RINALATAN 9:15 - Tanou Moonsoi Timugon

¹⁵ Kaa' indagu Tuhan no riso, “Ugar no, sabap ra io pinili' Ku mangandoi Raki', koson mampasaboi ra tanou intor Raki' ra ngaangai' bansa' ondo' sala' ka Jaudi am raja'-raja' am niayuk ulun ru Israil.

RINALATAN 9:15 ပူးပေါင်းရင်းမြစ်များ

JIRIMIA 1:5

“Ra Aku kalo poyo nampasauk rirun ra okou tinayon ru ina' muno, am ra kalo poyo inanak, pinili' am linantik Ku noyo okou masauk ra nabi tayar ra bansa'-bansa'.”

JIRIMIA 1:7

Kaa' taam Tuhan, “Pai' no indagu ra okou no lakat poyo mamulok. Ongoi no ra ulun ondo' paangayin Kuno rirun, am balai' ilo ra ngaangai' ondo' panusuban Kuno rirun.

MATIUS 10:18

Akimin kau ra saang ru tingganai-tingganai ru ulun am niayuk raja'-raja' sabap ra akau mangintopot Raki', am mampatanou kau boo ra Tanou Moonsoi no risilo am poyo ra ulun sala' ka Jaudi.

JUANIS 15:16

Pai' ru akau nampili' Raki', kaa' Aku noyo nampili' ramuyun am inaru' takamin mongoi ra ati-ati ayuk am manangkawa' ra maawas, am kawa' mino tumilayun. Atan ayuk kitaakon min ralalom ru inggalan Kuno, aniin kau ri Ama'.

RINALATAN 13:2

Igondo' ragili, tatanga' ilo sambayang am nampali, indagu Ambiluo ri Aki Kapuuno' no risilo, “Pasuayo' min i Barnabas am i Saulus koson mangangandoi raki' ra kandoi ondo' inaru' Ku noyo risilo.”

RINALATAN 21:19

Pakauma' ayuk risilo, tunungo' boo ri Paulus ngaangai' ondo' binaal ri Aki Kapuuno' ra ulun ondo' sala' ka Jaudi ralalom ru kandoi nano.

RINALATAN 22:14

Kono raki', ‘I Aki Kapuuno' ondo' sambaan ru kinamatuaan takau nampili' noyo rirun maa' raginio makapandai ra kasagaan Nano, makakito toojo ra Ulipon no ondo' masalok gumagaya' Riso am mokorongog ra bolos ri Jisus galama'.

RINALATAN 22:21

Kaa' indagu poyo Tuhan i raki', ‘Ugar no, sabap ra Aku noyo mopoongoi rirun ra intok maalur, mongoi ra ulun ondo' sala' ka Jaudi.’ ”

RINALATAN 25:22

Indagu i Agripa ri Pistus, “Aku galama' pana masaga' mangkirongog ra ulun no.” Taam i Pistus, “Susuab mokorongog kou niayuk riso.”

RINALATAN 26:1

Indagu i Agripa ri Paulus, “Raino kaluagan muno magisaung.” Pangani' i Paulus ra pulanu koson kinayang kalindu' nali indagu io boo koson ragitio:

RINALATAN 26:32

Indagu boo i Agripa ri Pistus, “Sotopot no, makalabus raan ulun ti, kaa' makibisara' io poyo ra Kaisar.”

RINALATAN 27:24

Indagu malaikat i, ‘Pai' kalaa' Paulus! Makauma' kou niayuk ra Kaisar. Ra mataau i Aki Kapuuno' ra ulun nabaya' rirun ra kapal ti, ra ilo pana maayag mabaya' rirun.’

RINALATAN 28:17

Pakasail nataluan, timungo' ri Paulus tingganai-tingganai ru ulun ru Jaudi. Pakatimung ilo, pambala' boo i Paulus, kono, “Pabukat kau ngaangai'! Kolondo' sala kuno ra bansa' takau galama', kapoam kalo minanggal aku ra kaulayan ru kinamatuaan takali. Kabalu' pana koson raginio, rinakop aku niayuk giu' ra Jirusalim am pinataak aku ra ulun ru Roma.

RINALATAN 28:28

Pupus no indagu boo i Paulus, “Balain takamin: Raino ti pambalaan ru pamayagan intor ri Aki Kapuuno' pinabala' noyo ra bansa' ondo' sala' ka Jaudi. Ilo ti masaga' mangkirongog.” [

ROMA 1:1

Pabukat kau ngaangai', aku i Paulus, ulipon ri Jisus Kristus am rasul ondo' pinili' am piniau ri Aki Kapuuno' mampabala' ra Tanou Moonsoi Nano.

ROMA 1:5

Ralalom ru inggalan Nano noyo tinimpok taaki' ri Aki Kapuuno' raki' kandoi masauk ra rasul, koson mangandoi aku ri Kristus am magibit ra ngaangai' ulun mangintopot am gumagaya' Riso.

ROMA 11:13

Raino mindagu aku ramuyun ulun sala' ka Jaudi, buoi aku mampaugar ra kandoi koson ra sangulun rasul ra ulun sala' ka Jaudi, karaan ku kandoi ragitio maatang kaga'.

1 KORINTUS 15:10

Kaa' kataawan ri Aki Kapuuno' niayuk ondo' nampasauk raki' ra osoi aku raino ti. Am kataawan Nano kalo niayuk nalubat. Kaa' sotopot no aku ondo' nangandoi toojo ka ngaangai' rasul ra bokon. Kaa' ginio noyo sala' ka aku galama', kaa' kataawan ri Aki Kapuuno' ondo' nangandoi nabaya' raki'.

1 KORINTUS 9:16

Kalo maaya' aku lumimbau amon ru mampabala' aku ra Tanou Moonsoi, sabap ra aku ti sinusub ri Aki Kapuuno'. Mapara' boo usung kuno amon ru kalo mampatanou aku ra Tanou Moonsoi no.

GALATIA 1:1

Aku i Paulus, ondo' nasauk ra rasul sala' ka sumugut ra kasagaan ru ulun kapoam susuban ru ulun, kaa' intor ra susuban ri Jisus Kristus am i Aki Kapuuno', Io no i Ama' ondo' namayag saguli' ri Jisus intor ra kapatayan.

IPISUS 3:1

Ginio nai boo puun ra aku, i Paulus, inaput, sabap ra aku sangulun mangangandoi ri Jisus Kristus koson ra kaatangan ramuyun ondo' sala' ka ulun ru Jaudi.

1 TIMOTIUS 2:7

Am ginio nai ra aku ti pinasauk ra rasul am mangingila' ra tayar ru ulun sala' ka Jaudi, koson mampatanou ra pangintapatan ondo' motopot. Am motopot ngaangai' rinagu kutu, pai' ru magabau aku.

2 TIMOTIUS 1:11

Sinauk aku ri Aki Kapuuno' ra sangulun rasul am mangingila', koson mampasaboi ra Tanou Moonsoi ti.

2 TIMOTIUS 2:4

Sangulun saujor kalo sumiang io mambaal ra kaatangan nano galama' paat ra lakat poyo mangandoi ra saujor, sabap ra masaga' io mapabansuk ra tingganai nano.

PINAINTALANG 17:14

Tumula' ilo ra Anak Domba no. Kaa' Anak Domba no am ilo ondo' gumagaya' Riso no, ondo' piniau Nano am ondo' pinili' Nano, mangala ra raja'-raja' nano, sabap ra Io noyo Tuhan ru ngaangai' tuan am Raja' ru ngaangai' raja'.”