RINALATAN 8:9 - Tanou Moonsoi Timugon

⁹ Giu' no mokoondo' niayuk sangulun ungkuyon makainggalan ri Simon. Nabuoi noyo io nambaal ra ulun Samaria mangaliangan koson magilong ra baal kaimuagan nali. Io rokoon sangulun mapandai mangingilong,

RINALATAN 8:9 ပူးပေါင်းရင်းမြစ်များ

RINALATAN 13:6

Inongoi nilo ngaangai' intok ra pulu' no, saboi nakasuku' ra Papos. Giu' i nakatuum ilo ra sangulun mangingilong, makainggalan i Bar-Jisus, ulun ru Jaudi ondo' migiangku ra io no sangulun nabi.

RINALATAN 5:36

Ragili mokoondo' sangulun inggalanin ri Tiudas ondo' migiangku ra io tingganai maatang. Mokoondo' olo'-olo' apat ngaatus ngaulun minaya' riso, kaa' pinatoi io am ngaangai' maamaya' nali nantutuliar, am kandoi nali pana napuso.

JUANIS 7:18

Ulun ondo' mangila' sumugut ra pangkaraan nano galama', io no makiompor ayuk. Kaa' ulun ondo' mongompor Riso ondo' nanusub riso, io ti motopot am kalo magabau.

IMAMAT 20:6

“Osoi ayuk mongoi pakibilin intor ra ulun ondo' mapandai makimansunur ra ambiluo ru ulun namagatoi, ukumin Ku am kalo boo mangkara' Aku ra ulun Kuno.

RINALATAN 8:11

Ginio ra rongogon nilo io, sabap ra nabuoi noyo kapandayan nali namunduk ra guang nilai.

KAINGKUALAN 7:22

Kopongo raginio ulun-ulun mapandai kaga' ra sihir ra pagun ru Misir nambaal niayuk ra baal koson raginio ra kapandayan nilo, saboi bambalingatan noyo raja'. Koson ra rinagu ru Tuhan, marara' raja' mangining ra ragu ri Musa am i Arun.

KAINGKUALAN 7:11

Kopongo raginio pampiau raja' no ra ulun makakapandayan am ulun mapandai kaga' ra sihir, am ra kapandayan ra sihir, nambaal ilo ra baal nogondo'.

PINAINTALANG 22:15

Kaa' ulun mambaal ra makauyuyu' am majamol, ulun makakapandayan malaat, mansasawa', mamamatoi, ondo' sumamba ra sinungkalalaing, am ulun magagabau – iou pana maya' ra ragu kapoam binaal nano; ngaangai' ulun ragitio intok nilo ra liwar ru bandar no.

2 PITRUS 2:18

Ragu nilai masumbung am sasambungon. Pansasawaan nilono mamparuku' ra ulun ondo' bagu ayuk poyo timinalikur intor ra kaayagan nakalayau.

2 TIMOTIUS 3:5

Kabalu' ra ilain ra sumugut ilo niayuk ra kaulayan ru ugama, kaa' marara' ilo ra kuasa' ru Tuhan ralalom kaayagan nilai. Moonsoi ru minggalur kou ra ulun koson raginio.

2 TIMOTIUS 3:2

Mokoondo' masuang ulun mangkara' ayuk boo ra kasingkatan nilo galama', maringkumaa' ra kalangkayaan, masumbung am lumimbau. Magasab ilo ra ulun, manggal ra matuo nilai, kolondo' paliso nilo ra paringkuanangan am kalo mangurumat ra ugama.

2 TISALONIKA 2:4

Makimantula' am makiompor io ra ngaangai' ondo' rokoon tuhan kapoam atan ayuk ondo' sambaan ru ulun, saboi sumubol am manturung io ra Baloi Tuhan am migiangku ra io rokoon i Aki Kapuuno'.

KAINGKUALAN 9:11

Kalo makatuum ulun mapandai kaga' ra sihir no ri Musa sabap ra napuu ilo ra talipos koson ulun ru Misir ra bokon no.

RINALATAN 13:8

Kaa' i Ilimias, (ginio inggalan ri Bar-Jisus ralalom ragu Junani), mangingilong i, nanginga' risilo. Nangkinam io mangkinibit ra gabenor no kalo mangintopot ri Jisus.