RINALATAN 8:32 - Tanou Moonsoi Timugon

³² Gitio noyo ondo' binasa' nali, ioginio: “Koson Io ra domba ondo' potoyon; koson ra anak domba mongkoror paat ra lamparin ra bulu; koson niayuk Riso, kalo minindagu Io.

RINALATAN 8:32 ပူးပေါင်းရင်းမြစ်များ

MAZMUR 39:2

Mindagu aku, “Ilalain ku ayuk atan ondo' baalon kuno, am kalo mambaal ra tula intor ra rila' kuno. Kolondo' atan-atan raguon kuno buoi ru ulun malaat sumoroi ra kiing kuno.”

MAZMUR 39:9

Palabuso' aku intor ra nansalinut tula kuno, am pai' aku polosoo' iison ru ulun sasambungon.

JIRIMIA 11:19

Koson aku ra domba ra kalo manantam ondo' inibit mongoi ra intok pamatayan. Kalo nakapandai aku ra aku noyo nasauk ra sonsolon ru paguguuman nilo. Konilo, “Ibok no ongoyo' takau tagaro' puun tataun no ra malabung ayuk poyo; ibok no potoyo' takau io maa' raginio inggalan nano malilianan ru ulun.”

JIRIMIA 12:3

Kaa' iou Tuhan, nakaulig Kou raki'; nakito Mu binaal kuno am nakapandai ra suang ru guang kuno Rirun. Ralaato' ulun malaat no mingkual koson ra domba mongoi ra intok pamatayan. Alungi' ilo saboi ra paat ilo simbaluyon.

JIRIMIA 51:40

Ibiton Ku ilo maa' raginio simbaluyon koson ra anak domba, domba gawayan am kambing. Aku, Tuhan, nakaindagu noyo.”

LUKAS 23:34

Indagu i Jisus, “Ama', ampuno' ilo no, sabap ra kalo makatutun ilo ra atan baalon nilo ti.” Pagugundi' ilo poyo koson mantayar ra bayang ri Jisus.

JUANIS 1:29

Io suabon ragili, nakito ri Juanis i Jisus minatong riso, am indagu io, “Ilai' min, gitio noyo Anak Domba ri Aki Kapuuno' ondo' mamuso ra tula ru ulun ru tana' ti!

RINALATAN 8:31

Taam ulun no, “Ati kulaan aku mangarati' amon ru kolondo' ulun mapaintutun raki'?” Kimaiti' no boo i Pilipus siminakoi, am pagumbir ilo nanturung.

ROMA 8:36

Koson ragitio tinulisan ra Buuk Kitab, “Masalok akai makauma' ra baal makapatoi sabap ra akai ulun Muno, akai koson niayuk ra domba ondo' simbaluyon.”

1 KORINTUS 15:3

Tanou ra pinasaboi kutu ramuyun ti, iono ondo' naapu kuno galama' am ondo' maatang toojo ioginio: ra i Kristus minatoi sabap ra tula takau, koson tinulisan ra Buuk Kitab;

1 PITRUS 1:19

kaa' ondo' mologo toojo no, ioginio raraa' ri Kristus. Io sinauk ra rondo' taak, mogondo' ra anak domba simbaluyon ondo' kolondo' noyo kalaatan kapoam sala.