' no ra Antiokia am buoi sambilor siminimpung ilo ra pasimpungan ulun Kristian ra giu' i liliwa' nangila' risilo. Giu' ra Antiokia noyo maamaya' ri Jisus kainsaa' sabiton ra ulun Kristian.

RINALATAN 11:29

Ginio ra ngaangai' maamaya' ri Jisus ra giu' i nangiou koson mangindangan ra ulun Kristian ra Judia; nangani' ilo maya' ra kamaanan ru sasangulun.

RINALATAN 26:20

Ginio ra mambala' aku toojo ra ulun ra musiti' ilo tumalikur intor ra tula nilo am sumaguli' ri Aki Kapuuno', am niayuk maayag ra matanda'. Giu' ra Damsyik galing nambalaan kuno raginio, giu' poyo ra Jirusalim am niayuk ngaangai' ru Judia am poyo intok ru ulun sala' ka Jaudi.

RINALATAN 9:18

Paat ragili niayuk mokoondo' koson ra sisi' ru papait naratu' intor ra mato ri Saulus am makakito io boo saguli'. Sukal io boo am riwo' io.

RINALATAN 9:26

Ongoi i Saulus ra Jirusalim am kuminam io sumimpung ra maamaya' ri Jisus. Kaa' nalaa' ilo riso, sabap ra kalo nangintopot ilo ra i Saulus totopot nasauk ra maamaya' ri Jisus.

RINALATAN 9:38

Jopi ti kalo maalur intor ra Lida. Paat ra ulun nangintopot ri Jisus intor ra Jopi nokorongog ra i Pitrus soroi ra Lida, pambilin ilo ra ruo ngaulun intor risilo mongoi ri Pitrus. Pambala' ilo riso, konilai, “Ribaki' noyo am ratong ra Jopi.”

GALATIA 1:17

Kalo minongoi aku ra Jirusalim muma' risilo ondo' nakasigulu nasauk ra rasul intor raki'. Kaa' narayus aku ayuk minongoi ra pagun ru Arab, am kopongo ragili saguli' aku boo ra bandar Damsyik.

1 SAMUIL 30:12

am niayuk kukula' kuui ru ara am ruo ngantiis kismis. Pakaakan io, maikang io boo saguli'; napandayan ra talu ngoorou noyo io kalo nakaakan am nakainum!