RINALATAN 9:18 - Tanou Moonsoi Timugon

¹⁸ Paat ragili niayuk mokoondo' koson ra sisi' ru papait naratu' intor ra mato ri Saulus am makakito io boo saguli'. Sukal io boo am riwo' io.

RINALATAN 9:18 ပူးပေါင်းရင်းမြစ်များ

RINALATAN 2:38

Taam i Pitrus, “Talikur kau ngai' intor ra tula mino. Musiti' akau riwon ralalom inggalan ri Jisus Kristus, koson ra tula mino ampunon. Akau pana makaapu ra taak intor ri Aki Kapuuno', ioginio Ambiluo ri Aki Kapuuno'.

RINALATAN 2:41

Masuang ulun nangintopot ra rinagu ri Pitrus, am ilo pana riniu'. Suang ru ulun nangintopot ri Kristus paat ra orou raginio riminuang poyo ra talu ngaribu ngaulun.

RINALATAN 22:13

Minongoi io pagilong raki', bigor io ra sapapa' kuli am indagu, ‘Saulus pabukat kuno, pakakito no saguli'!’ Paat ragili niayuk nakakito aku saguli' am nagilong aku riso.

RINALATAN 22:16

Raino, pai' no boo paginaa. Kaa' sukal am pakiriu' kou no. Pakiasi' no ra Tuhan maa' raginio palabuson kou intor ra ngaangai' tula muno.’ ”

RINALATAN 9:17

Ginio ra ongoi i Ananias ra baloi i am pabantaa' no kalindu' no ri Saulus. Indagu io, “Saulus, pabukat kuno, i Tuhan Jisus ondo' nakito mu ra tanga' ru ralan paat ra okou minongoi ragiti, nanusub raki' muma' rirun koson makakito kou saguli' am mokoowot ra Ambiluo ri Aki Kapuuno'.”

RINALATAN 9:19

Pakaakan io ayuk ragili, maikang io boo saguli'. Minayan i Saulus ra ulun nangintopot ra kukula' ngoorou giu' ra Damsyik.

RINALATAN 9:8

Sukal i Saulus am singkarato' no mato nali, kaa' kalo nakakito io boo. Ginio ra indangano' io ayuk boo kitango' mongoi ra Damsyik.

2 KORINTUS 3:14

Kaa' koson risilo, kinotog nilo guang nilai no. Saboi ra orou raiti' guang nilai no lakat ayuk poyo nasilian paat ra ilo mambasa' ra kitab Nabantuan Lair no. Ginio maalap ayuk kairu' paat ra sasangulun no masimpung ri Kristus.

2 KORINTUS 4:6

Minindagu i Aki Kapuuno', “Kasauk noyo sinda ra kalandaman.” I Aki Kapuuno' niayuk ondo' mampakasinda ra guang mai, koson makaintutun akai toojo ra katulayan Nano ondo' simininda ra bulos ri Kristus.