RINALATAN 8:37 - Tanou Moonsoi Timugon

³⁷ Indagu i Pilipus, “Mariu' tokou amon ru mangintopot kou toojo.” Taam io, “Mangintopot aku ra i Jisus Kristus i noyo Anak ri Aki Kapuuno'.”]

RINALATAN 8:37 ပူးပေါင်းရင်းမြစ်များ

MATIUS 16:16

Taam i Simon Pitrus, “Okou no Mamamayag ondo' sinusub i, Anak ri Aki Kapuuno' Ondo' Maayag.”

MATIUS 28:19

Ongoi kano ra ngaangai' bansa' ra titikop ru tana' ti am sauko' ilo no ra maamaya' Kuno. Riwo' ilo no ralalom inggalan ri Ama', Anak, am Ambiluo ri Aki Kapuuno'.

MARKUS 16:16

Osoi ayuk mangintopot am riwon, io no bayagon; kaa' osoi ayuk kalo mangintopot, io no ukumin.

JUANIS 11:27

Kon ri Marta, “Iou Tuhan, mangintopot aku ra Okou noyo Anak ri Aki Kapuuno', Mamamayag ondo' inaru' noyo matong ra tana' ti.”

JUANIS 20:31

Kaa' ngaangai' ti tinulisan noyo, maa' raginio mangintopot kau ri Jisus noyo Mamamayag ondo' sinusub ri Aki Kapuuno' i, ioginio Anak ri Aki Kapuuno'. Sabap ra pangintapatan mino Riso, mokoowot kau ra kaayagan motopot.

JUANIS 6:68

Taam i Simon Pitrus Riso, “Tuhan, osoi poyo angayan mai? Ragu Muno mangani' ra kaayagan motopot am mantilayun.

JUANIS 9:35

Pakaining i Jisus raginio, tuumo' No ulun i am kuati' no, “Mangintopot kou kia ra Anak ru Ulun?”

RINALATAN 2:38

Taam i Pitrus, “Talikur kau ngai' intor ra tula mino. Musiti' akau riwon ralalom inggalan ri Jisus Kristus, koson ra tula mino ampunon. Akau pana makaapu ra taak intor ri Aki Kapuuno', ioginio Ambiluo ri Aki Kapuuno'.

RINALATAN 8:12

Kaa' nangintopot ilo ra bala' ri Pilipus, ioginio Tanou Moonsoi intor ra Pamarintaan ri Aki Kapuuno' am i Jisus Kristus, am riniu' ilo, ungkuyon am niayuk ruandu'.

RINALATAN 8:21

Kolondo' tayar muno ralalom kandoi mai, sabap ra guang muno kalo motopot ra pagilangan ri Aki Kapuuno'.

RINALATAN 8:36

Paat ra ilo nanunggul ra pangkiralanan nilai, pakasuku' ilo ra intok makatimug. Indagu pagawai no, “Ilai', giti makatimug. Atan poyo manginga' raki' ra aku riwon?” [

RINALATAN 8:38

Panusub boo pagawai no mampauog ra sinakayan nano. Pakauog ayuk tuun ilo karuo, am tapung ra timug am riwo' io boo ri Pilipus.

RINALATAN 9:20

Minongoi io ra ngaangai' baloi sambayangan ra giu' i am timinalimpuun mampatanou ra i Jisus i noyo Anak ri Aki Kapuuno'.

ROMA 10:10

Sabap ra pangintapatan takau ra mapiot no, itakau pobonsoyon saguli' ri Aki Kapuuno', am intor ra pangakunan, itakau bayagon.

1 KORINTUS 12:3

Musiti' kau makapandai ra ulun ondo' kinuasa' ru Ambiluo ri Aki Kapuuno' kalo makaindagu ra, “Kaluus i Jisus!” Koson niayuk ra kolondo' sangulun pana makaindagu ra, “I Jisus noyo Tuhan!” amon ru kalo kuasaan ulun no ru Ambiluo ri Aki Kapuuno'.

1 PITRUS 3:21

Baal raginio noyo abig ru pampariwan ondo' raino ti mamayag ramuyun. Pampariwan ti sala' ka manginjaki ra inan, kaa' ginio noyo bantu' min gumagaya' ri Aki Kapuuno' intor ra guang mapasau. Pampariwan ti mamayag ramuyun sabap ri Jisus Kristus binayag saguli' intor ra kapatayan,

1 JUANIS 4:15

Osoi ayuk mangintopot ri Jisus no Anak ri Aki Kapuuno', i Aki Kapuuno' maayag sumimpung ra ulun no am niayuk ulun no maayag sumimpung ri Aki Kapuuno'.

1 JUANIS 5:1

Ulun ondo' nangintopot ra i Jisus noyo Mamamayag ondo' sinusub ri Aki Kapuuno', io no anak ri Aki Kapuuno'. Ulun ondo' motogom ra sangulun ama', motogom niayuk ra anak nano.

1 JUANIS 5:10

Ginio ra osoi ayuk mangintopot ra Anak ri Aki Kapuuno', nakaapu io noyo ra kaintutunan ragitio ralalom ru guang nano. Kaa' osoi ayuk kalo mangintopot ri Aki Kapuuno', manguu' io ri Aki Kapuuno' magabau, sabap ra kalo nangintopot io ra atan ondo' rinagu ri Aki Kapuuno' intor ra Anak Nano, i Jisus Kristus.

1 JUANIS 5:5

Osoi kia makaanggal ra kalaatan ru tana' ti? Ilo ayuk ondo' nangintopot ra i Jisus noyo Anak ri Aki Kapuuno'.