RINALATAN 9:13 - Tanou Moonsoi Timugon

¹³ Kaa' taam i Ananias, “Tuhan, nokorongog aku no intor ra ulun masuang ra kalaatan ondo' binaal ru ulun ti ra ulun Muno giu' ra Jirusalim.

RINALATAN 9:13 ပူးပေါင်းရင်းမြစ်များ

YEHEZKIEL 3:14

Kuasa' ru Tuhan rumatong raki' ra mapuor, am paat ra aku kinayang am inibit ru Ambiluo Nano, malimanan ku maruol guang am sumangit.

MATIUS 10:16

“Karaa' min! Susubon takamin koson ra domba giu' ra tatanga' ru taani. Akau musiti' no mapintar koson ra kukuo am moonsoi guang koson ra susuit asang.

RINALATAN 22:4

Nangimbolo' aku noyo ra ulun-ulun ondo' minaya' ra pangilaan bagu ti saboi mokoondo' minatoi. Mokoondo' niayuk ungkuyon am ruandu' intor risilo ti ondo' rinakop kuli am pinasubol ra lamin pangaputan.

RINALATAN 8:3

Kaa' i Saulus mangkinam mamuso risilo. Ginio ra mongoi io ra baloi nilai am ralaaton no ulun-ulun nangintopot am pasubolon no ilo ra lamin pangaputan.

RINALATAN 9:1

Liliwa' ragili i Saulus nampagaai poyo ra kalaatan nano koson mamatoi ra ulun-ulun ondo' nangintopot ra Tuhan. Ginio ra ongoi io tuum ra Tingganai Maayo Imam Jaudi

RINALATAN 9:21

Ngaangai' ulun ondo' nokorongog i nangimuag ri Saulus. Nagindagu ilo, “Sala' ka kia io no ondo' giu' ra Jirusalim i namatoi ra ulun ondo' sumamba ri Jisus? Am minatong io ragiti pana koson mamparakop am magibit risilo ra tingganai imam Jaudi?”

RINALATAN 9:32

Minongoi i Pitrus ra ati ayuk intok nanambului ra ulun-ulun mangintopot. Ralalom pangkiralanan nali minongoi io pagilong ra ulun ri Aki Kapuuno' ra bandar Lida.

RINALATAN 9:41

Guuto' ri Pitrus longon nali am indangano' no bigor. Piawo' no boo ulun ondo' nangintopot am niayuk napuor-napuor, koson nampakito risilo ra naayag io poyo saguli'.

ROMA 1:7

Ginio ra nanulis aku ra surat ti ramuyun ngaangai' ra Roma ondo' tagamin ri Aki Kapuuno' am ondo' piniau noyo masauk ra ulun Nano. Gama' ru Ama' takau i Aki Kapuuno' am i Tuhan Jisus Kristus manaak ramuyun ra barakat am pabansayan.

ROMA 15:31

Pakiasi' kano raki' ri Aki Kapuuno' ra ampinin No aku intor ra ulun ondo' kalo mangintopot ra Tuhan giu' ra Judia am ra pangindanganan kuno apuon ru ulun ri Aki Kapuuno' giu' ra Jirusalim.

ROMA 16:15

Bilin kaansayan kuno ri Pilologus am i Julia, i Nirius am pagaka' ra ruandu' nano, i Olimpas am ngaangai' ulun ri Aki Kapuuno' ondo' mababaya' risilo.

ROMA 16:2

Apuo' min io koson ra pabukat Kristian, ioginio kaindalaman ru ulun ri Aki Kapuuno' mangapu ra rondo' am bokon. Atan ayuk pakiindanganan nano indangano' min noyo, sabap ra io galama' nakapangindangan noyo masuang ulun am aku niayuk.

1 KORINTUS 14:33

Sabap ra i Aki Kapuuno' marara' ra jajajou, kaa' masaga' Io ritakau matanda' am makakaansayan. Koson ra kaindalaman ru ngaangai' pasimpungan ulun Kristian,

1 KORINTUS 16:1

Raino, intor ra ruit paindanganon min ra ulun ri Aki Kapuuno' giu' ra Judia. Bayaa' min ayuk atan ondo' nanusuban kuno ra pasimpungan ulun Kristian giu' ra pagun Galatia.

1 KORINTUS 6:5

Mapara' boo uyu' no! Maaru' mokoondo' intor ramuyun ondo' mapintar koson manalasai ra pansasangaran ra gino ngai' ru ulun Kristian.

IPISUS 1:1

Aku gitio i Paulus, sangulun rasul ri Jisus Kristus sumugut ra kasagaan ri Aki Kapuuno'. Surat ti posoboyon ku ra ulun ri Aki Kapuuno' ondo' sumugut ri Jisus Kristus giu' ra Ipisus.

PILIPI 1:1

Aku i Paulus mabaya' ri Timotius, ondo' ulipon akai ti ri Jisus Kristus. Pabukat kau ngaangai' giu' ra bandar Pilipi, ulun ri Aki Kapuuno' ondo' nakasimpung noyo ri Kristus am tingganai mino am poyo ilo ondo' mangindangan risilo no.

PILIPI 4:22

Ngaangai' ulun ri Aki Kapuuno' ragiti mampasaboi ra kaansayan nilo ramuyun, mulu' poyo ilo ondo' mayan ra istana ru Kaisar.

KOLOSI 1:2

Gitio posoboyon ku ra ulun ri Aki Kapuuno' ondo' masisimpung ri Kristus giu' ra bandar Kolosi. Gama' ru i Aki Kapuuno', Ama' takau, manaak ramuyun ra barakat am pabansayan.

IBRANI 13:24

Posoboyo' min noyo bilin kaansayan mai ra tingganai mino am poyo ra ngaangai' ulun ri Aki Kapuuno'. Pabukat ra Kristian intor ra Itali pana mampasaboi ramuyun ra bilin kaansayan nilai.

JUDAS 1:3

Pabukat kau ngai' ondo' tagamin ku! Mokoondo' noyo guang ku ra buoi ti koson manulis raan ramuyun intor ra pamayagan ti ondo' inapu takali. Kaa' raino ti malimanan ku ra moonsoi ru manulis aku noyo ramuyun ra surat ti koson anggalon min ilo ondo' tumula' ra pangilaan motopot intor ri Aki Kapuuno', ondo' pinataak ra igondo' ayuk ra ulun Nano ra sabuoi-buoi no.

1 SAMUIL 16:2

Nangkuot i Samuil, “Ati kulaan nua' aku mambaal raginio? Amon ru nokorongog Raja' Saul ra baal ragitio, maaru' mamatoi io raki'!” Taam Tuhan, “Ibito' sanginan anak sapi' gawayan am indagu riso ra okou mongoi ra giu' no koson mapataak ra taak simbalui ra Tuhan.